Morgunblaðið - 04.11.2020, Síða 11

FRÉTTIR 11Erlent
MORGUNBLAÐIÐ MIÐVIKUDAGUR 4. NÓVEMBER 2020
Smáralind | Kringlunni | Reykjanesbæ | Akranesi | Sími 511 2022 | dyrabaer.is
Úrval náttúrulegra bætiefna og fóðurs fyrir hunda og ketti.
Nánar á dyrabaer.is
HOLLUSTA OG HEILBRIGÐI FRÁ
Stefán Gunnar Sveinsson
sgs@mbl.is
Lögreglan í Austurríki greindi í
gær frá því að hún hefði borið
kennsl á lík hryðjuverkamannsins
sem skotinn var til bana eftir skot-
árásina í Vínarborg í fyrrakvöld.
Fjórir eru látnir eftir ódæðið og 22
voru sagðir særðir, nokkrir alvar-
lega.
Karl Nehammer, innanríkisráð-
herra Austurríkis, greindi frá því í
gær að lögregla og her landsins
hefðu staðið að 18 rassíum í Vínar-
borg og nágrenni í kjölfar árásar-
innar í leit að mögulegum vit-
orðsmönnum eða gerendum
árásarinnar. Voru fjórtán handtekn-
ir í aðgerðum lögreglunnar, en lög-
reglan telur nú að maðurinn hafi
verið einn að verki, án þess að Ne-
hammer vildi útiloka að fleiri hefðu
tekið þátt í árásinni.
Vildi komast til Sýrlands
Sagði Nehammer að árásarmað-
urinn hefði verið tvítugur stuðnings-
maður Ríkis íslams, Kujtim Fej-
zulai, en hann var með austurrískt
og norðurmakedónskt ríkisfang.
Fejzulai var dæmdur í apríl í fyrra
fyrir tengsl við hryðjuverkastarf-
semi eftir að hann reyndi að komast
til Sýrlands til þess að berjast fyrir
Ríki íslams. Gekk hann í kjölfarið í
gegnum „endurhæfingu“ fyrir öfga-
menn. Viðurkenndi Nehammer að
Fejzulai hefði náð að „gabba“ kerfið
til þess að tryggja sér reynslulausn
og sagði að endurhæfingaráætlunin
yrði endurskoðuð í kjölfar hennar.
Búið var að girða af stóran hluta
af miðborg Vínar í gær á meðan
rannsóknarlögreglumenn leituðu
þar að sönnunargögnum. Árásin átti
sér stað skammt frá óperuhúsi
borgarinnar, sem og helsta bæna-
húsi gyðinga í Vínarborg, en ekki er
vitað hvort bænahúsið hafi verið
sérstakt skotmark Fejzulais.
Þriggja daga þjóðarsorg
Austurrísk stjórnvöld lýstu í gær
yfir þriggja daga þjóðarsorg vegna
árásarinnar og lögðu fulltrúar rík-
isstjórnar, forseta og þings landsins
blómsveiga nálægt árásarstaðnum.
Erlendir þjóðhöfðingjar og þjóð-
arleiðtogar sendu Austurríkismönn-
um samúðar- og stuðningskveðjur
sínar. Þar á meðal voru Angela
Merkel Þýskalandskanslari og
Emmanuel Macron Frakklandsfor-
seti, sem hét því að óvinir Evrópu
myndu brátt fá að vita við hverja
væri að eiga. „Við munum aldrei
láta undan,“ sagði Macron. Þá lýsti
Trump Bandaríkjaforseti yfir stuðn-
ingi sínum við Austurríki, Frakk-
land og Evrópu í baráttunni gegn
hryðjuverkum.
AFP
Vínarborg Lögreglumaður stendur vörð um blómsveiga sem fulltrúar aust-
urrískra stjórnvalda lögðu til minningar um fórnarlömb árásarinnar.
Fjórtán í haldi lögreglu
 Fjórir látnir og 22 á sjúkrahúsi eftir árásina í Vínarborg  Talið að árásarmað-
urinn hafi verið einn að verki  Náði að „gabba“ endurhæfingarkerfið
Samninganefndir Bretlands og Evr-
ópusambandsins funduðu stíft í gær í
leit að lausnum á síðustu stundu á
þeim ásteytingarsteinum sem staðið
hafa í vegi fyrir að samkomulag geti
náðst um fríverslun á milli þeirra.
Sögðu embættismenn við AFP-
fréttastofuna í gærdag að engin
teikn væru á lofti um að slíkt sam-
komulag myndi nást.
Þá bar Daniel Ferrie, talsmaður
framkvæmdastjórnar Evrópusam-
bandsins, til baka fregnir um að tek-
ist hefði að finna lausn á deilum að-
ilanna um það hvaða aðgang ríki
Evrópusambandsins ættu að hafa að
fiskimiðum Bretlands eftir áramót.
