Morgunblaðið - 09.11.2020, Page 6

6 FRÉTTIRInnlent
MORGUNBLAÐIÐ MÁNUDAGUR 9. NÓVEMBER 2020
Sigurður Bogi Sævarsson
sbs@mbl.is
„Tækifærin hér á Flateyri eru
mörg og nú þarf að skapa jarðveg
svo sprotarnir nái að dafna,“ segir
Helena Jónsdóttir. Um mitt þetta
ár tók hún við stjórn verkefnis
sem stofnað er til á vegum sam-
göngu- og sveitarstjórnarráðu-
neytisins, Ísafjarðarbæjar og
Vestfjarðastofu sem miðar að efl-
ingu byggðar á Flateyri með ný-
sköpun og samfélagsþróun að
leiðarljósi. Á næstu árum mun rík-
ið leggja alls 60 millj. kr. til ýmissa
þátta sem styrkt geta byggðina í
þorpinu við Önundarfjörð sem
sannarlega hefur gefið eftir. Þar
búa nú liðlega 200 manns, en á vel-
mektartímum um 1980 voru íbú-
arnir um 550 og þegar landburður
var af fiski því til viðbótar fjöldi
aðkomufólks í leit að ævintýrum.
Bátasmíði og baðstaður
„Markmiðið nú er í sjálfu sér
ekki að ná íbúatölunni aftur í
sömu hæðir, enda sennilega
óraunhæft,“ segir Helena. „Frem-
ur er ætlunin að vekja athygli á
tækifærunum sem hér eru til þess
að gera spennandi hluti. Koma
mörgum, kröftugum verkefnum
af stað, í ferðaþjónustu, mat-
vælaframleiðslu, liststarfsemi og
fleiru slíku. Skapa þannig kröft-
uga heild. Í verkefnum sem þess-
um hefur sú aðferðarfræði hvar-
vetna gefið góða raun.“
Eitt af fyrstu verkefnum Hel-
enu sem verkefnisstjóri var að
vinna með íbúum og öðrum
áhugasömum að umsóknum um
styrki sem buðust til að koma góð-
um verkefnum á Flateyri af stað. Í
potti voru níu milljónir króna, 21
umsókn barst og 15 verkefni
fengu styrk. Mörg voru á sviði
ferðaþjónustu, en einnig gerð við-
skiptaáætlunar fyrir fiskvinnslu,
námskeið í bátasmíði, könnun á
því að útbúa sjóboð við Holt í Ön-
undarfirði og fleira.
Á næstu vikum hefst á Flat-
eyri vinnsla á sæbjúgum. „Við
horfum líka til þess að fiskeldið
hér í Önundarfirði komist vel af
stað, enda skapar sú starfsemi
mörg störf og kallar á mikla flutn-
ingar og þar með öruggar sam-
göngur. Styrkur þessarar byggð-
ar felst annars ekki síst í því að
hér eru ágætir innviðir, svo sem
skólar, íþróttaaðstaða, veitukerf-
in, nettengingar og fleira auk þess
sem ekki er langt að sækja alla
helstu þjónustu inn á Ísafjörð, sem
er í um 20 mínútuna aksturs-
fjarlægð frá Flateyri.“
Snjóflóðin voru áfall
Helena segir því ekki leyna
að í snjóflóðunum í janúar sl. hafi
íbúum verið áfall að varnargarð-
arnir fyrir ofan bæinn væru ekki
sú vörn sem vænst var. Flóðið fór
yfir garðana, út í höfn og á íbúðar-
hús.
„Snjóflóðið braut niður þá til-
finningu sem fólk hér hafði um að
garðarnir væru vörn og því þurfti
að hugsa málin hér alveg upp á
nýtt. Útbúnar hafa verið nýjar
rýmingaráætlanir fyrir hættu-
svæði og svo verða snjóflóða-
varnagarðarnir líka endurbættir.
Vilji til þess að bæta búsetuskil-
yrði hér á Flateyri af hálfu stjórn-
valda er sannarlega fyrir hendi.“
Flateyri í hjarta og sál
Um 30 nemendur stunda í
dag nám við Lýðháskólann á Flat-
eyri, sem nú er á þriðja starfs-
vetri. Náttúran, útivist og skap-
andi greinar eru áherslugreinar í
náminu, sem er án prófa og braut-
skráningin er sú að fólk fari eftir
veturinn út í lífið með aukinn
þroska og víðsýni.
„Ég kom hingað til starfa
snemma árs 2018 sem nýráðin
framkvæmdastjóri lýðskólans.
Fyrir lá að safna þyrfti 40 millj-
ónum króna á fjórum mánuðum til
þess að hægt væri að hefja skóla-
starf að hausti. Ég settist því við
símann, skrifaði bréf, talaði við
fólk og hamaðist í nánu samstarfi
við stjórnarmenn og aðra vel-
unnara uns markmiðinu var náð. Í
þessum samtölum fannst mér eft-
irtektarvert hve ótrúlega margir
höfðu tengsl við staðinn; áttu
hingað ættir eða maka héðan,
höfðu dvalist eða unnið eða voru á
einhvern annan hátt með Flateyri
í hjarta sínu og sál. Þetta var langt
umfram það sem búast hefði mátt
við miðað við íbúafjöldann hér,
bæði nú og fyrr á tímum. Í þessu
felst mikill styrkur og þess vegna
er ég bjartsýn á að okkur takist að
koma hér góðum málum til leiðar
til vaxtar og viðgangs á Flateyri.“
Ný tækifæri og jarðvegur sprota verði á Flateyri
Kröftug heild
 Helena Jónsdóttur fæddist
árið 1972 og er sálfræðingur að
mennt. Hún hefur sinnt fjöl-
breyttum störfum, svo sem við
Lýðháskólann á Flateyri, sem
starfar samkvæmt norrænni
fyrirmynd.
