Vinnan - 01.05.1998, Blaðsíða 9

E v r 6 p a
Vi n n 11 tíin a t i ls k i p u u i n mun ná til alls launafolks
Framkvæmdastjórn ESB vill að
breytingar verði gerðar á vinnu-
tímatilskipun sambandsins þannig að
hún taki til allra starfsgreina, einnig
þeirra sem hingað til hafa verið und-
anskildar. ASI styður hugmyndir
framkvæmdastjórnarinnar en hafði
fáa daga til að kynna sér breytingatil-
lögurnar þar sem drögin að þeim
strönduðu hjá íslenskum stjómvöld-
um.
Halldór Grönvold, skrifstofustjóri
ASI, segir að fyrirhugaðar breytingar
varði þá hópa sem hafa verið undan-
skildir tilskipuninni. Það eru áhafnir
flugvéla og flutningaskipa, sjómenn,
hluti bílstjóra, bæði fólks og vöru-
flutningabílstjóra og ungir læknar í
starfsnámi. Hann segir ekki fullljóst
með hvaða hætti tilskipuninni verði
breytt en gerir ráð fyrir að settar verði
einhvers konar reglur um lágmarks-
hvíld og hámarksvinnutíma þannig
að þessir hópar njóti sambærilegrar
vinnuvemdar og aðrir hópar launa-
fólks.
Evrópska verkalýðshreyfingin
hefur eindregið óskað eftir að fyrr-
nefndar breytingar verði gerðar.
Samtök atvinnurekenda eru ekki á
sama máli og eru samtök útgerðar-
manna til dæmis algjörlega mótfallin
því að settar verð bindandi reglur um
vinnutíma sjómanna.
ESB gegn
svartri
atvinnu-
starfsemi
Allt að því 28 milljón manns, um
fimmti hluti vinnuafls Evrópu-
sambandsríkjanna, vinna svart að
mati Ráðherraráðs ESB sem hvetur
nú aðildarríkin til að ráðast gegn
þessu vinnulagi. Þetta kemur fram í
skýrslu sem ráðið hyggst leggja
fram innan skamms. Samkvæmt út-
reikningum ESB svarar umfang
svartrar atvinnustarfsemi til um 7 til
16 prósenta af þjóðarframleiðslu að-
ildarlandanna. Það þýðir að skattayf-
irvöld tapa skattgreiðslum frá 10 til
28 milljóna einstaklinga. Reikning-
amir sýna að 7-19% af heildarvinnu-
afli ESB ríkjanna, sem er um 148
milljón manns, vinna svart án þess
að útvega sér tryggingar eða afla sér
réttinda til atvinnuleysisbóta. „Það
verður að stöðva svarta atvinnustarf-
semi“, segir ráðherraráðið og bendir
á að svört atvinnustarfsemi veiki
ekki aðeins hið félagslega öryggis-
net, heldur setji einnig starfsfólkið
sem í hlut á í hættu og stefni framtíð
þess á vinnumarkaði í voða.
Astandið er verst í löndum Suð-
ur-Evrópu. í Grikklandi er talið að
svört atvinnustarfsemi nemi um 29
-35% af þjóðaframleiðslu og á Ítalíu
allt að 26 prósentum. í Þýskalandi,
Frakklandi og Belgíu eru tölurnar
taldar vera að minnsta kosti 12-13%
og í Bretlandi milli 7 og 13%. Sam-
svarandi tölur fyrir Skandinavíu, ír-
land, Austurríki og Holland em um
5%.
Stærstan hluta svartrar atvinnu-
starfsemi er að finna í atvinnugrein-
um sem em viðkvæmar fyrir utanað-
komandi áhrifum og búa við lágt
launastig, til dæmis í verslun, jarð-
rækt, byggingageiranum, heimilis-
hjálp og veitingarekstri. Þar fyrir
utan er svört atvinnustarfsemi að
aukast meðal framhaldsmenntaðs
fólks, til dæmis í tölvugeiranum.
Ráðherraráð ESB leggur til að
viðurlög við skattsvikum verði hert
en bendir á að um leið þurfi að gera
hið opinbera hagkerfi meira aðlað-
andi. Til dæmis með því að lækka
skatta á vinnu og bæta réttindi hluta-
starfsfólks.
IINICE ætlar ekki að semja um
uppljsingar og samrað
Samningar atvinnurekenda og verkalýðshreyfmgar á Evrópuvettvangi ganga
misgreiðlega.
Leiðtogafundur aðila vinnumark- verður haldinn í Briissel þann 2
aðarins um félagslega samninga Júnínk.
Samtök evrópskra iðn- og
atvinnurekenda, UNICE, ætla
ekki að semja við ETUC, evrópsku
verkalýðshreyfinguna, um upplýs-
ingar og samráð við starfsmenn.