Sagði Ferrie að tillaga Breta um
að settir yrðu kvótar á fiskistofna
eftir því hversu lengi þeir hefðu dval-
ist í hafsvæði hvers ríkis gæti ekki
orðið grundvöllur lausnar.
Fundað þrátt fyrir veiruna
Michel Barnier, samningamaður
ESB og David Frost, samningamað-
ur Breta funduðu í gær augliti til
auglitis í Brussel. Þótti það til marks
um alvarleika málsins, þar sem harð-
ar sóttvarnaaðgerðir eru í gildi í
Belgíu, og hefur starfsmönnum sam-
bandsins verið uppálagt að forðast
skrifstofur sínar, nema annað væri
ekki í boði.
Tíminn er naumur, þar sem und-
anþágur Breta vegna útgöngu þeirra
úr sambandinu renna út um áramót-
in, og þarf nýr fríverslunarsamning-
ur helst að vera genginn í gildi þá.
Þá rann út um mánaðamótin frest-
ur sem Evrópusambandið hafði gefið
Bretum til þess að draga til baka um-
deilda löggjöf, sem sögð er brjóta í
bága við útgöngusamning þeirra við
sambandið. Sagði Ferrie sambandið
vera að skoða næstu skref sín í mál-
inu.
Lítið útlit fyrir
samkomulag
 Funduðu augliti til auglitis í Brussel
AFP
Brexit Deilt er m.a. um aðgang að
breskum fiskimiðum eftir áramót.
Það þótti kraftaverki líkast í gær
þegar björgunarmenn í bænum Bay-
rakli fundu þriggja ára stúlku á lífi í
húsarústum, 91 klukkustund eftir
jarðskjálftann mikla í Eyjahafi sem
skók Grikkland og Tyrkland fyrir
helgi.
Björgun stúlkunnar, Aydu Gezg-
in, gaf nokkrar vonir um að enn yrði
hægt að finna fólk á lífi eftir skjálft-
ann, en móðir hennar fannst því mið-
ur látin nokkrum stundum síðar.
Áætlað er að rúmlega 100 manns
hafi farist í jarðskjálftanum, sem
mældist 7,0 að stærð. Að minnsta
kosti 109 manns létust í Tyrklandi,
en tveir létust á eyjunni Samos,
skammt frá upptökum skjálftans.
TYRKLAND
AFP
Kraftaverk Mikil gleði vaknaði þegar
Ayda fannst á lífi í rústunum.
Þriggja ára fannst
á lífi eftir skjálftann
Stefan Löfven,
forsætisráðherra
Svíþjóðar, varaði
í gær við því að
ástandið vegna
kórónu-
veirufaraldurs-
ins væri graf-
alvarlegt, en
sænska ríkis-
stjórnin gaf í
gær út nýjar
sóttvarnaráðstafanir. Var meðal
annars mælt fyrir um að fjöldi
þeirra sem mega sitja við sama
borð á veitingastöðum og kaffi-
húsum verði takmarkaður niður í
átta manns.
31 hefur látist í Svíþjóð síðan á
föstudaginn, og hafa nú 5.969
manns dáið þar í landi af völdum
kórónuveirunnar, af um 134.000
tilfellum.
SVÍÞJÓÐ
Bara átta manns
sitji við sama borð
Stefan
Löfven
Kosningadagurinn í Bandaríkjunum
fór vel af stað í gær, og stefndi allt í
eina mestu kjörsókn í bandarískum
kosningum í áratugi. Þar af voru
rúmlega 100 milljónir atkvæða
greiddar utan kjörfundar fyrir kjör-
dag, en til samanburðar greiddu rúm-
lega 135 milljónir manna atkvæði í
kosningunum fyrir fjórum árum.
Donald Trump Bandaríkjaforseti
var bjartsýnn á endurkjör í samtali
við bandarísku sjónvarpsstöðina Fox
News, og sagðist hann halda að hann
myndi ná inn fleiri atkvæðum og ríkj-
um en hann gerði árið 2016.
Vonir Trumps treystu að miklu
leyti á að honum tækist að halda
sömu ríkjum og hann gerði þá, en
kjörsókn á kjördegi í Flórída-ríki
benti til þess að fleiri repúblikanar en
demókratar hefðu greitt þar atkvæði
á sjálfan kjördag, en demókratar
voru heldur iðnari við að senda at-
kvæði sín með pósti.
Chad Wolf, starfandi yfirmaður
heimavarnarráðuneytisins, sagði í
gær að Bandaríkjamenn ættu að
brynja sig með þolinmæði, því að það
kynni að taka tíma áður en niðurstaða
kosninganna yrði ljós.
Stefndi í mikla kjörsókn á kjördegi
 Rúmlega 100 milljónir atkvæða greidd-
ar utan kjörfundar í forsetakosningunum
AFP
Kosningar Mikil kjörsókn var víða í Bandaríkjunum, m.a. í Texas-ríki.