Heilbrigðisskýrslur - 01.12.1972, Page 125

- 123
tæka rannsókn á heilsufari starfsfólks, og kom í ljós, að
4 - 5 af hundraði verkamanna höfðu atvinnusjúkdóma vegna ofnæm-
is fyrir ryki, einkum í kerskála. Reynt var að bæta úr þessu
með tilfærslu í starfi o.s.frv. Kísiliðjan og aðrar verksmiðj-
ur, þ.á.m. um 50 fiskmjölsverksmiðjur, koma til athugunar á
næsta ári og síðar. Þá má geta þess, að forstöðumanni var
strax við fyrstu skoðun Kísiliðjunnar ljós mjög vítaverður van-
búnaður á loftræstingu. Uppfylling loforða um skjótar endurbæt-
ur á þessu og öðru drógust mjög á langinn. Lungnaskemmda hafði
þó ekki orðið vart. Aftur á móti voru þegar hér var komið
augnbólgur vegna H^S úr sögunni.
8. 1 veitinga- og gististaðaeftirliti var gert allmikið samfellt
átak á árinu, auk skyndiskoðana, en í hinni samfelldu rannsókn
kom í ljós, að af um 70 stöðum, sem rannsakaðir voru gaumgæfi-
lega, mátti helmlngurinn (35) teljast í góðu ástandi, hinn helm-
ingurinn viðunandi, en einn ónothæfur. Leiðbeiningar eru gefnar
samfara skoðun. Mjög reyndust leyfisgjafir sýslumanna handa-
hófskenndar £ mörgum tilfellum. Fór þá forstöðumaður að huga að
gerð sérstakra eyðublaða fyrir umsóknir og leyfisbréf til út-
fyllingar fyrir sýslumenn eða lögreglustjóra. Eitt stærsta
atriðið í öllum þessum málum er það, að ekki skuli vera hægt að
koma á gæðamati á veitinga- og gististöðum, sem verðlag veit-
inga og gistingar síðan byggðist á, eins og annars staðar tíðk-
ast. Þá yrði áreiðanlega breyting til batnaðar.
9. H.e.r. gerði rannsóknir á loftmengun í Reykjavík, sem leiddi í
ljós, að aðeins var um verulega sót- og brennisteinssýrlings-
mengun að ræða, þegar mikið stóð af iðjuverum Bretlands og
Þýskalands. Þá voru gerðar rannsóknir á flúormengun frá Alver-
inu af flúormarkanefnd að tilhlutan undirritaðs og með tækjum
frá H.e.r. Þessar rannsóknir stóðu að vísu of skamman tíma,
því að nefndin var leyst upp, áður en rannsóknum yrði lokið að
fullu, en það sem fram kom, benti eindregið til umtalsverðrar
flúormengunar á Alftanesi.
10. Mjólkureftirlit er framkvaant reglulega, aðallega með skoðun hinna
19 mjólkurstöðva í landinu og nákvaanri athugun á mjólkurskýrslum.
Oft hefur dýralæknir stofnunarinnar orðið að gera fjósaskoðun
á svæðum, þar sem dýralækna hefur vantað eða skoðunin vanrækt
af öðrum ástæðum. Tankvæðing færist í vöxt og hefur bæði kosti
og galla. Ekki er alltaf hægt að byggjaá gæðamati af mjólkur-
skýrslum, sbr. töflu II, vegna þess að nákvæmni og tækjabúnaður
í smástöðvum og stórum stöðvum er ekki sambærilegur. Þess vegna
koma sumar bestu og stærstu stöðvarnar út með verri stöðu en
þær lakari og minnstu. Segja má að stærstu mjólkurstöðvarnar
í landinu selji fyrirmyndarvÖru.
11. Almennt matvælaeftirlit er í molum. Þó eru skoðuð nokkuð mörg
sýni árlega, en stór hluti þeirra er gerlamengaður. Tafla I
skýrir sig mikið sjálf. Sem dæmi má þó nefna, að meira en
helmingur sýna af unninni kjötvöru er talinn ósöluhæfur og mest-
ur hluti sýna af öðrum hráum mat og smurðu brauði með áleggi.
Þetta er slæm útkoma. Það er vert að minnast þess, að þótt
stærstu framleiðslustaðirnir séu í Reykjavík og því þar mest
þörf fyrir eftirlit, þá er þó alltof lítið sent utan af landi.