Morgunblaðið - 15.12.2020, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 15. DESEMBER 2020
STIGA
ST5266 P
40 ár
á Íslandi
Hágæða
snjóblásarar
Fjölbreytt úrval
Askalind 4 | Kópavogi | Sími 564 1864 | vetrarsol.is
VETRARSÓL er umboðsaðili
Gulltryggð gæði
Ágúst Ingi Jónsson
aij@mbl.is
Kórónuveikifaraldurinn hefur sett
mark sitt á rekstur Hallgrímskirkju
á þessu ári. Tekjur af útsýnisferðum
upp í turninn hafa
hrapað svo nemur
um 180 milljónum
króna og á móti
hefur verið gripið
til margvíslegra
aðgerða til að
draga úr kostnaði.
Steypuviðgerðum
og öðru viðhaldi
verður hins vegar
ekki frestað og nú
er m.a. unnið að viðgerðum á tveimur
gluggum í kór kirkjunnar.
Hratt dró úr heimsóknum
Sigríður Hjálmarsdóttir, fram-
kvæmdastjóri Hallgrímskirkju, segir
að árið hafi byrjað mjög vel og í takti
við síðustu ár á undan. Hratt hafi
hins vegar dregið úr heimsóknum
ferðamanna eftir að kórónuveikin
kom til sögunnar. Gott skot í júlí,
ágúst og byrjun september hafi haft
mikið að segja, en tekjur ársins af
skoðunarferðum í heild verði þó að-
eins um fjórðungur af turntekjum
síðasta árs. Nú er turninn aðeins op-
inn í fjóra tíma á dag, frá kl. 11-15, og
kostar þúsund krónur fyrir fullorðna
að fara upp með lyftunni.
Í fyrra voru tekjur af turninum 239
milljónir, en turninn var lokaður í
fimm vikur vegna uppsetningar á
nýrri og hraðskreiðari lyftu og við-
gerða á lyftugöngum. Í ár er útlit fyr-
ir að tekjurnar verði innan við 60
milljónir; þar af 45 milljónir fyrstu
mánuði ársins og samtals 10 milljónir
í júlí, ágúst og september. Til saman-
burðar nefnir Sigríður að kirkjan fái
um 30 milljónir í sóknargjöld. Í fyrra
var kostnaður við viðgerðir og endur-
nýjun lyftu 114 milljónir og launa-
kostnaður 90 milljónir, en laun presta
eru ekki inni í þessum tölum.
Sigríður segir að til að mæta þess-
um skelli í tekjustreymi hafi verið
samið um að fresta greiðslum, starfs-
fólki hafi verið fækkað og starfshlut-
fall annarra minnkað. Undanfarin ár
hafi starfsmenn verið 15, en nú séu
þeir níu og starfshlutfall hafi lækkað
hjá þeim flestum. Vegna sótt-
varnaaðgerða hafi þurft að draga úr
allri starfsemi og meðal annars hafi
lausráðnu starfsfólki sem sinnt hafi
barna- og æskulýðsstarfi verið fækk-
að.
Verkefni næstu ára
„Sem betur fer höfum við getað
lagt til hliðar undanfarin ár,“ segir
Sigríður. „Ekki veitir af því kirkjan
kallar á miklar viðgerðir og viðhald
og það er fyrirsjáanlegt verkefni
næstu ára. Það sem ekki er þegar bú-
ið að gera við þarf að taka í gegn á
næstu árum. Núna erum við að gera
við tvo leka glugga í kórnum og það
er segin saga að þegar við fjar-
lægjum steypuhúðina þá kemur nán-
ast undantekningalaust í ljós að
steypan er verr farin en við höfðum
vonað. Þetta eru endalausar fram-
kvæmdir sem kosta okkur tugi millj-
óna í hvert sinn.“
Hrun í ár í tekjum af turnferðum
 Í fyrra voru tekjur af útsýnisferðum upp í turn Hallgrímskirkju 239 milljónir  Í ár er útlit fyrir
að þær verði innan við 60 milljónir  Starfsfólki fækkað  Stöðugt unnið að viðhaldi og viðgerðum
56
290
240
Útsýnisferðir í turn Hallgrímskirkju
Þúsundir ferðamanna
2017 til 2020*
2017 2018 2019 2020
Heimild:
Hallgríms-
kirkja
*Staðan
14.12.2020
303
Morgunblaðið/Árni Sæberg
Vetrarhátíð 2015 Skólavörðuholtið hefur lengi verið vinsæll áningarstaður, ekki síst meðal erlendra ferðamanna.
Sigríður segir sorglegt hversu
lítil starfsemi megi fara fram í
kirkjum landsins um þessar
mundir. Í hinu mikla rými Hall-
grímskirkju megi aðeins vera
tíu manns hverju sinni, en þó
séu um 50 metrar frá inngangi
í kirkjuskipið að kórtröppunum,
hátt til lofts og vítt til veggja.
Á þessum tíma árs vilji
margir eiga kyrrðarstund í
kirkjunni sinni, til dæmis að
kveikja á kertum og hlusta á
tónlist. Sigríður segir að kirkj-
an virðist lúta strangari reglum
heldur en margir aðrir og nefn-
ir verslanir og leikhús í því
sambandi.
