Morgunblaðið - 26.11.2020, Qupperneq 89

„Ég er betri í eldamennsku heldur en bakstri svo það
hentar mér vel að gera smákökur úr tilbúnu smákökudeig-
inu frá Kötlu. Svo skreytum við fjölskyldan saman pipar-
kökuhús með glassúrnum okkar líka. Ég bý líka svo vel að
eiga systur sem er listabakari og gerir heimsins bestu sör-
ur fyrir mig.
Ómissandi hluti af jólunum finnst mér líka vera an-
anasfrómasinn hennar mömmu. Hún gerir alltaf eina
aukaskál fyrir mig og mína.“
Hvernig skreytirðu vanalega heima?
„Ég er mest fyrir einfaldar skreytingar, hvítar jóla-
ljósaseríur, kerti og rauða túlípana í vösum. Ætli jólatréð
sjálft sé ekki svona skrautlegasta jólaskreytingin heima
hjá okkur en það prýða kúlur í öllum litum og listaverk eft-
ir börnin mín.“
Hvað þykir þér vænst um tengt jólahátíðinni?
„Aðallega að njóta þess að vera með þeim sem manni
þykir vænt um. Mér þykir afar vænt um jólatrjáaferð sem
pabbi stendur alltaf fyrir, fyrsta í aðventu, þar sem við
systkinin ásamt mökum og börnum förum saman út í skóg,
veljum okkur jólatré og fáum okkur svo heitt kakó og nesti
saman. Það er orðinn alveg fastur liður í jólaundirbún-
ingnum. Svo þykir mér mjög vænt um allt tengt börn-
unum, jólasamsöng í skólanum og jólaföndur.
Jólahittingar með vinahópnum finnst mér alveg ómiss-
andi í jólaundirbúningum líka.“
Hugarðu mikið að fatnaði fyrir alla fjölskylduna?
„Hérna áður fyrr keypti ég alltaf sérstök jólaföt á alla í
fjölskyldunni. Í seinni tíð hef ég lært að nýta betur það
sem þau eiga, því oftar en ekki voru jólafötin bara notuð
nokkrum sinnum. En ég legg mikið upp úr því að allir séu
samt fínir á jólunum og verð alltaf að ná hinni fullkomnu
jólamynd af þeim.“
Hreyfing skiptir Rannveigu miklu máli. „Þó svo að jólin
séu tími afslöppunar og góðs matar finnst mér nauðsyn-
legt að ná að minnsta kosti lágmarkshreyfingu yfir hátíð-
irnar. Þá er ég ekki á núllpunkti þegar janúar mætir með
myrkrið og hversdagsleikann aftur.“
Rannveig gerir piparkökur
með fjölskyldunni á jólunum.
Það þarf ekki að vera flókið að
skreyta piparkökur á jólunum.
„Ég er betri í elda-
mennsku heldur en
bakstri svo það hentar
mér vel að gera smá-
kökur úr tilbúnu smá-
kökudeiginu frá Kötlu.“
❄
Guðný Gabríela og Helena
María eru nánar systur sem
kunna ýmislegt þegar
bakstur er annars vegar.
Það þarf ekki að vera flókið að
eiga notalega stund með fjöl-
skyldunni fyrir jólin.
JÓLABLAÐ MORGUNBLAÐSINS 26. NÓVEMBER 2020 89
www.barnaloppan.is | Skeifan 11d | 108 Reykjavík
Fyrsti og stærsti stórmarkaðurinn
á Íslandi þar sem þú getur keypt og selt
notaðar barnavörur
227 básar stútfullir
af endurnýttum barnavörum