Morgunblaðið - 15.12.2020, Page 8

8 FRÉTTIRInnlent
MORGUNBLAÐIÐ ÞRIÐJUDAGUR 15. DESEMBER 2020
Góð þjónusta í tæpa öld
10%afslátturfyrir 67 ára
og eldri
Ívar Pálsson viðskiptafræðingurskrifar um frumvarp um
hálendisþjóðgarð:
„Nú fyrir jól laum-
ar vinstri umhverf-
is-öfgafólk inn
frumvarpi um há-
lendisþjóðgarð, þar
sem fólkið úti um
landið missir tökin
á stjórn svæða
sinna og völdin
verða færð í báknið í miðborginni,
með tryggðu inngripi hagsmuna-
samtaka kreddufólksins.
  
Tímasetningin er ekki tilviljun,því að yfirleitt svífur flest í
gegn án teljandi umræðu í jóla-
streði og tímahraki. En þessi
hörmung má ekki verða að lögum.
Uppbygging fjölbreyttrar atvinnu-
starfsemi, ferðalaga og náttúru-
verndar hefur átt sér stað í fjölda
áratuga á miðhálendinu, auk þess
sem fallorkan er að mestu bundin
þar. Ráði miðbæjargengið verður
flest það bannað sem hefur átt sér
stað, nema það fáeina sem Æðsta-
ráðinu er samþykkjanlegt. Þar að
auki fá fulltrúar þeirra, þjóðgarðs-
verðir, völd til þess að stöðva flest
það sem eðlilegt þykir í dag enda
eru jeppar, húsbílar, fjórhjól, vél-
sleðar og þyrlur eitur í þeirra
beinum.
  
Það er nær ómögulegt að vindaofan af slæmum lögum,
hversu íþyngjandi sem þau eru.
Því verður að hafna þessu frum-
varpi um hálendisþjóðgarð, sem
þarf a.m.k. verulega umfjöllun og
umsögn, áður en þetta sleppur í
gegn. Sjálfstæðisflokkurinn setur
verulega niður að láta þetta gerast
á sinni vakt, frá flokki sem er að-
eins með þriðjung af fylgi hans,“
segir Ívar og bætir við að honum
þyki samstarfssamningurinn dýr
hafi átt að hleypa þessu í gegn frá
upphafi, ofan á skattheimtuna og
höftin sem Vinstri græn standi fyr-
ir.
Ívar Pálsson
Tímasetning
ekki tilviljun?
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Enginn áhugi virðist vera hjá verktökum að setja
upp svokallaða fendera í höfnum. Í tvígang hafa
slík útboð verið auglýst á vef Vegagerðarinnar en
engin tilboð bárust í verkin.
Fenderar eru viðameiri og betri en það sem
venjulega er sett upp í höfnum, þ.e.a.s. hjólbarðar
eða gúmmíslöngur og eru til að verja bæði skip og
bryggju, upplýsir G. Pétur Matthíasson upplýs-
ingafulltrúi Vegagerðarinnar. Síðan er styrktar-
biti langs eftir hlið Herjólfs sem einmitt er hugs-
aður til að leggjast utan í fenderinn þannig að
skipið sjálft sé ekkert að rekast í bryggjuna. Þess-
ir fenderar hafa einnig í för með sér að það er fljót-
legra fyrir skip að leggja að og frá.
Í apríl í fyrra óskaði Vestmannaeyjahöfn eftir
tilboðum í uppsetningu á sex fenderum á Bása-
skersbryggju, þar sem Herjólfur leggst að. Ekk-
ert tilboð barst. Sama gerðist þegar Vegagerðin
opnaði nýlega tilboð í uppsetningu á sex staura-
fenderum í Landeyjahöfn.
„Hugsanlega er það tímasetningin sem verktak-
ar eru að horfa á, við viljum að þetta sé unnið að
vetri til en ekki yfir háannatímann á sumrin því
þetta þýðir einhverjar frátafir,“ segir G. Pétur.
Gengið var í það verk að setja upp fenderana í
Vestmannaeyjum. Og nú er verið að skoða hvað
verður gert í framhaldinu varðandi Landeyjahöfn,
því fenderarnir muni fara upp. sisi@mbl.is
Enginn vildi setja upp fendera
Ljósmynd/Vegagerðin
Vestmannaeyjar Hér má sjá fenderana uppsetta.
Stjórnarmenn í Kaupfélagi Skag-
firðinga (KS) og dótturfélagi þess,
FISK Seafood, komu færandi hendi
í skólana í Skagafirði í liðinni viku
og gáfu þeim þrívíddarprentara,
ásamt viðeigandi forritum. Frá
þessu er greint á vef Sveitar-
félagsins Skagafjarðar.
Það voru Grunnskólinn austan
Vatna á Hofsósi, Árskóli á Sauðár-
króki og Varmahlíðarskóli, ásamt
Fjölbrautaskólanum á Norðurlandi
vestra, sem fengu þessar veglegu
gjafir.
Þrívíddarprentarinn er af gerð-
inni MakerBot Replicator+, ásamt
þrívíddarforritunum MakerBot
Print og MakeBot Mobile.
„Forsvarsmönnum KS og skóla-
yfirvalda finnst mikilvægt að nem-
endur fái tækifæri til að vinna með
og læra á nýjustu tækni á þessu
sviði til að vekja áhuga þeirra á
þessari grein,“ segir í frétt sveitar-
félagsins. Þar er kaupfélaginu og
dótturfyrirtækjum þakkað fyrir
gjafir og stuðning við skólana í
Skagafirði í gegnum tíðina.
KS gefur skólunum
þrívíddarprentara
Ljósmynd/Feykir
Gjafir Frá afhendingu prentaranna í Árskóla á Sauðárkróki.