Morgunblaðið - 13.10.2020, Blaðsíða 26

NBA
Gunnar Valgeirsson
Los Angeles
Los Angeles Lakers vann sautjánda
NBA-meistaratitil sinn á sunnu-
dagskvöld í kúlunni í Orlando eftir
stórsigur á Miami Heat, 106:93, í
sjötta leik liðanna í lokaúrslitum
deildarinnar. Einvíginu lauk þannig
4:2. Lakers hefur þar með jafnað
titlamet Boston Celtics, en Boston
vann þrettán af sínum meistara-
titlum áður en deildin sameinaðist
gömlu ABA-deildinni í núverandi
fyrirkomulag árið 1976. Lakers hef-
ur unnið ellefu titla síðan deildin
stækkaði og gerði erfiðara fyrir lið
að vinna ár eftir ár með launaþaki og
frelsi leikmanna til að skipta um lið
eftir að hafa uppfylt samninga sína.
Þetta var í 33. sinn sem Lakers
var í úrslitarimmunni, en Boston
kemur næst með 21. Með því að
jafna tölu meistaratitla geta áhang-
endur Lakers svo sannarlega sagt
að þeirra lið sé nú með besta árang-
ur allra liða í sögu deildarinnar.
Þetta var einnig fjórði titill Le-
Bron James með þremur liðum og
má segja að hann sé kominn í hóp
4-5 bestu leikmanna deildarinnar frá
upphafi, þótt margir NBA-spekúl-
antar líti á Michel Jordan sem besta
leikmanninn frá upphafi. Aðeins
fjórir NBA-leikmenn hafa unnið
meistaratitla með þremur liðum;
John Salley, Robert Horr, og Danny
Green. James er nú kominn í þennan
hóp. Allir þessir leikmenn unnu
þriðja titilinn hjá Lakers.
Betra liðið fer í gang
Lakers virtist hafa þessa rimmu í
sínum höndum eftir að hafa náð 3:1-
forystu og bjuggust flestir við að tit-
illinn yrði innsiglaður á föstudag í
fimmta leiknum, enda Lakers með
betra lið. Jimmy Butler og félagar
voru hins vegar ekki tilbúnir að fara
í frí og Miami vann þann leik,
111:108, á lokasekúndunum. Svo leit
út að keppnisskapið vantaði hjá La-
kers í þeim leik og 3:2-staða var allt í
einu í einvíginu. Butler lék nær allar
leikmínútur fjórða og fimmta leiks-
ins, og spurningin var hvort hann
gæti gert það að nýju í þeim sjötta.
Frank Vogel, þjálfari Lakers,
ákvað að skipta út í byrjunarliðinu í
sjötta leiknum með því að setja bak-
vörðinn Alex Caruso í stað miðherj-
ans Dwights Howards. Við það opn-
aðist sóknarleikurinn hjá Lakers, á
sama tíma sem svo virtist að keppn-
isskapið hefði blossað upp aftur.
Lakers-liðið tók smám saman hel-
tök í fyrri hálfleiknum. Vörn liðsins
var mjög virk og hart var barist um
hvern bolta. Í öðrum leikhlutanum
má segja að úrslitin í þessum leik –
og þar með lykillinn að þessum síð-
asta titli Lakers – hafi verið ráðin.
Staðan var 28:20 eftir fyrsta leik-
hlutann, en í öðrum hlutanum fór
vörn Lakers í annan gír og leit út
fyrir að Heat-liðið væri að reyna að
stöðva brim sín megin. Lakers setti
36 stig í leikhlutanum gegn sextán
hjá Heat, mest fyrir tilstilli Kentav-
ious Caldwell-Popes og Rajons
Rondos, sem skoruðu tuttugu af 36
stigum liðsins í leikhlutanum. Allt í
einu var kominn 28 stiga munur í
hálfleik, 64:36.
Augljóst var á þessum tímapunkti
leiksins að lið Miami var sprungið.
