Morgunblaðið - 11.09.2020, Blaðsíða 10

10 FRÉTTIRInnlent
MORGUNBLAÐIÐ FÖSTUDAGUR 11. SEPTEMBER 2020
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Égheyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“
Ólafur Einar Frið-
riksson, lögfræðingur
og fv. fréttamaður, lést
á Landspítalanum 1.
september, 66 ára að
aldri, eftir langvinn
veikindi.
Ólafur var fæddur 6.
apríl 1954 í Reykjavík.
Foreldrar hans voru
Friðrik Einar Björg-
vinsson húsgagna-
bólstrari og María
Árnadóttir matráðs-
kona.
Ólafur hóf störf í
blaðamennsku, var
fyrst á DV og síðar á RÚV. Árið
1984 var hann meðal fréttamanna á
útvarpsstöðinni Fréttaútvarpinu
sem rekin var í verkfalli opinberra
starfsmanna og prentara árið 1984.
Hann var í hópi fyrstu fréttamanna
Stöðvar 2 haustið 1986 og starfaði
þar í nokkur ár. Einbeitti Ólafur
sér að stjórnmálafréttum og var
ásamt Helga Péturssyni spyrjandi í
eftirminnilegum þætti 2. september
1988 þegar Steingrímur Her-
mannsson og Jón Baldvin Hanni-
balsson voru til viðtals í beinni út-
sendingu í myndveri Stöðvar 2 og
ríkisstjórn Þorsteins Pálssonar
sprakk í kjölfarið.
Ólafur skrifaði bókina „Skotveið-
ar í íslenskri náttúru“
og var hún tilnefnd til
Íslensku bókmennta-
verðlaunanna árið
1996 í flokki fræðibóka
og rita almenns efnis.
Árið 1991 kom út bók-
in „Læknir á vígvelli“
þar sem Ólafur skrif-
aði um störf Gísla H.
Sigurðssonar læknis á
átakasvæðum í Kúveit.
Einnig vann Ólafur að
gerð nokkurra heim-
ildarmynda. Meðal
þeirra má nefna mynd
um haförninn, „Hinn
helgi örn“, og myndina „Tvennir
tímar“, sem fjallaði um Gvend jaka,
Guðmund J. Guðmundsson, og
verkalýðshreyfinguna.
Ólafur nam stjórnmálafræði og
síðar lögfræði og ritaði fjölda
greina um lögfræðileg málefni. Eft-
ir að hann hætti í fréttamennsku
1990 starfaði hann um tíma hjá Ís-
lenskri erfðagreiningu og síðast hjá
Fjármálaeftirlitinu til ársins 2012,
þegar hann lét af störfum vegna
veikinda.
Eftirlifandi eiginkona Ólafs er
Þórdís Zoëga, hönnuður FHI, og
sonur þeirra er Kristján Geir Ólafs-
son. Jarðarförin hefur farið fram í
kyrrþey.
Andlát
Ólafur E. Friðriksson,
fv. fréttamaður
Brynjólfur Gíslason,
fyrrverandi sóknar-
prestur í Stafholti í
Borgarfirði, lést sl.
mánudag, 82 ára að
aldri.
Brynjólfur var fædd-
ur 26. desember 1938 á
Kirkjubæjarklaustri á
Síðu, sonur hjónanna
Gísla Brynjólfssonar,
prests og prófasts þar
og síðar fulltrúa í land-
búnaðarráðuneytinu,
og Ástu Þóru Valdi-
marsdóttur húsfreyju.
Brynjólfur lauk emb-
ættisprófi í guðfræði frá Háskóla Ís-
lands árið 1968. Áður starfaði hann
sem kennari við Gagnfræðaskólann í
Keflavík, Gagnfræðaskólann við
Lindargötu og Gagnfræðaskóla
Austurbæjar og var um tíma blaða-
maður á Vísi. Hann var í tvö ár fram-
kvæmdastjóri félagasamtakanna
Verndar eða þar til hann var vígður
til Stafholtsprestakalls árið 1969.
Hann þjónaði í prestakallinu í tæp-
lega fjóra áratugi, lét af störfum fyr-
ir aldurs sakir 2008.
Brynjólfur var með
búskap í Stafholti og
var stundakennari við
Varmalandsskóla og
Hússtjórnarskólann á
Varmalandi og fleiri
skóla. Hann var frétta-
ritari Morgunblaðsins í
Borgarfirði í mörg ár.
