Morgunblaðið - Sunnudagur - 25.10.2020, Side 28

28 MORGUNBLAÐIÐ SUNNUDAGUR 25.10. 2020
LESBÓK
ÁFRAM GAKK Málmtröllin ólseigu í Quiet Riot hafa
staðfest að þau hyggist halda starfi bandsins áfram
þrátt fyrir að trymbillinn, Frankie Banali, hafi látist af
völdum krabbameins í sumar. Brotthvarf hans þýðir að
enginn úr gullaldarliðinu sem lék á fyrstu plötu bands-
ins sem kom út á heimsvísu, Metal Health, árið 1983 er
nú eftir í Quiet Riot. Söngvarinn Kevin DuBrow féll frá
árið 2007 og gítarleikarinn Carlos Cavazo og bassaleik-
arinn Rudy Rarzo eru löngu hættir í bandinu. Johnny
Kelly, sem áður var í goþþ-bandinu Type O Negative, er
tekinn við kjuðunum en Quiet Riot hefur þó upplýst að
enn sé til mikið ónotað efni með leik Banalis sem mögu-
lega eigi eftir að rata inn á plötur í framtíðinni. Í þeim
skilningi mun hann því tromma áfram eftir andlátið.
Trommar eftir andlátið
Frankie Banali var 68
ára þegar hann lést.
AFP
SJÓNVARP Yfir Atlantsála eða Atlantic Crossing
nefnast nýir þættir í átta hlutum sem norska
ríkissjónvarpið hefur sýningar á í dag. Þar er
hermt af flótta Mörtu krónprinsessu Noregs
yfir hafið eftir að stríð var skollið á 1940 og
vináttu hennar við Franklin D. Roosevelt
Bandaríkjaforseta sem skaut um tíma skjólshúsi
yfir prinsessuna í Hvíta húsinu. Saga sem ekki
er mörgum kunn. Það er engin önnur en Sofia
Helin (Saga okkar úr Brúnni) sem fer með
hlutverk Mörtu en Kyle MacLachlan leikur
Roosevelt. Tobias Santelmann leikur
Ólaf krónprins og Søren Pilmark Há-
kon konung sjöunda.
Sofia Helin leik-
ur Mörtu Nor-
egsprinsessu.
AFP
Slash í
stuði.
Sprengdu
upp hurðina
SPRENGJA Íslandsvinurinn Slash
hefur mikið dálæti á tónleikastaðn-
um goðsagnakennda The Trouba-
dor í Hollywood en bandið hans,
Guns N’ Roses, haslaði sér völl þar
um miðjan níunda áratuginn og
fékk sinn fyrsta plötusamning eftir
að útsendari Geffen-útgáfunnar
hafði stungið þar við stafni. Eftir að
Slash og Axl Rose söngvari samein-
uðust á ný eftir tveggja áratuga ill-
deilur 2016 fannst þeim við hæfi að
fyrsta giggið yrði á The Troubador.
Nema hvað Guns N’ Roses bjó þá að
mun öflugra hljóðkerfi en 1985,
„þannig að við sprengdum hurðina
bókstaflega í loft upp,“ eins og
Slash kemst að orði í kynningu
vegna tónleikaraðarinnar #SOS-
Fest sem send er út frá ýmsum tón-
leikastöðum í Bandaríkjunum í
samvinnu við YouTube.
Ólafur Páll Gunnarsson erheima á Akranesi þegar égslæ á þráðinn til hans á
þessum bjarta en kalda haust-
morgni. Raunar eru góðar líkur á því
að hitta á hann þar enda vinnur út-
varpsmaðurinn mikið heima. Heims-
faraldurinn spilar þar rullu, dag-
skrárgerðarfólk á Rás 2 kemur helst
ekki í Efstaleitið þessa dagana nema
til að senda út, en þess utan hefur
Ólafur Páll alla jafna þennan háttinn
mikið á. Kann næðinu vel. Upplýsir
til dæmis að hann hafi tekið þátt
sinn Rokkland upp heima undan-
farin tíu ár eða svo.
Það er einmitt Rokkland sem er
tilefni símtalsins en sá ágæti þáttur
fagnar 25 ára afmæli sínu í þessum
mánuði og í dag, sunnudag, fer tólf-
hundraðasti þátturinn í loftið. Ólafur
Páll hefur frá upphafi haft umsjón.
„Vá, maður,“ byrjar hann þegar
ég spyr hvernig tilfinning það sé að
vera með aldarfjórðungs gamlan
þátt í höndunum. „Það er svolítið
skrýtið. Tíminn er svo skrýtinn í lag-
inu, bæði finnst mér langt síðan
fyrsti þátturinn fór í loftið en um leið
eins og það hafi gerst í gær.“
Hugmyndin að Rokklandi kvikn-
aði eftir að Ólafur Páll kom heim af
sinni fyrstu Glastonbury-hátíð á
Bretlandi sumarið 1995. „Söludeild
BBC var þá byrjuð að selja viðtöl við
tónlistarmenn í útvarp og bauð Rás
2, eins og fjölmörgum öðrum stöðv-
um út um allan heim, á Glastonbury
af því tilefni. Þegar ég kom heim
með þetta efni sagði ég við Sigurð G.