Þar var engin orka til staðar og því
var eftirleikur Lakers auðveldur.
Strax í leikslok heyrði ég í tölu-
verðum rakettusprengingum hér í
bæ og hundruð áhangenda Lakers
söfnuðust saman við Staples Center,
en sem betur fer virtust flestir
hegða sér vel þótt fæstir hafi farið að
leiðbeiningum heilbrigðisyfirvalda
hvað varðar almenningssamkomur.
Íþróttaeðjótar hér í bæ geta nú
beint athygli sinni að Dodgers-
hafnaboltaliðinu, en það er talið sig-
urstranglegasta liðið í úrslitakeppni
þeirrar deildar.
Uppfylla væntingar
Þetta var vissulega kærkominn
titill fyrir Lakers eftir bæði lengsta
keppnistímabil í sögu deildarinnar
og dauða stórstjörnunnar Kobes
Bryants í febrúar rétt fyrir stöðvun
keppninnar í mars.
Eigandi Lakers, Jeanie Buss
(dóttir langvarandi eiganda liðsins,
Jerry Buss), var bæði kát og hrærð
þegar hún tók við meistarastyttunni
af forseta NBA, Adam Silver, eftir
leikinn og ávarpaði leikmenn. „Þið
hafið skrifað ykkar einstaka kafla í
frábærri sögu Lakers. Saman höfum
við öll hjá Lakers upplifað hræðileg-
an missi þegar Kobe dó og þessi
stytta minnir okkur á að þegar við
öll sameinumst um ákveðið markmið
geta ótrúlegir hlutir gerst.“
LeBron James var kosinn leik-
maður lokaúrslitanna og átti þann
heiður vel skilinn. Hann skoraði 30
stig, tók tólf fráköst, og var með 59%
skotnýtingu í rimmunni. „Þetta er
mjög þýðingarmikill titill fyrir mig
og ég er hreykinn af að leika fyrir
þetta sögufræga lið. Ég sagði Jeanie
þegar ég kom til Lakers fyrir tveim-
ur árum að ég myndi koma Lakers á
toppinn þar sem það á að vera,“
sagði hann þegar hann tók við verð-
launastyttu sinni.
Miami getur verið hreykið af
frammistöðu sinni í þessari úr-
slitakeppni, þrátt fyrir þetta tap.
Liðið rakst þó á endanum á tvíhöfða
skrímslið James og Davis, og Heat
átti ekkert svar við þeim í lokin. Lið-
ið var einnig óheppið með meiðsl
lykilleikmanna í lokarimmunni.
Þetta er þó ungt lið með góða
framtíð. Klassarekið lið af Pat Riley
og Erik Spoelstra.
Bræðir hjörtu Lakersaðdáenda
Þegar James samdi við Lakers
fyrir tveimur árum var hann að taka
mikla áhættu í að vera með liði sem
myndi blanda sér í toppbaráttunua í
deildinni. Hann var að fara til liðs
sem var í uppbyggingu og hafði ekki
svo mikið sem þefað af úrslitarimm-
unni í sterkri vesturdeildinni síðan
Kobe Bryant og félagar unnu titilinn
2010.
Á fyrsta blaðamannafundinum
eftir að hafa komið hingað til Los
Angeles var hann spurður hvernig
hann gæti öðlast virðingu Lakers-
aðdáenda hér í borg. „Hver? Ég?“
svaraði hann. „Ég gerði fjögurra ára
samning,“ bætti hann við hlæjandi.
„Ég veit ekki hvað annað ég get
gert.“
Á blaðamannafundi fyrir fimmta
leikinn var hann inntur af fréttarit-
ara frá Los Angeles eftir þessum
ummælum sínum þá. „Það sem ég
hef smám saman skilið á undan-
förnum tveimur árum er að fyrir
aðdáendur Lakers skiptir engu máli
hvað þú hefur afrekað áður en þú
kemur til liðsins. Það er aðeins hvað
þú hefur gert í Lakers-treyjunni
sem skiptir þá máli.“
Eftir tveggja ára strit með Lak-
ers, þar sem sumir sökuðu hann um
að hafa komið til Los Angeles til að
gera kvikmyndir frekar en nokkuð
annað, hefur honum tekist að bræða
kröfuhörð hjörtu Lakers-aðdáenda
hér í bæ og er nú orðinn íþrótta-
kóngur Los Angeles, en Lakers er
langvinsælasta liðið hér í borg.
