Morgunblaðið - 26.11.2020, Síða 4

4 JÓLABLAÐ MORGUNBLAÐSINS 26. NÓVEMBER 2020
Nú einnig á selected.is
Jólafötin og fallegar gjafir
Jakki
29.990 kr.
Kjóll
25.990 kr.
K ristín Þóra var föst í Riga í Lettlandi vegna kórónuveirunnar ísumar vegna vinnu mannsins síns. En þau hafa verið með annanfótinn þar síðan í fyrra. Þau komu til landsins í lok júlí og síðanþá hefur hún verið að snúast í húsamálum, flutningum og veriðmeð iðnaðarmenn á sínum snærum í fallegu litlu húsi sem hún
festi kaup á nýverið á besta stað í Reykjavík. „Ég er einnig á fullu að njóta þess
að vera ófrísk þar sem við eigum von á lítilli prinsessu um jólin sem verður
skemmtileg viðbót þar sem við eigum þrjá stráka fyrir.“
Hefur oftast verið á Ítalíu um jólin
Hvernig er að eiga von á jólabarni?
„Settur dagur er 24. desember svo hún verður nýja jesúbarnið okkar. Þetta er
allt svo skemmtilega óvænt og verður bara gaman að halda jól með nýjan fjöl-
skyldumeðlim í hópnum á nýju heimili og á Íslandi. Við erum vön að vera á skíð-
um á Ítalíu um jólin. Ég var búsett lengi á Ítalíu og höfum við stórfjölskyldan
haldið jól og áramót á Ítalíu síðustu 20 árin.“
Ertu flutt í draumahúsið? „Það er góð spurning, það gæti bara vel verið að
þetta sé draumahúsið. Ég hef átt þetta hús í nokkur ár en aldrei búið í því. Ég
leigði það út og þegar húsið losnaði í sumar ákváðum við að flytja þangað, fyrst
það eru svona miklar breytingar hjá okkur. Það verður öðruvísi að búa í Þing-
holtunum en í Garðabæ þar sem við erum vön að búa. Það eru auðvitað skrýtnir
tímar núna vegna kórónuveirunnar en ég sé fyrir mér að það sé mjög gaman að
vera með lítið barn í miðbænum. Það er skemmtilegt að fara í göngutúra umvaf-
inn miðbæjarlífinu. Ég er mikið borgarbarn að því leyti að ég elska að geta labb-
að út og sinnt því sem ég þarf að gera þó að Reykjavík sé aðeins öðruvísi en aðr-
ar borgir sem ég hef búið í að því leyti að maður er alltaf dálítið háður bíl en það
er allavega gaman að rölta út og sjá líf á götum borgarinnar. Vonandi komast
hlutirnir í eðlilegt horf fljótlega.“
Hvað þýða jólin í þínum huga?
„Jólin fyrir mér þýða fjölskylda og vinir saman að njóta útiveru og samveru-
stunda. Frá því ég var fimm ára hef ég haldið flestöll jól á skíðum erlendis ásamt
fjölskyldu og vinum og vorum við stundum allt upp í tuttugu og fimm manns
saman þegar ég var barn og unglingur. Jólin fyrir mér snúast um góðan mat,
útiveru og hreyfingu í frábærum félagsskap.“
Yfirleitt með látlausar skreytingar
Ertu með eitthvað sem þú gerir alltaf fyrir jólin?
„Ég á í rauninni fáar hefðir fyrir jólin þar sem ég hef ekki verið mikið eða oft
heima á jólunum svo það hafa aldrei skapast neinar sérstakar hefðir hjá mér. Ég
sem dæmi borða oft fisk á aðfangadag. Ég elska fisk og á Ítalíu er það algengur
siður að borða fisk á jólunum. Ég skreyti heimilið reyndar alltaf í desember því
ég er jólabarn og finnst gaman að upplifa jólastemninguna og hafa heimilið jóla-
legt.“
Hvað gerir þú aldrei á jólunum?