Tómasson og Magnús Einarsson,
sem þá réðu ríkjum á rásinni, að
þetta væri frábært efni í þátt og þeir
gáfu mér tækifæri, til að byrja með í
klukkutíma á laugardögum. Og hér
er ég enn.“
Hugsaði þáttinn upp á nýtt
Viðtölin frá BBC voru uppistaðan í
Rokklandi í fimmtán ár, auk þess
sem Ólafur Páll fór með tímanum að
taka æ fleiri viðtöl sjálfur. Fyrir um
áratug hætti BBC að framleiða þetta
efni en aldrei kom þó til tals að
Rokkland hyrfi af öldum ljósvakans
enda þátturinn orðinn eitt af flagg-
skipum rásarinnar. „Ég vildi halda
áfram og fékk sem betur fer leyfi til
þess. Hugsaði þáttinn bara upp á
nýtt. Auðvitað var mjög gaman að
spinna í kringum þessi viðtöl við er-
lenda tónlistarmenn og ég kynntist
fyrir vikið allskonar efni sem ég
hefði annars ekki kynnst. Hitt er
samt ekkert síðra, að hafa alveg
frjálsar hendur. Það skemmtilega
við Rokkland er að þátturinn er
aldrei nákvæmlega eins í laginu.
Hann hefur verið alla vega gegnum
tíðina; stundum er áhersla á eitthvað
eitt, stundum er ýmsu blandað sam-
an og stundum eru tónleikar.“
Spurður hvort langlífi Rokklands
komi honum á óvart kveðst Ólafur
Páll aldrei hafa velt því fyrir sér,
þannig lagað. „Er á meðan er,“
hugsaði hann með sér. „Þetta var
bara tilraun og ég reyndi að sinna
þessu af metnaði og krafti. Tíu dag-
skrárstjórum síðar er Rokkland enn
á dagskrá og vonandi er það vís-
bending um að maður sé að gera
eitthvað rétt.“
Rokkland er langlífasti þátturinn í
sögu Rásar 2 með sama umsjónar-
manni. Næturvaktin hefur verið
lengur á dagskrá en með ýmsum
umsjónarmönnum. Eins dægur-
málaútvarpið. „Þegar ég vann sem
tæknimaður á Rás 1 þá var Þor-
steinn Hannesson búinn að vera með
þátt sinn Hljómplöturabb í 28 ár
samfellt. Ég man hvað mér fannst
það rosalega langur tími og Þor-
steinn orðinn gamall. Nú er ég að
komast á sama stað sjálfur,“ segir
Ólafur Páll hlæjandi.
Hann kann alltaf jafn vel við sig í
útvarpinu. „Ég er alveg ótrúlega
heppinn að fá að sinna svona gefandi
og skemmtilegu starfi. Ég hafði ekki
vanist því áður að hlakka til að fara í
vinnuna en það gerði ég svo sann-
arlega þegar ég byrjaði á Rás 2. Og
geri enn. Dagurinn er alltaf búinn
áður en maður veit af. Hvert flaug
tíminn eiginlega?“
Sjálfsagt halda margir að þetta
hafi alltaf átt að verða. Flís við rass
og allur sá pakki. Það er öðru nær.
„Ég ætlaði aldrei að verða út-
varpsmaður. Satt best að segja hafði
ég enga sérstaka drauma þegar ég
var ungur maður. Fór bara að læra
rafeindavirkjun af því að vinur minn
var í því námi. Annan vin minn, sem
líka er rafeindavirki, dreymdi um að
fá vinnu á RÚV og þar fékk ég þá
flugu í höfuðið. Um leið og ég var bú-
inn með námið fór ég upp á RÚV og
sótti um vinnu. Þar vildi ég vinna og
hvergi annars staðar. Sá sem tók á
móti mér fór bara að hlæja en mán-
uði síðar hringdi hann í mig þegar
Hvert flaug
tíminn?
Rokkland fer í loftið í 1.200. skipti á Rás 2 í dag á
25 ára afmæli þáttarins. Ólafur Páll Gunnarsson
hefur stýrt þættinum frá upphafi og unir hag sín-
um alltaf jafn vel í útvarpinu enda þótt hann hafi
aldrei gert ráð fyrir því að verða útvarpsmaður.
Orri Páll Ormarsson orri@mbl.is
Sagan af Mörtu prinsessu og Roosevelt