Lakers var sápuópera fyrsta árið
hans hjá liðinu og það má segja að
James hafði gert lítið til að vinna
kröfuharða Lakers-eðjóta hér í bæ.
Hann var eins og aðkomumaður hjá
Lakers, frekar en andlit liðsins út á
við.
Það var ekki fyrr en fram-
kvæmdastjóri Lakers, Rob Pelinka,
sendi fjóra unga leikmenn til New
Orleans í skiptum fyrir Anthony
Davis að hlutirnir loks fóru að
smella saman fyrir Lakers og
James. Eftir það var það bara
spurning um að finna leikmenn sem
gætu spilað vel með þessu tvíeyki.
Lakers var enn að nýju í barátt-
unni um titilinn eftir áratuga bið.
Liðið er nú aftur komið á toppinn
með James í fararbroddi og hann
mun á næstunni byrja undirbúning-
inn að því að vinna fimmta meist-
aratitilinn á næsta keppnistímabili,
því sá sem er með kórónuna (og ég á
ekki hér við vírusinn) er ávallt óró-
legur.
Kúlan ekki til framtíðar
Hrósa má NBA-deildinni fyrir
keppnina í kúlunni í Disneyheimi, en
forráðamenn hennar lögðu mikla
vinnu í skipulagninguna í sumar og
það skilaði sér í því að ekki ein ein-
asta Covid-skimun kom til baka með
smit. Það voru hundruð leikmanna
og starfsfólk liðanna, auk 6.500
starfsmanna í kringum hótelin, veit-
ingastaðina og leikina sjálfa. Ekki
eitt einasta smit í skimunum á öllum
þeim fjölda í fjóra mánuði.
Leikmenn fórnuðu miklu með því
að fara í kúluna, en útborgun (þeir fá
ekki laun ef engir leikir eru spilaðir)
er leikmönnum ávallt mikilvæg og
það var aldrei spurning um að þeir
myndu fórna því sem til þurfti til að
klára keppnistímabilið.
Deildin mun að öllu óbreyttu hefja
leik að nýju um áramótin, en það
verður víst annað skipulag á þeirri
keppni. Keppnistímabilið á næsta
ári mun hins vegar sjálfsagt fara vel
fram yfir júnímánuð.
Sigur eftir strit í áratug
 Lakers lagði Miami í sjötta leiknum og jafnaði titlamet Boston  LeBron
James besti leikmaðurinn og efndi loforðið um að koma Lakers á toppinn
AFP
Meistarar LeBron James fagnar með félögum sínu í Lakers.
26 ÍÞRÓTTIR
MORGUNBLAÐIÐ ÞRIÐJUDAGUR 13. OKTÓBER 2020
Bandaríkin
New York City – New England ............ 1:2
 Guðmundur Þórarinsson lék fyrstu 70
mínúturnar með New York.
 Efst í Austurdeild: Toronto 37, Phila-
delphia 34, Columbus 31, Orlando 30, New
York City 26, New England Revolution 25,
New York Red Bulls 23, Montreal 20.
 Efst í Vesturdeild: Seattle 30, Portland
30, Kansas City 29, Los Angeles 24, Minne-
sota 23, Dallas 21, San José 20.
 Danmörk
Ribe-Esbjerg – Fredericia ................. 31:32
 Rúnar Kárason skoraði 4 mörk fyrir
Ribe-Esbjerg, Gunnar Steinn Jónsson eitt
en Daníel Þór Ingason skoraði ekki.