„Ég spila aldrei jólalög, þau óma í útvarpinu og víða annars staðar vel fyrir jól
og það dugar mér alveg svo ég er ekki mik-
ið fyrir að spila jólalög sjálf í bílnum eða
heima fyrir.“
Hvernig skreytirðu fyrir jólin?
„Ég er yfirleitt með látlausar skreyting-
ar, ekkert yfidrifið. Enda er ég oftast ekki
heima á þessum tíma. Ég er alltaf pínu
skotin í svona smá gamaldags skrauti og
elska til dæmis að hafa jólatréð blandað af
alls konar sem er ekki í stíl. Í fyrra áskotn-
aðist okkur allt jólaskrautið frá tengdaforeldrum mínum sem var til þegar mað-
urinn minn var lítill og fór það á jólatréð í bland við annað sem við eigum fyrir.
Svo elska ég jólarósir og finnst þær algerlega ómissandi sem og furugreinar sem
ég nota mikið í vasa og skálar með kertum og ljósaseríum. Ég set jafnvel epli og
mandarínur með og svo auðvitað fullt af kertum en ég kveiki á kertum allt árið.
Stundum á daginn líka.“
Alltaf verið mikill gaur í sér
Áttirðu falleg og skemmtileg jól þegar þú varst stelpa?
„Ég átti æðisleg jól sem stelpa. Mínar minningar eru flestallar frá Austurríki
þar sem stórfjölskyldan eyddi langflestum jólum þegar ég var barn og ungling-
ur, amma og afi, amma, frændfólk og frændsystkin mín á skíðum allan daginn og
oftar en ekki var vinafólk líka með í för svo þetta var alltaf ævintýri og Austur-
ríki er mjög jólalegt umhverfi, mikil stemning þar í kringum hátíðirnar. Þetta
var ekki algengt á þessum tíma og voru samgöngurnar ekkert í líkingu við það
sem er í dag og keyrðum við oft í tíu til tólf klukkustundir frá Þýskalandi eða
Lúxemborg til að komast á áfangastað enda alveg þess virði til að eyða jólum og
áramótum í vetrarparadís. Það komu alltaf jólasveinar á hótelin sem við vorum á
og stórt jólatré með tilheyrandi skreytingum og allir krakkar fengu gjöf en svo
vorum við oftast líka með tré sjálf þar sem við fjölskyldan komum saman og opn-
uðum pakka og héldum okkar jól.“
Áttu skemmtilega minningu um þig á jólunum?
„Ein jólin gaf amma Hjalta frænda mínum sem er þremur árum yngri en ég
geggjaðan svartan fjarstýrðan pallbíl í jólagjöf og ég var pínu öfundsjúk, hann
var svo flottur. Við Hjalti erum systkinabörn og eyddum öllum jólum saman á
skíðum. Nema hvað ég fékk alveg eins bíl nema rauðan frá ömmu líka svo við
gætum leikið okkur saman í útlöndunum. Ég var svo hamingjusöm og glöð með
þessa gjöf því ég hef alltaf verið pínu gaur í mér og hef alltaf elskað bíla enda alin
upp mikið á fjöllum í jeppaferðum og á snjósleða svo þetta var mjög spennandi.“
Morgunblaðið/Eggert
Á von á lítilli stelpu á aðfangadag
Kristín Þóra Jónsdóttir tanntæknir er að gera miklar breytingar í lífinu. Hún á von á lítilli jólastelpu með unnusta sínum,
Kolbeini Björnssyni. Þau eru einnig að koma sér fyrir í einstöku húsi í Þingholtunum eftir að hafa búið í Garðabæ.
Elínrós Líndal | elinros@mbl.is
Í sumar
ákváðum við að
flytja, fyrst það
eru svona miklar breyt-
ingar hjá okkur. Það verð-
ur öðruvísi að búa í Þing-
holtunum en í Garðabæ.
❄
Kristín Þóra er að
undirbúa komu
jólabarnsins.