Morgunblaðið - 26.11.2020, Side 29

Kransakökutoppar
með núggatfyllingu
Um 30 stk.
2x400 g Odense Kransekage
marsípan (tilbúið í poka)
150 g Odense Nougat
200 g Odense súkkulaðidropar
1. Hitið ofninn í 200°C.
2. Klippið gat á endann á marsípanpokanum
samkvæmt leiðbeiningum.
3. Búið til fallega toppa með því að kreista pokann
þéttingsfast (varist að hafa toppana flata).
4. Þjappið miðjunni á toppunum niður t.d. með
endanum á trésleif til þess að búa til holu fyrir
núggatið (það er einnig hægt að setja kokteil-
kirsuber í hluta af toppunum en þá eru þau
sett í holuna og bökuð með þeim).
5. Bakið í 8-10 mínútur. Fylgist vel með og takið
úr ofninum þegar rendurnar á toppunum fá
gullinn lit.
6. Þjappið aftur varlega í holuna með sleifarenda
þegar topparnir koma úr ofninum svo núggatið
komist vel fyrir.
7. Kælið toppana og bræðið súkkulaðidropana
á meðan.
8. Dýfið botninum á hverjum toppi í súkkulaðið,
skafið aðeins af honum á brún skálarinnar og
leggið á bökunarpappír.
9. Bræðið núggatið yfir vatnsbaði, setjið í sprautu-
poka og fyllið holurnar. Gott er að kæla bitana.
Þegar núggatið hefur þykknað að nýju eru þeir
tilbúnir. Njótið vel!
– ljúffengir og fallegir kransar
Toppurinn um jólin
Uppskrift unnin í samstarfi við
Gotterí og gersemar – gotteri.is