Morgunblaðið - 28.10.2020, Page 25

MENNING 25
MORGUNBLAÐIÐ MIÐVIKUDAGUR 28. OKTÓBER 2020
SÝND MEÐ
ÍSLENSKU TALI
SÝND MEÐ
ÍSLENSKU TALI
FYRSTA STÓRMYND ÁRSINS
Nýjasta Meistaraverk
Christopher Nolan
★★★★★
★★★★★
★★★★★
The Guardian
The Times
The Telegraph
Nánari upplýsingar um sýningartíma á sambio.is
MÖGNUÐ MYND SEM
GAGNRÝNENDUR HLAÐA LOFI :
★★★★★
★★★★★
★★★★★
Roger Ebert.com
San Fransisco Cronicle
The Playlist
88%
SPLÚNKUNÝ MYND FYRIR
ALLA FJÖLSKYLDUNA
SÝND MEÐ ÍSLENSKU TALI.
MYNDIN SEM HEFUR SLEGIÐ Í GEGN
Í EVRÓPU UNDANFARNAR VIKUR.
SÝND MEÐ
ÍSLENSKU TALI
SÝND MEÐ ÍSLENSKU TALISÝND MEÐ ÍSLENSKU TALI
Það er mikilvægt fyrir allalistamenn að senda frá sérnýtt efni reglulega. Hvortsem listin er tónlist, mynd-
list, leiklist, hreyfilist, kvikmynda-
list eða hvur önnur list er það
sköpunargáfan sem þannig fær út-
rás og friður ríkir í sálinni á eftir.
Ekki hentar öllum verkefnum að
vinna þau í samvinnu við aðra, og þá
er sérstaklega mikilvægt að geta
gefið út tónlist sína stafrænt. Stór
hópur fólks skapar á einhvern hátt
en gefur alls ekkert út, sýnir ekki
listsköpun sína, en Þórir Georg hef-
ur verið duglegur að kýla bara á það
og senda frá sér plötur með reglu-
legu millibili, og stundum einvörð-
ungu á stafrænu formi. Hann er
reyndar einn þeirra sem líka eru í
fjölmörgum böndum og gefur út í
mismunandi formum eins og hljóð-
snældum, hljómplötum og geisla-
diskum, en í kófinu er langhent-
ugast (og ódýrast) að gefa út tónlist
beint á netinu og þar er bandcamp-
vefurinn afar góður til síns brúks.
Platan 36 kom út á 36 ára afmæli
Þóris og inniheldur sex tilrauna-
kennd en taktviss lög. Tónlistin er
eiginlega blanda úr hinum og þess-
um tónlistar-
stefnum sem
ættu í raun að
vera ill-
samþættan-
legar en ein-
hvern veginn
tekst honum
þó að sauma
þetta saman svo útkoman er ambi-
ent með takti og fuglasöng og popp-
uðum melódíum og tölvuröddum.
Það hljómar ævintýralega en er þó
staðreynd. Mætti kalla þetta dans-
vænt, pönkað og drungalegt ambi-
ent-skotið tilraunapoppgoth? Það
nær ekki einu sinni alveg utan um
þessa plötu.
Fuglasöngur spilar rullu hrein-
leika og náttúru en tölvuraddir og
harðir trommuheilar draga mann úr
náttúrunni beint á malbikið. Laglín-
ur og textar sem lýsa ástarþrá og
tilfinningum þekkjast í popptónlist,
en þessi plata er þó ekki poppuð
eins og það meginstraumspopp sem
oft heyrist í útvarpi. Það er slakandi
að hlusta og hljómurinn er eins og í
ambient-tónlist, ljúfar og dularfullar
hljómborðsmottur og -línur, en að
sama skapi eru lögin í popp-lengd
sem er styttri en „hefðbundnari“
ambient-tónlist er. Það er eiginlega
það pönkaðasta við 36 að maður er
kominn í svaka flæði og gæti vel
hugsað sér að eyða lengri tíma með
hverju lagi, en þá er klippt eða
lækkað og næsta lag tekur við. Mér
finnst næstum eins og Þórir hafi
reynt að gera eitthvað annað en bú-
ast mátti við, en það er jú afskap-
lega pönkað viðhorf að ögra smá og
koma fólki þannig í opna skjöldu og
á óvart.