Aðeins tíu
í kirkjunni
STRANGAR REGLUR
Sigríður
Hjálmarsdóttir
Engin dæmi eru um að viðurlögum
hafi verið beitt vegna hegðunar ís-
lenskra lögmanna á samfélagsmiðl-
um. Það hefur þó gerst í nágranna-
löndunum og gefa þau mál hugmynd
um hvar mörkin liggja í þessum efn-
um, samkvæmt grein Áslaugar
Árnadóttur lögmanns, Hegðun, at-
ferli og framkoma lögmanna á sam-
félagsmiðlum, í Lögmannablaðinu.
Margir lögmenn nota samfélags-
miðla persónulega og við atvinnu
sína. „Lögmenn verða hins vegar að
nota samfélagsmiðla á ábyrgan hátt
og gæta að því hvernig þeir tjá sig,“
segir í inngangi greinarinnar. Al-
þjóðsamtök lögmanna settu fram sex
grunnreglur um hegðun lögmanna á
samfélagsmiðlum árið 2014. Þær eru
raktar í greininni. Þar kemur m.a.
fram að mikilvægt sé að lögmenn séu
óháðir og ekki undir áhrifum frá
utanaðkomandi við störf sín. Þeir
þurfa að sýna sama sjálfstæði og
óhæði á samfélagsmiðlum og annars
staðar. Gerð er rík krafa til lög-
manna um heilindi og heiðarleika á
öllum sviðum, þ. á m. á samfélags-
miðlum. Lögmenn verða alltaf að
gæta þess að það sem þeir gera á
samfélagsmiðlum brjóti ekki í bága
við lög. Mikilvægt er að lögmenn
gæti trúnaðar um upplýsingar sem
þeir fá í starfi sínu. Þeir þurfa að
gæta þess sérstaklega við notkun
samfélagsmiðla að miðla ekki trún-
aðarupplýsingum. Ógætileg hegðun
á samfélagsmiðlum getur dregið úr
trausti á viðkomandi sem lögmanni.
Erfitt getur verið að greina á milli
þess hvort viðkomandi tjáir sig á
samfélagsmiðlum sem einkaaðili eða
sem lögmaður. Noti lögmannsstofur
samfélagsmiðla verða starfsmenn að
fá skýrar leiðbeiningar um stefnu
stofunnar á því sviði. Starfsmenn
verða að gera greinarmun á því
hvort þeir nota samfélagsmiðla í
nafni stofunnar eða persónulega.
Lögmannafélög setja reglur
Fram kemur í greininni að mikil
umræða hafi verið á Norðurlöndum
um hegðun lögmanna á samfélags-
miðlum. Sænska lögmannafélagið
setti reglur árið 2015 um hegðun lög-
manna á slíkum miðlum og í fyrra
reglur um markaðssetningu lög-
manna á samfélagsmiðlum. Norska
lögmannafélagið hefur ákveðið að
setja reglur um hegðun á samfélags-
miðlum. Bæði félögin taka mið af
reglum Alþjóðasamtaka lögmanna.
Greinarhöfundur segir að íslensk-
ir lögmenn hafi ólíkar skoðanir á því
hvort þörf sé á að setja sérstakar
reglur um hegðun lögmanna á sam-
félagsmiðlum. Margir telji að ákvæði
siðareglna lögmanna dugi sem leið-
beiningar í þeim efnum.
Lögmenn allan sólarhringinn
Fjöldi mála vegna notkunar lög-
manna á samfélagsmiðlum hefur
verið til meðferðar hjá úrskurðar-
nefndum lögmanna og dómstólum í
nágrannalöndunum. „Af niðurstöð-
um í málum frá Norðurlöndunum má
ráða að þó að lögmenn eigi sér að
sjálfsögðu einkalíf þá teljist þeir lög-
menn allan sólarhringinn á sam-
félagsmiðlum. Þannig virðist það
ekki skipta máli hvort þú tjáir þig á
þínum einkareikningi á samfélags-
miðlum heldur skipti meira máli
hvernig aðrir upplifa færsluna og
hvort þeir tengja hana við lögmanns-
störf þín.“ gudni@mbl.is
Alltaf álitnir lögmenn
 Vandinn við að
vera lögmaður á
samfélagsmiðlum
Morgunblaðið/Ómar Óskarsson
Lögmenn Almenningur sér þá gjarnan fyrir sér í réttarsal en lögmenn eru
víða, líka á samfélagsmiðlum. Myndin tengist ekki efni fréttarinnar beint.
Reglugerð sem Ásmundur Einar
Daðason, félags- og barnamálaráð-
herra, hefur undirritað kveður á
um hækkun atvinnuleysisbóta um
3,6% og tekur hún gildi um áramót.
Jafnframt hefur ríkisstjórnin
ákveðið að greiða tímabundið álag
á grunnbætur frá 1. janúar 2021 og
út allt það ár sem nemur 2,5% og
mun því hækkun óskertra bóta
næsta ár vera alls 6,1%. Óskertar
atvinnuleysisbætur verða því
307.403 kr. á mánuði á næsta ári.
„Frá því að Covid-19-faraldurinn
hófst höfum við gripið til fjöl-
breyttra og markvissra aðgerða og
nú erum við að hækka bæði tekju-
tengdar atvinnuleysisbætur og
grunnbæturnar. Við vitum að
næstu misseri verða krefjandi á
ýmsum vígstöðvum en við erum
farin að sjá ljósið við enda gang-
anna og ég er sannfærður um að
viðspyrnan verður skörp þegar á
næsta ári,“ er haft eftir Ásmundi
Einari á vef Stjórnarráðsins.
Atvinnuleysisbætur
hækka um áramótin