Víðförli - 15.01.2007, Blaðsíða 8
VÍÐFÖRLI
8
26. ÁRG. 1. TBL.
Þrettán trúfélög stofna
Samráðsvettvang trúfélaga
Stofnfundur Samráðsvettvangs trúfélaga var haldinn föstu-
daginn 24. nóvember í Tjarnarsal Ráðhússins. Markmið
vettvangsins er að stuðla að umburðarlyndi og virðingu milli
fólks af ólíkum lífsviðhorfum, trúarhópum og trúarbrögðum
og standa vörð um trúfrelsi og önnur mannréttindi.
Forseti íslands, hr. Ólafur Ragnar Grímsson, ávarpaði fund-
inn. Flann ræddi um áhrif trúarbragða á þróun heimsmála og
fagnaði stofnun samráðsvettvangsins og þeirra möguleika
sem í honum felast, með samstarfi og auknum skilningi á
mismunandi trúarhefðum. Marsibil Sæmundsdóttir formað-
ur mannréttindanefndar Reykjavíku-rborgar ávarpaði fundinn
jafnframt fyrir hönd borgarstjóra og kynnti mannréttindastefnu
borgarinnar.
Þjóðkirkjan átti frumkvæði að stofnun samráðsvettvangs-
ins og kallaði til önnur trúfélög í júní 2005 til að hefja undirbún-
ing. Alls eru þrettán trúfélög aðilar að samráðsvettvangnum,
sem einnig er opinn lífsskoðunarfélögum um trúarleg efni
og býður félögum og stofnunum til samstarfs. Hann veitir
leiðtogum og fulltrúum trúfélaga og lífsskoðunarfélaga um
trúarleg efni tækifæri til að kynnast, stuðla að málefnalegum
samskiptum sín á milli, liðka fyrir miðlun upplýsinga og taka
á vandamálum sem upp kunna að koma, í tengslum við ein-
elti, óeirðir, styrjaldir, náttúruhamfarir eða slys.
Alþjóðahús hefur starfað með undirbúningshópi frá upp-
hafi og er Einar Skúlason, framkvæmdastjóri Alþjóðahúss,
upplýsingafulltrúi samráðsvettvangsins.
Steinunn A. Björnsdóttir, verkefnisstjóri á Biskups-
stofu, er ritari samráðsvettvangsins fram að fyrsta
aðalfundi.
Stofnaðilar Samráðsvettvangs trúfélaga eru eftirtalin trúfélög:
Þjóðkirkjan
Fríkirkjan í Reykjavík
Kirkja sjöunda dags Aðventista á íslandi
Fríkirkjan Vegurinn
Baháísamféiagið
Félag Múslima á íslandi
FFWU - Fteimsfriðarsamband fjölskyldna
Kaþólska kirkjan
Ásatrúarfélagið
Búddistafélagið
Krossinn
Söfnuður Moskvu-Patríarkatsins í Reykjavík
Kirkja Jesú Krists hinna síðari daga Fleilögu
Á meðfylgjandi mynd má sjá fulltrúa trúfélaganna auk Ólafs Ragnars Grímssonar,
forseta íslands, fulltrúa Reykjavíkurborgar og Alþjóðahúss. (Mynd: ASD)