 Áður hefur Helena starfað
sem verkefnastjóri og ráðgjafi
á vegum samtakanna Lækna
án landamæra í Afganistan,
Suður-Súdan, Egyptalandi og
Líbanon. Áður var hún m.a. sál-
fræðingur hjá Kvíðameðferðar-
stöðinni og framkvæmdastjóri
hjá Kaupþingi og síðar Glitni.
Hver er hún?
Ljósmynd/Eyþór Jósavinsson
Vestfirðir Koma góðum málum til
leiðar, segir Helena Jónsdóttir.
Ljósmynd/Ingvar Jakobsson
Sjávarþorpið Í dag búa um 200 manns á Flateyri. Á velmektartímum
byggðarinnar voru íbúar um 550, sem þykir óraunhæft að ná aftur.
Viðar Guðjónsson
vidar@mbl.is
Marta Guðjónsdóttir, borgarfulltrúi
Sjálfstæðsflokks, mun á þriðjudag
leggja fram tillögu í skóla- og frí-
stundaráði um að sett verði á fót
bakvarðasveit til þess að mæta for-
föllum í skólum á Covid-tímum. Nær
hugmyndin til leik- og grunnskóla
auk frístunda-
heimila. Hug-
myndin er að fyr-
irmynd heil-
brigðisstofnana
og velferðarsviðs
þar sem sam-
bærilegt fyrir-
komulag hefur
verið við lýði upp
á síðkastið. „Hug-
myndin með
þessu er að gera skólastarfið mark-
vissara í borginni. Þetta yrði stuðn-
ingsnet til að geta tryggt órofið
skólahald,“ segir hún. Marta segir að
í bakvarðasveitinni gætu verið kenn-
aranemar, kennaramenntaðir ein-
staklingar og einstaklingar sem eru í
öðrum störfum í skólanum á borð við
stuðningsfulltrúa svo dæmi séu tek-
in. „Þetta myndi þá spanna öll störf í
skólastarfinu, ekki bara kennara-
störfin,“ segir Marta.
Hugmyndin er að leitað verði til
sveitarinnar ef Covid-smit koma
upp. „Við höfum séð að það hefur
þurft að loka skólum eða stórum
hluta þeirra. Það er gríðarlega mikið
álag í skólunum og sú sviðsmynd
getur komið upp að fólk sé frá vegna
álags. Því er mikilvægt á þessum
tímum að leita allra leiða og lausna
til að halda skólastarfi gangandi.
Bæði fyrir velferð og menntun nem-
enda og einnig fyrir atvinnulífið,“
segir Marta.
Bakvarðasveit verði
mynduð fyrir skólastarf
 Verði fyrir leik- og grunnskóla og frístundaheimili borgarinnar
Morgunblaðið/Ómar
Skóli Marta telur að bakvarðasveit gæti gagnast vegna álags í skólastarfi.
Marta
Guðjónsdóttir
Alls voru tilkynnt 13 ný kórónu-
veirusmit innanlands í gær. Þar af
voru fimm í sóttkví við greiningu,
eða tæp 39%. Tekin voru mun færri
sýni en daginn áður, eða 608 innan-
lands. Er hlutfall jákvæðra sýna því
2,1% en var 1,5% daginn áður.
Þeim sem eru í einangrun heldur
áfram að fækka og eru nú 634 en
voru 710 í fyrradag. Á spítala eru
80 með kórónuveiruna og af þeim
eru fjórir á gjörgæslu. Fjölgar um
tvo á spítala milli daga. Þá eru
1.046 í sóttkví og 1.097 í skim-
unarsóttkví en það eru þeir sem
þurfa að fara í sóttkví á milli skim-
ana á landamærunum.
Nýgengi veirunnar, fjöldi smita
síðustu 14 daga á hverja 100.000
íbúa, lækkar milli daga og er nú
151,3.
Á landamærunum greindist eitt
virkt smit en beðið er niðurstaðna
úr mótefnamælingu fimm annarra.
Tekin voru 482 sýni í landamæra-
skimun (fyrstu og annarri saman-
lagt).
Tveir létust á laugardag
Tveir sjúklingar létust af völdum
Covid-19 á Landspítalanum á laug-
ardag. Þeir voru á áttræðis- og ní-
ræðisaldri. Þetta staðfestir Jóhann
K. Jóhannsson, samskiptastjóri rík-
islögreglustjóra, í samtali við
mbl.is.
Alls hafa 20 látist af völdum kór-
ónuveirunnar hér á landi frá því
faraldurinn hófst. Tíu létust í fyrstu
bylgjunni á vormánuðum og tíu
hafa látist nú í haust.
Þrettán kórónuveirusmit
 Fólki í einangrun
fækkar  Nýgengi
smita lækkar áfram
Landspítali/Þorkell Þorkelsson
Smitgreining Nýgengi smita hefur
farið niður á við að undanförnu.