Hinsegin dagar í Reykjavík - 01.08.2003, Blaðsíða 46

ÞAU STANDA AÐ HINSEGIN DÖGUM 2003
Samtökin '78 - félag lesbía og homma á Islandl
www.samtokin78.is - www.gayiceland.com - office@samtokin78.is
Samtökin '78 eru elstu og stærstu samtök samkynhneigðra
hér á landi og voru stofnuð í maí 1978. Markmið félagsins eru
tvíþætt: Að vinna að baráttu- og hagsmunamálum lesbía og
homma í því skyni að vinna þeim jafnrétti á við aðra á öllum
sviðum þjóðlífsins, og að skapa félagslegan og menningarleg-
an vettvang til þess að styrkja sjálfsvitund þeirra, samkennd og
samstöðu um sérkenni sín. Starf félagsins byggist að verulegu
leyti á sjálfstæðum starfshópum. Mikill hluti af starfi félagsins
snýst um réttindabaráttu á opinberum vettvangi. Það var að
undirlagi Samtakanna 78 að forsætisráðherra skipaði nefnd
til að kanna stöðu samkynhneigðra á Islandi og leggja fram
tillögurtil úrbóta snemma á tíunda áratug 20. aldan Sú vinna
bar þann árangur að lög um staðfesta samvist fólks af sama
kyni voru samþykkt árið 1996 og verndarákvæði í íslensk hegn-
ingarlög síðar sama ár Þá er skemmst að minnast nýfengins
réttar samkynhneigðra ístaðfestri samvist til stjúpættleiðingar
árið 2000. Á vettvangi félagsins starfa framkvæmdastjóri,
fræðslufulltrúi og félagsráðgjafi sem veita aðstoð og ráðgjöf
um samkynhneigð málefni.
KMK - Konur með konum
www.geocrties.com/konurmedkonum - konurmedkonum@hotmail.com
Konur með konum, KMK, varð til sem grasrótarhreyfing les-
bía fýrir rúmum áratug og hefur starfað síðan með nokkrum
hléum.Vorið 2000 var starfið endurvakið og hefur það aldrei
verið blómlegra en síðustu misseri.Tilgangur hreyfingarinnar
er ekki síst að efla sýnileika lesbía, styrkja samstöðu þeirra,
gefa þeim tækifæri til að skemmta sér á eigin forsendum og
kynnast öðrum í hópnum. Á vettvangi KMK starfar róðrar-
liðið Gazellurnar sem oft hefur orðið sigursælt á
Sjómannadaginn. Þá stunda stúlkurnar í KMK blak af kappi og
kepptu á Alþjóðaleikum samkynhneigðra - Gay Games - í
vor í Kaupmannahöfn. Þá mála þær landsbyggðina í regn-
bogalitunum á sumarhátíðum sínum og bregða sér í útilegur
og veiðiferðir þegar vel viðrar Á hinni vinsælu vefsíðu KMK
er að finna líflega umræðu sem átt hefur drjúgan þátt í að efla
styrk hreyfingarinnar
MSC ísland
www.this.is/msc - msc@this.is
MSC Island var stofnað árið 1985 og sniðið eftir gay vél-
hjólaklúbbum þótt reyndar fari meira fyrir tilheyrandi klæð-
naði og félagsskap en þeysingi á hjólum. Klúbburinn hefur
sínar klæðareglun leðun gúmmí- einkennis- og gallaföt, og
ástæðan er einfaldlega sú að félagarnir vilja hafa karlmenn
karlmannlega klædda og þá heldur ýkt í þá áttina en hina.
MSC Island hefur ferðamennsku og fyrirgreiðslu við erlenda
ferðamenn beinlínis á stefnuskrá sinni og félagið var ekki síst
stofnað til þess að Islendingar gætu orðið formlegur aðili að
Evrópusamtökum slíkra klúbba, ECMC. Bein pólitísk afskipti
eru ekki á dagskrá en í reynd hafa ECMC-samtökin verið ein
virkustu alþjóðasamtök samkynhneigðra í heilan aldar-
fjórðung og lagt mikið af mörkum til baráttunnar fyrir stolti,
sýnileika og samábyrgð.