 Staðan: Aalborg 15, GOG 12, Mors 11,
Holstebro 10, Bjerringbro/Silkeborg 10,
Skanderborg 9, SönderjyskE 9, Skjern 9,
Kolding 6, Aarhus 4, Fredericia 4, Ribe-
Esbjerg 3, Ringsted 0, Lemvig 0.


 Úrslitakeppni NBA
Sjötti úrslitaleikur:
Miami – LA Lakers ............................ 93:106
 Lakers sigraði 4:2 og er NBA-meistari
2020.
 
 Sara Björk Gunnarsdóttir, lands-
liðsfyrirliði í knattspyrnu, hefur
ekkert náð að spila með Evrópu- og
Frakklandsmeisturum Lyon eftir
að hún lék með íslenska landsliðinu
gegn Lettum og Svíum. Sara hefur
misst af þremur leikjum hjá Lyon
síðan þá.
„Ég er búin að vera slæm í hásin-
unum í smátíma og hef þar af leið-
andi ekki getað tekið þátt í þessum
leikjum. Ég er að komast aftur af
stað í þessari viku og reikna með
því að vera með á föstudaginn kem-
ur,“ sagði Sara við mbl.is í gær.
Sara Björk er
að jafna sig
Morgunblaðið/Eggert
Frakkland Sara Björk gæti verið
með í næsta leik Lyon.
Íslendingaliðinu Ribe-Esbjerg
gengur ekki nógu vel að safna stig-
um í danska handboltanum. Í gær
tapaði liðið naumlega á heimavelli
fyrir Federicia 31:32 og er liðið
með 3 stig eftir 7 leiki í 12. sæti
deildarinnar.
Rúnar Kárason var atkvæðamik-
ill eins og oft áður fyrir Esbjerg.
Skoraði hann fjögur mörk úr níu
skottilraunum og gaf sex stoðsend-
ingar á samherja sína. Gunnar
Steinn Jónsson skaut einu sinni á
makrið og það heppnaðist. Daníel
Ingason tók einnig þátt í leiknum.
Naumt tap hjá
Íslendingunum
Morgunblaðið/Hari
Stoðsendingar Rúnar Kárason gaf
sex stoðsendingar á samherjana.  Mikaela Shiffrin frá Bandaríkjunum
þarf að sætta sig við að sitja heima
þegar heimsbikarinn í alpagreinum
skíðaíþrótta hefst um helgina vegna
bakmeiðsla. Keppt verður í Sölden í
Týról í Austurríki en Shiffrin hefur ver-
ið með þar í fyrsta móti tímabilsins
síðustu átta árin. Hún segir meiðslin
þó ekki vera alvarleg.
 Ísland mun taka á móti Ísrael í
Laugardalshöllinni 7. nóvember í
undankeppni EM karla í handknattleik
en viðureignin átti að fara fram í Ísrael
8. nóvember. Vegna útbreiðslu kórónu-
veirunnar í Ísrael er útgöngubann þar í
landi og handknattleikssamband Ísr-
aels óskaði eftir því við HSÍ að heima-
leikjum liðanna yrði víxlað.
 Sænski miðvörðurinn Marcus Jo-
hansson tjáði Fótbolta.net í gær að
hann væri farinn að leita að nýju liði
fyrir næsta tímabil. Hann verði ekki
áfram hjá ÍA.
 Perla Ruth Albertsdóttir, landsliðs-
kona í handknattleik, leikur ekki meira
með Fram á þessu keppnistímabili en
hún greindi frá því á samfélagsmiðlum
að hún væri barnshafandi.
Hún er þriðja landsliðskonan úr liði
Fram sem fer í barneignarfrí á þessu
ári en Karen Knútsdóttir og Þórey
Rósa Stefánsdóttir eru báðar í fríi frá
handboltanum af þessari ástæðu. Þá
hefur Fram séð á bak landsliðs-
markverðinum Haf-
dísi Renötudóttur
sem samdi við
sænska félagið
Lugi.
Eitt
ogannað