Fréttablaðið - 09.03.2021, Page 12

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Björk
Eiðsdóttir
bjork@frettabladid.is

Að dætur
jafnréttis­
paradísar­
innar
Íslands
þurfi að
leita út fyrir
landstein­
ana að
réttlátri
málsmeð­
ferð og
vernd gegn
ofbeldi er
ekki aðeins
sorglegt
heldur eigin­
lega bara
ótrúlegt.

Skólahús­
næðið sem
þarna getur
risið verður
áfram í
nálægð við
einstaka
náttúru en
skerðir hana
ekki.
Hjallastefnunni var á síðasta borgarráðsfundi veitt vilyrði fyrir lóð til að byggja upp skóla við Perluna í Öskjuhlíðinni. Hjalli hefur rekið
Barnaskólann í Reykjavík og leikskólann Öskju við
Hlíðarfót frá árinu 2009 við mikla ánægju foreldra.
Skólar Hjalla hafa verið á tímabundinni lóð. Því
var brýnt að finna skólunum nýja, varanlega lóð og
eyða þannig óvissu foreldra, barna og starfsmanna.
Vilyrðið er háð því að á lóðinni megi einungis rísa
húsnæði til skólareksturs. Við erum líka meðvituð
um að Öskjuhlíðin er mikilvægt útivistarsvæði fyrir
okkur öll. Sú lóð sem hér um ræðir er við bílastæði
Perlunnar og því vel tengd gatnagerð. Skólahúsnæðið
sem þarna getur risið verður áfram í nálægð við ein-
staka náttúru en skerðir hana ekki.
Viðreisn hefur ætíð talað fyrir mikilvægi þess að
foreldrar hafi frelsi til að velja það sem er best fyrir
börnin sín. Börn hafa ólíka styrkleika og ólíkar
þarfir, sem einungis er hægt að mæta með því að
bjóða upp á fjölbreytta skóla. Þannig tryggjum við
bestu menntunina og þjónustuna fyrir alla. Í Reykja-
vík eru í dag starfandi 6 sjálfstæðir grunnskólar og
17 sjálfstæðir leikskólar sem foreldrar hafa val um
að skrá börnin sín í. Að auki hafa foreldrar val um að
sækja um skóla fyrir börn sín hvar sem er í borginni.
Á þessu kjörtímabili hefur meirihlutinn í Reykja-
vík samið við sjálfstæða skóla um aukið framlag
vegna frístundastarfs, um pláss fyrir reykvísk börn
í nýjum sjálfstæðum skóla fyrir börn með sérþarfir
og um pláss fyrir f leiri börn á leikskólum. Á sama
tíma höfum við samþykkt metnaðarfulla mennta-
stefnu fyrir alla skóla í Reykjavík, fjölgað leik-
skólum Reykjavíkur og samþykkt áætlun um að efla
íslenskukennslu barna sem hafa annað móðurmál en
íslensku.
Menntun allra barna í Reykjavík, sama hvaða skóla
foreldrar kjósa, á að veita börnum tækifæri til að
þroska sína hæfileika og öðlast hæfni til að móta sér
farsælt líf.
Nám barna
við einstaka náttúru
Þórdís Lóa
Þórhallsdóttir
formaður
borgarráðs
og oddviti
Viðreisnar í
Reykjavík
Í gær, 8. mars, var alþjóðlegur baráttudagur kvenna. Dagurinn hefur verið tileinkaður kvenréttindum víða um heim frá árinu 1911 og nú, 110 árum síðar, er enn fullt til-efni til að draga fram í dagsljósið hin ýmsu baráttumál sem sérstaklega snúa að öðru
kyninu.
Íslenska kvennahreyfingin nýtti daginn til að
segja frá margfaldri málsókn á hendur íslenska
ríkinu. Níu íslenskar konur á aldrinum 17 til 44
ára hafa kært íslenska ríkið til Mannréttinda-
dómstóls Evrópu. Konurnar níu eiga það sam-
eiginlegt að hafa kært nauðganir, heimilisof beldi
eða kynferðislega áreitni en öll málin verið felld
niður eftir rannsókn lögreglu.
Með aðstoð Stígamóta og lögmannsstofunnar
Réttar freista konurnar nú þess að fá Mannrétt-
