Heilbrigðisskýrslur - 01.12.1982, Blaðsíða 120

Frá aðeins tveimur af þeim 25 sjúklingum, sem höfðu mengisbólgu,
bárust öll nauðsynleg sýni til veirurannsókna á æskilegu stigi
sjúkdómsins. Mænuvökvi annars þeirra olli frumuskemmdum i vefja-
gróðri, en ekki tókst að sanna, hvort þetta voru veiruskemmdir
eða eiturverkanir. Ör aðeins 6 af þessum 25 sjúklingum voru send
saursýni til að rækta úr enteroveirur. Þær ræktunartilraunir báru
ekki árangur, þó að bæði Coxsackie- og ECHO-veirur yxu úr saur
frá öðrum sjúklingum með sömu ræktunaraðferðum haustmánuði ársins.
Ör þremur af þessum 6 sjúklingum bárust einnig 2 blóðsýni til mót-
efnamælinga. Gáfu þær ekki vísbendingu um sjúkdómsorsök fr-ekar en
ræktunartilraunirnar. Af þeim 19 sjúklingum, sem engin sýni bárust
frá í ræktun, bárust blóðsýni til mótefnamælinga frá 7, 2 frá hverjum.
Aðeins einn af þessum 7 sjúklingum með mengisbólgu sýndi marktæka
hækkun mótefna. Voru það mótefni gegn inflúensu af A-stofni HiNx~
gerð. Einn hafði há mycoplasmamótefni i báðum sýnum og einn allhá
hettusóttarmótefni. Hvor tveggja þessi mótefni voru fullhækkuð við
komu á sjúkrahús og þvi ekki hægt að sjá þátt þessara sýkinga i
mengisbólgunni. Engin mengisbólga af völdum hettusóttar greindist
þvi með vissu árið 1981, enda litió um hettusóttarsýkingar á árinu.
Enteroveirur ræktuðust ekki úr þeim fáu sýnum, sem bárust i ræktun
frá þessum sjúklingum. Markvissari sýnataka frá fleiri sjúklingum
með mengisbólgu hefði sennilega gefið réttari mynd af þætti entero-
veira i þessum sýkingum. Enteroveirur eru hér á ferli á hverju ári,
en tilviljun virðist ráða þvi oftast, hvaða sýni berast til veiru-
rannsókna, nema stórfaraldrar gangi.
Mislinqar
Mislingar greindust hér ekki með veirurannsóknum á aðsendum sýnum
árið 1981, en seinustu mánuði ársins voru gerðar mælingar á sýnum
frá 131 sjúklingi, sem voru með vafasama sögu um sýkingu eða vafi
lék á um árangur af bólusetningu.
Hettusótt
Hettusótt greindist á Reykjavikursvæðinu i janúar og febrúar, en
siðan hvergi, það sem eftir var ársins, og ekki úr sjúklingum með
mengisbólgu eða bólgu i brisi. Gerð var könnun á ónæmisástandi 12
ára barna i 14 læknishéruðum. Var álitið rétt að bæta þeim upp-
lýsingum við eldri kannanir á ónæmisástandi gegn hettusótt.
Aðrar sýkingar
Nokkur sýni bárust vegna herpesútbrota, aðallega á fingrum, i augum
eóa á kynfærum. Alloft tókst að greina þessar herpessýkingar með
ræktun eða mótefnamælingum. Herpes er hér landlægur og alltaf virkur,
þannig að sýkingarnar hafa nokkuð jafna dreifingu. Rauðhundar greindust
ekki úr þeim sýnum frá útbrotasjúklingum, sem send voru á árinu,
nema einum úr Hafnarfirði, sem hafði sýkst erlendis. Sú sýking
breiddist ekki út, svo að vitað sé. Nauósynlegt er, að læknar sendi
sýni i rannsóknir ef minnsti grunur er um rauðhunda. Eftir alla þá
vinnu, sem búið er að leggja i varnir gegn þeim, er ekki ofverk að
fylgjast með þvi, hvort sýkingin er hér i raun og veru. Þeir eru
ekki landlægir hér og mörg önnur útbrot lik.
118