Heilbrigðisskýrslur - 01.12.1982, Blaðsíða 148
og tiabendazóls i tilteknum matjurtum, smjörfitu og smjörlikisfitu.
Reglugeró þessi var siðan staðfest og er nr. 349/1982. Samtimis var
reglugerð nr. 525/1980 felld úr gildi. Samdar voru tillögur til
breytinga á reglugerð nr. 445/1978, sbr. einnig reglugerð nr. 270/1981,
vim flokkun eiturefna og hættulegra efna. Tillögur þessar voru sióan
staðfestar af ráðherra, nokkuð breyttar, og gefnar út i reglugerð
nr. 357/1982. Gerðar voru tillögur að nýjum reglugerðum i stað reglu-
gerða nr. 131 og 132/1971 og sendar heilbrigðis- og tryggingamála-
ráðuneytinu. Reglugerðir þessar voru mikil frumsmið á sinum tima og
þarfnast nú mjög endurskoðunar. Gengið var frá tilkynningu 3/1982 L
um yfirlit yfir plöntulyf, örgresisefni, stýriefni og útrýmingarefni,
er flytja má til landsins, selja eða nota, sbr. 3. og 4. gr. reglu-
geróar nr. 132/1971, og skrá yfir framleiðendur og umboósmenn, er
heilbrigðis- og tryggingamálaráóuneytið gaf út 1. júni 1982. Farió
var yfir sölubækur fyrirtækja, er selja færsluskyld efni og efnasam-
setningar, sbr. ákvæói reglugerðar nr. 455/1975.
Ýmis mál
Nefndin fékk til umsagnar frumvarp til laga um tóbaksvarnir. Hafði
nefndin ýmislegt við frumvarp þetta að athuga. Nefndin lagóist þannig
gegn stofnun tóbaksvarnaráðs og taldi, að reykingavarnanefnd ætti
framvegis að lúta forræði Hollustuverndar rikisins. Rætt var um að
herða eftirlit með innflutningi og notkun kadmiums. Nefndin kynnti
sér notkun sætuefnisins aspartams og þær reglur, er um þetta gilda
i nálægum löndum. Allitarlegar umræóur urðu um iblöndun lyfja eða
annarra efna i fiskafóður og um nauósyn þess að setja reglur að þessu
lútandi. Fjallað var um notkun bróms til eyðingar sýkla i baðvatni
og um þörf reglna um það. Nefndin hvatti Heilbrigðiseftirlit rikisins
til þess að gera fyllri mælingar á köfnunarefnisoxiðum (NO(x)) i námunda
við Aburðarverksmiðju rikisins i Gufunesi. Kom nefndin fram með til-
lögur að þessu lútandi. Heilbrigðisnefnd Mosfellshrepps leitaði álits
nefndarinnar um málningu vatnsgeymis. Fjallaði nefndin um mál þetta og
svaraði erindinu. Fjallað var um erindi Efnaverksmiójunnar Sjafnar um
framleiðslu á blöndu metanóls og ricinusoliu til eldsneytis á módel-
mótora. Nefndin hvatti Heilbrigðiseftirlit rikisins til þess að herða
eftirlit með sölu á maurasýru. Rætt var um undirbúning að skráningu
og mati á fúavarnarefnum, en það mál hefur lengi verið á verkefnaskrá
nefndarinnar. Var leitað upplýsinga um gildandi reglur að þessu lút-
andi i Danmörku og Englandi. Nefndin kynnti dönskum yfirvöldum, að
hér á landi væri ekki lagst gegn notkun tiabendazóls á uppskornar
matarkartöflur i geymslu, ef settum reglum yrói fylgt. í Danmörku er
slikt i meginatriðum ekki heimilt. Fjallað var um tilbúning og sölu
hreinsunardeildar Reykjavikurborgar á blöndum útrýmingarefna, sem
m.a. eru ætluð til sölu til meindýraeyða, er starfa á vegum annarra
sveitarfélaga. Var talió nauðsynlegt að setja um þetta reglur. Nefndin
fékk til meðferóar frá Hollustuvernd rikisins iblöndun natriumpólý-
fosfats i hitaveituvatn á Suðureyri og i Hrisey. Var mælt með iblöndun
þessari, þó þannig að hitaveituvatnið væri ekki notað til drykkjar
eða matargerðar. Vinnueftirliti rikisins var sent bréf og það beðió að
herða eftirlit með gullsmiðaverkstæðum, sérstaklega með tilliti til
notkunar háeitraðra efna við gyllingu. Fjallað var um förgun á PCB-efni,
sem er i 5 spennubreytum i grennd við Sigölduvirkjun. Varð niðurstaða
umræðna um málið sú, aó efni þetta væri best geymt þar, sem þaó væri
á spennubreytunum. Förgun eiturefna og hættulegra efna var oftar en
einu sinni til umræðu i nefndinni á árinu.
146