Brynjólfur var virk-
ur í félagsmálum, var
formaður Ungmenna-
félags Stafholtstungna,
í skólanefndum
Varmalandsskóla og
Hússtjórnarskólans á
Varmalandi, formaður Sjálfstæð-
isfélags Mýrasýslu og í stjórn kjör-
dæmisráðs, forseti Rótarýklúbbs
Borgarness og endurskoðandi Kaup-
félags Borgfirðinga, auk þess að
vera í ritnefnd Borgfirðingabókar.
Eftirlifandi eiginkona Brynjólfs er
Áslaug Pálsdóttir, húsfeyja og fyrr-
verandi leikskólastarfsmaður, frá
Litlu-Heiði í Mýrdal. Þau hjónin
hafa búið í Borgarnesi frá árinu
2008.
Brynjólfur Gíslason, fv.
sóknarprestur í Stafholti
Ágúst Ingi Jónsson
aij@mbl.is
Skipsbjallan af línuveiðaranum
Erni GK úr Hafnarfirði kom upp
með rækjutrolli Klakks ÍS á
Skjálfanda síðasta föstudag. Örn-
inn fórst með 19 manna áhöfn í
ágústmánuði 1936 og fréttist síð-
ast til skipsins við Mánáreyjar,
skammt frá þeim stað þar sem
bjallan fannst.
Í Morgunblaðinu þriðjudaginn
11. ágúst 1936 er sagt frá því að
gufuskipsins Arnar sé saknað, en
skipið var á síldveiðum. Það var
eitt þeirra skipa sem lentu í af-
taka norðvestan illviðri fyrir
Norðurlandi á laugardeginum og
aðfaranótt sunnudags [9. ágúst].
„Ekkert hefir til skipsins spurst
síðan á sunnudagsmorgun kl. 10.
En þá sigldi línuveiðarinn „Jarl-
inn“ framhjá Erninum við Mán-
áreyjar. Örninn var þá á leið vest-
ur með landinu og virtist alt vera í
lagi hjá honum, nema hann var
búinn að missa annan nótabátinn,“
segir í Morgunblaðinu, en á
sunnudagsmorgninum var veðrinu
farið að slota töluvert.
Noregur, Færeyjar, Ísland
Menn gerðu sér vonir um að
vélarbilun hefði tafið fyrir Ern-
inum og í versta falli að menn
hefðu komist í báta ef skipið hefði
sokkið. Svo fór þó ekki, nótabát-
arnir fundust báðir, sömuleiðis
bjarghringur og koddi, og áhöfnin
var talin af.
Örn GK-5 var smíðaður í Noregi
árið 1903 og bar fyrst nafnið Bat-
alder og var í fyrstu gerður út til
síldveiða við Noreg á sumrin og
makrílveiða á vetrum. Skipið var
selt til Færeyja og var um tíma
gert út frá Klakksvík, en keypt til
Íslands 1927. Hér fékk skipið
nafnið Pétursey og síðar Örn GK
og var síðustu árin gert út af
Samvinnufélaginu Erni í Hafn-
arfirði. Skipið var rúmlega 100
brúttótonna stálskip.
Örugglega varðveitt
Farið var með skipsbjölluna í
Byggðasafnið á Ísafirði, þar sem
bjallan var sett í bleyti og stærstu
sandklumparnir barðir utan af
henni. Þegar búið var að fjarlægja
sand og annað sem þakti gripinn
eftir áratugi á hafsbotni kom nafn-
ið Batalder í ljós skýrum stöfum.
Jóna Símonía Bjarnadóttir, for-
stöðumaður safnsins, segir óljóst
hvað gert verði við skipsbjölluna,
en hún verði örugglega varðveitt,
hvort sem það verður á Ísafirði
eða annars staðar.
Fánum prýtt Skipið var smíðað í Noregi árið 1903 og bar þá nafnið Batalder, en síðar Pétursey og Örn.
Bjallan af hafsbotni 84 ár-
um eftir að Örn GK sökk
 Skýrir stafir eftir að sandklumpar höfðu verið barðir af
Ljósmyndir/Guðbjartur Jónsson
Skipsbjallan Eftir að hafa legið á hafsbotni í áratugi þurfti að berja sand
og annað af bjöllunni. Að því loknu kom nafn skipsins greinilega í ljós.
Morgunblaðið/Halldór Sveinbjörnsson
Sjómaður og safnstjóri Torfi
Bjarnason og Jóna Símonía Bjarna-
dóttir lesa sér til um sögu Arnarins,
en afi Torfa fórst með skipinu.