FSS - Félag samkynhneigðra og tvíkynhneigðra stúdenta
www.gay.hi.is - gay@hi.is
Félag samkynhneigðra og tvíkynhneigðra stúdenta, FSS, var
stofnað í janúar 1999 af einum 20 stúdentum við Háskóla
Islands. Brátt var hópurinn orðinn um 150 manns og hefur
félagið haldið uppi blómlegu félagsstarfi síðan. Markmið
félagsins er að vera sýnilegt afl innan háskólasamfélagsins á
Islandi og í forsvari þar þegar málefni samkynhneigðra ber á
góma. Allir nýnemar við Háskóla Islands fá sendan kynningar-
bækling á hausti um félagið og starf þess og þeim boðið til
hátíðar á vegum félagsins. Félagið tekur virkan þátt í
samtökum ungs samkynhneigðs og tvíkynhneigðs fólks í
Evrópu, AFFS, en FSS mun taka við forsæti í samtökunum á
næsta ári og halda næsta fund samtakanna í byrjun ágúst
2004. Reglubundin félagsstarfsemi fer einkum fram á svoköll-
uðum GayDay kvöldum, en þau eru haldin hálfsmánaðarlega
ýmist í Stúdentakjallaranum eða á Café Cozy. Á þeim vett-
vangi skapast þægilegt og gott andrúmsloft þar sem auðvelt
er fýrir nýtt fólk að slást í hópinn.
Jákvæður hópur homma
www.aids.is - aids@aids.is
Fyrir sextán árum stofnuðu nokkrir hommar; sem höfðu smit-
ast af HlV-veirunni, hóp til að styðja hver við annan í lífs-
baráttunni á tímum þegar aðkast í garð HlV-jákvæðra var
daglegt brauð í fjölmiðlum og lífsvonir litlarfyrir þá sem smit-
ast höfðu. Eftir að Alnæmissamtökin á Islandi voru stofnuð
hefur hópurinn starfað á vettvangi þeirra samtaka og lagt
mannréttindabaráttunni lið með því að upplýsa um HIV og
samkynhneigð.
The Forces behind Gay Pride 2003 in Reykjavík
The gay community in lceland has joined forces to celebrate Gay
Pride 2003 with festivities in Reykjavík on the second weekend
of August. Gay Pride 2003 is organized by the lcelandic
Organization of Lesbians and Gay Men Samtökin '78; the Gay
and Lesbian University Student Union FSS; the women 's group
Women with Women KMK; the leather club MSC lceland, and
the HlV-Positive Group of Gay Men.
Útgefandi: Samstarfsnefnd um Hinsegin daga í Reykjavík
Samtökin '78, félag lesbía og homma á Islandi
MSC Island - KMK Konur með konum - FSS, Félag
samkynhneigðra og tvíkynhneigðra
stúdenta - Jákvæður hópur homma
Abyrgðarmaður: Heimir Már Pétursson
Hönnun: Tómas Hjálmarsson
Merki Hinsegin daga: Kristinn Gunnarsson
Ljósmyndir: Bára, Sóla, Jean-Frangois, Georg og fleiri.
Textar: Ásgeir Ingvarsson, Guðlaugur Kristmundsson, Heimir
Már Pétursson, Jóhanna RíkharðsdóttinVeturliði Guðnason,
Þorvaldur Kristinsson, Þóra Gerður Guðrúnardóttin
Auglýsingar: Guðjón R. Jónasson, Heimir Már Pétursson.
Prentun: Isafoldarprentsmiðja ehf.
www.samtokin78.is

öi & Fé Aq AR
HAIR SALOON SKÓLAVÖRÐUSTÍGUR8 TEL £ 52 3425
46