Fyrir mér, sem hef mikið hlustað
á tilraunakennda tónlist af ýmsu
tagi, er þetta samt fyrst og fremst
ferskt og spennandi, og sérstaklega
vegna þess að Þórir Georg hefur
gert meira af því að semja sín verk á
gítar, sem þarna er víðs fjarri.
Platan vinnur á við hverja hlustun
og maður heyrir eitthvað nýtt. Hún
er auðmelt efni og erfitt, fallegt og
ljótt. Lokalagið, „Just Because
People Love“, minnir á eina af mín-
um uppáhalds-gothsveitum allra
tíma, dúettinn Dead Can Dance, og
það er nú ekki leiðum að líkjast.
Lagið er þó rétt tæpar fjórar mín-
útur og mér finnst það alveg bjóða
upp á fjórar mínútur í viðbót. Það er
þó nákvæmlega svona sem lista-
menn eru og eiga að vera: Alltaf að
sýna nýja fleti á gömlum teningum.
Eða eru það kannski gamlir fletir á
nýjum teningum? Ég er bara ekki
viss, en ég elska það!
Gamlir fletir á nýjum teningum
36 Platan kom út á 36 ára afmæli Þóris og inniheldur tilraunakennd lög.
Tilraunatónlist
Þórir Georg – 36bbbbn
Sex laga hljómplata Þóris Georgs.
Gefin út 4. október 2020 á thorir-
georg.bandcamp.com. Lög, textar,
flutningur og hljóðvinnsla: Þórir Georg.
RAGNHEIÐUR
EIRÍKSDÓTTIR
TÓNLIST
Dansk-bandaríski leikarinn, hand-
ritshöfundurinn og leikstjórinn
Viggo Mortensen var glaðhlakka-
legur á mánudag þegar kvikmynd
hans Falling var frumsýnd í Kaup-
mannahöfn. Er það fyrsta myndin
sem hann bæði skrifar handritið að
og leikstýrir, auk þess að fara með
aðalhlutverk og er Sverrir Guðnason
einnig í burðarhlutverki. Almennar
sýningar hefjast á myndinni í Dan-
mörku 4. nóvember en í henni segir
af John nokkrum Peterson, samkyn-
hneigðum manni sem býður öldr-
uðum föður sínum að flytja inn til sín
en faðirinn er íhaldssamur og hald-
inn miklum fordómum í garð sam-
kynhneigðra. Sverrir leikur föðurinn
ungan að árum en aðrir helstu leik-
arar eru Lance Henriksen, Laura
Linney, Hannah Gross og leikstjór-
inn David Cronenberg sem leik-
stýrði Mortensen í History of Vio-
lence.
Kvikmyndin hefur hlotið blendnar
viðtökur gagnrýnenda, allt frá mjög
neikvæðri gagnrýni í Slashfilm yfir í
afar jákvæða hjá Hollywood Report-
er. Á vefnum Metacritic, sem tekur
saman gagnrýni ýmissa fjölmiðla og
vefsíðna, hlýtur myndin meðalein-
kunnina 62 af 100 mögulegum en þó
eru dómarnir aðeins átta, enn sem
komið er.
AFP
Kátur Mortensen með veggspjald kvikmyndarinnar Falling í bakgrunni þar
sem sjá má Sverri Guðnason og hinn barnunga leikara Grady McKenzie.
Mortensen frumsýnir
Falling í Danmörku Til stendur að
gera kvikmynd
um ævi grínist-
ans og leikarans
Richards Pryors
og greinir kvik-
myndavefurinn
Deadline frá því
að Kenya Barris
hafi verið ráðinn
leikstjóri mynd-
arinnar. Verður þetta fyrsta kvik-
myndin sem Barris leikstýrir en
hann framleiðir einnig myndina
ásamt fleirum. Í fréttinni segir að
lengi hafi staðið til að gera kvik-
mynd um Pryor sem lést árið 2005
og naut mikilla vinsælda á áttunda
og níunda áratugnum.
Kvikmynd um
Pryor væntanleg
Richard Pryor