Morgunblaðið - 26.11.2020, Side 97

Góðar hugmyndir
að jólauppskriftum
á gottimatinn.is
Allir geta
tekið þátt í laufa-
brauðsgerðinni.
Góðar kræs-
ingar á jólunum.
sú að allir fá ný náttföt frá sveini
nokkrum sem á það til að kíkja á
gluggana að næturlagi. Síðan er
morgunmaturinn borðaður í myrkr-
inu við kertaljós. Heitt kakó og ristað
brauð með reyktum laxi eða graflaxi
og graflaxsósu. Ég gleðst bara við til-
hugsunina. Þetta er hefð sem komin
er til að vera og allir hlakka mikið til
á hverju ári.“
Hangikjöt á aðfangadag
Hvað er í matinn hjá ykkur yfir
jólin?
„Ég er alin upp við rjúpu og lengi
kom ekkert annað til greina en að
hafa þær í matinn á aðfangadags-
kvöld. Enda má segja að jólin hafi
ekki verið komin á mínu heimili fyrr
en rjúpnalyktin barst úr eldhúsinu.
Þegar ég kynntist manninum mínum
þurftum við að breyta til þar sem
hann er vanur því að fá hamborg-
arhrygg. Á meðan börnin eru lítil
finnst okkur þægilegast að hafa
hangikjötið á aðfangadag því það er
minnsta umstangið. Hér áður hafði
maður varla tíma til að klæða sig fyr-
ir matinn og var ég dauðþreytt eftir
að hafa staðið í eldamennsku allan
daginn. Nú er hangikjötinu bara
hent í pott og látið malla þar, allir eru
sáttir og geta notið dagsins saman í
rólegheitum. Maður má nefnilega
ekki gleyma að njóta jólanna líka.
Það má svo alltaf breyta aftur til þeg-
ar börnin eru orðin eldri. Snickers-
ísinn hennar mömmu er svo alltaf í
eftirrétt.“
Leggur þú mikið upp úr gjöf-
unum?
„Nei, ég get ekki sagt það. Að
sjálfsögðu snúast jólin mikið til um
gjafirnar fyrir börnin en við reynum
að halda öllu í hófi þegar kemur að
gjöfunum. Við tökum okkur eitt
kvöld og pökkum þeim inn. Opnum
Nóa-konfektkassa og gæðum okkur
á malti og appelsíni, sem er algjör
munaðarvara fyrir okkur sem búum
erlendis.“
Heimilið í
Ósló er hlý-
legt og fallegt.
JÓLABLAÐ MORGUNBLAÐSINS 26. NÓVEMBER 2020 97