indadómstólinn til að fjalla um mál þeirra og
þrýsta þannig á um breytingar á meðferð slíkra
mála sem komast sjaldnast alla leið inn í dómsal
hér á landi.
Við ítarlega yfirferð Sigrúnar Ingibjargar
Gísladóttur lögmanns, sem hefur unnið að öllum
kærunum til Mannréttindadómstólsins, komu í
ljós ýmsar brotalamir við rannsókn og meðferð
málanna innan réttarvörslukerfisins sem varða
meðal annars rannsókn lögreglu, mat á sönn-
unargögnum og túlkun á vilja löggjafans.
Það virðist ekki vera tilfallandi vandi að
sjaldnar sé ákært í þessum málaflokki en öðrum
en við undirbúning málsóknarinnar skoðuðu
lögmenn fjölmörg mál í leit að rauðum þráðum.
Samkvæmt Sigrúnu var gegnumgangandi vandi
hversu langan tíma rannsókn tók, mál jafnvel
fyrndust meðan á rannsókn stóð. Algengt var að
skýrslur væru teknar seint, sem skapar hættu á að
vitni og sakborningar geti undirbúið sig, auk þess
sem það virtist oft vega þungt að sakborningur
neitaði sök í máli.
Ríkið hefur hér brugðist konum og breytingar
eru löngu orðnar tímabærar. Það er staðreynd að
lítill hluti kvenna sem verða fyrir of beldi kæra
og enn færri fá mál sitt f lutt fyrir dómstólum, en
sem dæmi rata aðeins 17 prósent nauðgunarkæra
alla leið inn í dómsal. Löng og léleg málsmeðferð
er ekki til að hvetja konur til að leita réttar síns í
þessum viðkvæmu málum.
Frumvarp um bætta réttarstöðu brotaþola er
á dagskrá Alþingis í mánuðinum og er erfitt að
ímynda sér annað en að það verði samþykkt. Það
er skref í rétta átt en íslenska kvennahreyfingin
setti fram fleiri kröfur á fundi sínum í gær er
varða málsmeðferð í of beldismálum sem koma
upp í nánu sambandi.
Að dætur jafnréttisparadísarinnar Íslands
þurfi að leita út fyrir landsteinana að réttlátri
málsmeðferð og vernd gegn of beldi er ekki aðeins
sorglegt heldur eiginlega bara ótrúlegt.
Breytum þessu!
Níu konur 
Hámarks umhyggja
Svarta kómedían I Care a Lot
er með því allra besta sem er í
boði í reykvískum kvikmynda-
húsum þessi kvöldin en þar
segir frá kaldlyndri athafna-
konu sem sérhæfir sig í því að
koma sjálfræðissviptum eldri
borgurum á elliheimili til þess
að féflétta þá síðan þar til ekkert
er eftir. Spurning hvort Gísli
Páll Pálsson, forstjóri Grundar-
heimilanna, sé nýbúinn að
skreppa í bíó en í Víglínu Stöðvar
2 sagði hann ríkið ekki geta
staðið endalaust undir rekstri
hjúkrunarheimila og taka eigi
upp kerfi sem þekkist víða, til
dæmis hjá hinum Norðurlanda-
þjóðunum, og geri ráð fyrir meiri
greiðsluþátttöku sjúklinga en
hér á landi.
Hámarksgreiðsla
Gísli Páll hafnaði því í þætt-
inum að hann væri að tala
fyrir tvöföldu heilbrigðiskerfi.
Allir myndu borga. Eignafólk
gæti hins vegar endað með
að greiða jafnvel einhverja
milljónatugi. „Auðvitað yrðu
krakkarnir brjálaðir. Þess
vegna þorir enginn stjórnmála-
maður á Íslandi að nefna þetta,“
sagði hann um ástæður þess að
enginn stjórnmálamaður þyrði
að hreyfa við málinu. Gírug
aðalpersóna I Care a Lot fékk að
kenna á hversu erfingjar geta
verið erfiðir viðureignar þannig
að myndin gæti reynst víti til
varnaðar á ýmsum sviðum.
opið
alla daga
kl. 10 – 21
25. febrúar - 14. mars
9 . M A R S 2 0 2 1 Þ R I Ð J U D A G U R10 S K O Ð U N ∙ F R É T T A B L A Ð I Ð
SKOÐUN