Samtökin segja að vissulega sé sam-
ráð vottur um góðar stjórnunarað-
ferðir en ekki eigi að semja um þessi
atriði á Evrópuvettvangi heldur láta
fyrirtækjunum sjálfum eftir að setja
sér reglur. ETUC hefur harmað
ákvörðun UNICE og telur hana
slæma og illa ígrundaða. ETUC hef-
ur farið þess á leit við ráðherraráð
ESB að þegar í stað verði hafist
handa við að binda upplýsingar og
samráð við starfsfólk í lög fyrst ljóst
sé að ekki verði um þetta samið.
NauðsynlQgt sé fyrir starfsfólk að
hafa tryggingu fyrir því að það eigi
rétt á upplýsingum og að haft sé við
það samráð. ETUC treystir á stuðn-
ing Evrópuþingsins í þessu máli og
varar atvinnurekendur við því að
þeir séu að stefna samningum aðila
vinnumarkaðarins í voða en slíkir
samningar voru grundvallaratriði í
atvinnumálaumfjölluninni í Lúxem-
borg sl. haust.
Ráðherraráð ESB tekur í sama
streng og harmar ákvörðun UNICE.
Það bendir á að vonast hafi verið til
að samningar næðust um upplýsing-
ar og samráð, rétt eins og foreldraor-
lof og hlutastörf.
Jacques Santer, forseti ESB, og
Padraig Flynn, félagsmálaráðherra
ESB, hafa lýst miklum vonbrigðum
með gang mála og segja að um al-
varlegt bakslag í samræðu aðila
vinnumarkaðarins sé að ræða. Sant-
er segir að ákvörðunin gefi ranga
mynd af því hvað samvinna á Evr-
ópuvettvangi snúist um. Samningar
aðila vinnumarkaðarins útiloki ekki
að menn séu á öndverðum meiði og
samningaleiðin verði að haldast
opin. Santer hyggst halda „minni“
leiðtogafund aðila vinnumarkaðarins
til að ræða stöðu þeirra í kjölfar
þessa. Ekki verður rætt sérstaklega
um þau atriði sem átti að semja um
heldur framtíð og þróun félagslegra
samninga á Evrópuvettvangi. Sú
umræða er mjög nauðsynleg að mati
Santers þar sem atvinnustefna ESB
reiðir sig á aðila vinnumarkaðarins
og samninga þeirra á milli eftir Lúx-
emborgarfundinn.
Flynn segir ákvörðun UNICE
vekja spumingar um það hvort sum-
ir aðilar vinnumarkaðarins séu
reiðubúnir að taka á sig þá ábyrgð
sem þeim hefur verið falin og hafi
vilja til að bæta atvinnustigið í álf-
unni. Flynn hyggst leggja frumvarp
um upplýsingar og samráð fyrir ráð-
herraráðið svo lágmarksreglur um
þessi atriði verði tryggðar innan
ESB.
Samningaviðræður um bundna
ráðningarsamninga (fixed-term
contracts) milli aðila vinnumarkað-
arins í Evrópu (ETUC-CEEP-UN-
ICE) hófust í lok mars sl. Með hug-
takinu er átt við samninga sem
bundnir eru við ákveðinn tíma eða
ákveðið verk. ETUC, evrópska
verkalýðshreyfmgin, telur að mikil
aukning slíkra ráðningarforma í álf-
unni, eða úr 3.9% árið 1993 í 11.7%
árið 1996, þýði að um þau þurfi að
vera samið félagslega og eftirlit
þurfi að hafa með þeim. Engin
könnun hefur sýnt að störfum fjölgi
þegar dregið er úr starfsöryggi á
vinnumarkaði. í raun og veru sýna
rannsóknir að versnandi vinnuskil-
yrði og fjölgun vinnuslysa, sem og
að slysin eru að verða alvarlegri,
tengist mjög bundnum ráðningar-
samningum og tímabundinni ráðn-
ingu (temporary contracts). Hin aug-
Ijósa ályktun er að mati ETUC að
bundnir ráðningarsamningar skapi
ekki ný störf heldur auki hættuna á
líkamlegri og andlegri vanheilsu
starfsfólks. ETUC vill að gerður
verði rammasamningur um ástæður
og skilyrði fyrir notkun bundinna
ráðningarsamninga til þess að koma
í veg fyrir að launafólk beri skaða af
vegna versnandi vinnuaðstæðna og
aukins óöryggis í starfi.
Almenn
tölvufræði
Windows
Excel
Access
Tölvuskóli
Reykjavíkur
Nú er búseta í öðru landi engin fyrirstaða til náms í íslenskum
skóla. Tölvuskóli Reykjavíkur, sem löngum hefur verið frumkvöðull í
tölvunámi, býður upp á fjarnám á internetinu. í boði er kennsla í
windows, word, Excei og Access. Fjarnám er sérlega
þægilegt og fljótlegt í framkvæmd því öll kennslugögn og verkefni
eru einfaldlega send í formi tölvupósts til nemenda. Allar frekari
upplýsingar veittar í tölvupósti fjarnam@tolvuskoli.is
Borgartúni28 Sími 5616699 Fax561 6696 tolvuskoli@tolvuskoli.is
Q Tölvuskóli
Reykjavíkur
Vinnan
9