Hinsegin dagar í Reykjavík - aug 2009, Qupperneq 38

38
Baldur Þórhallsson gengur með gestum Hinsegin daga
um sögustaði samkynhneigðra í miðborginni
Haldið af stað frá Ingólfstorgi kl. 20, föstudaginn 7. ágúst
Hinsegin Reykjavík
Eins og hin fyrri ár er á Hinsegin
dögum boðið upp á sögugöngu
um staði sem tengjast lífi
lesbía og homma í miðborg
Reykjavíkur. Fjallað verður um
menningu og líf einstakra sam-
kynhneigðra Reykvíkinga allt
frá lokum 19. aldar. Næturlífi,
pólitík, bókmenntum og tónlist
sem tengjast samkynhneigðum
í borginni verða gerð skil og
rifjaðir upp sögufrægir atburðir
í lífi þeirra. Menning lesbía og homma í Reykjavík hefur til skamms
tíma verið flestum hulin, en fjölda markverðra staða er að finna
í miðborginni sem tengjast lífi
þeirra. Markmið gönguferðanna
er að svipta hulunni af þessum
merkilega menningarkima borg-
arinnar. Reykjavík er hýrari en
margur heldur!
Föstudagskvöldið 7. ágúst
verður verður safnast saman
til sögugöngu á Ingólfstorgi
og lagt af stað kl. 20:00.
Ferðin tekur um klukkustund.
Skipuleggjandi og leiðsögu-
maður er Baldur Þórhallsson sem veitir nánari upplýsingar í síma
896 0010. Leiðsögnin er á íslensku.
10