Fréttablaðið - 09.03.2021, Qupperneq 20

Hildur Eva Einarsdóttir átti upp-
haflega að fermast í mars í fyrra
en fermingunni var frestað fram
í ágúst. Hún vonast til að halda
fermingarveislu í vor en búið
er að fresta veislunni nokkrum
sinnum vegna sóttvarnalaga.
sigriduringa@frettabladid.is
Undanfarin misseri hefur Hildur
Eva haft í nógu að snúast. Hún lék
aðalhlutverkið í stuttmyndinni
Adela, sem fjallar um stelpu sem
verður fyrir einelti og hvernig það
breytir líðan hennar að eignast
hund. Í fyrravetur stóð ferm­
ingarundirbúningurinn sem hæst
þegar Hildur Eva fékk þær fréttir
að fermingunni yrði frestað um
nokkrar vikur vegna kórónaveiru­
faraldursins. „Ég átti að fermast
þann 29. mars 2020 en mánuði fyrr
greindist fyrsta kórónuveirusmitið
hérlendis, sem setti strik í reikn­
inginn. Vegna samkomubanns var
fermingunni frestað fram í ágúst.
Ég varð dálítið svekkt því ég hlakk­
aði mjög mikið til þess að fermast,“
segir Hildur Eva, sem var þá þegar
byrjuð að undirbúa fermingar­
veisluna sína.
„Ég ætlaði t.d. að föndra og búa
til alls konar skraut. Það var búið
að kaupa fullt af servíettum og ég
hafði búið til fimmtíu servíettu­
dúllur. Svo ætlaði ég að skera út
stafina í nafninu mínu, mála þá í
fallegum lit og hengja upp á vegg
en sem betur fer var ég ekki komin
langt með það verkefni,“ segir
Hildur Eva, sem er að læra á þver­
flautu og stundar nám í ballett við
Listdansskóla Íslands.
Passaði í fermingarkjólinn
„Ég var búin að fá fermingar­
kjólinn en sem betur fer stækkaði
ég ekki mikið á þessum tíma
þannig að ég passaði í hann
þegar ég var fermd þann 30. ágúst.
Fermingardagurinn var mjög
góður. Ég byrjaði daginn á að fara í
hárgreiðslu, síðan fór ég í Háteigs­
kirkju og fermdist. Eftir það fórum
við fjölskyldan og fengum okkur
að borða og síðan héldum við í
myndatöku. Eftir þetta allt saman
fór ég heim og við byrjuðum strax
að undirbúa matarboð. Ég bauð afa
og ömmu og guðmæðrum mínum
og eiginmönnum þeirra í mat. Við
vorum tíu talsins og áttum saman
mjög góða stund,“ segir Hildur Eva
og brosir.
Ætlunin var að bjóða ættingjum
og vinum til veislu í október
en þá var sett á tuttugu manna
samkomu bann. Því var ákveðið
að fresta veislunni fram í nóv­
ember en það gekk ekki heldur
upp. Næst stóð til að slá upp veislu
í desember en ekkert varð úr því.
Hildur Eva vonaðist til að geta
haldið veislu í janúar eða febrúar
en það gekk ekki heldur. Núna
stendur til að halda fermingar­
veislu með vorinu. „Ég er auðvitað
orðin þreytt á þessu en samt er
ég þakklát fyrir að hafa fengið
þennan fermingardag í ágúst.
Hann var skemmtilegur þótt hann
hafi verið öðruvísi en ég átti von á.
Ég horfi á björtu hliðarnar og núna
vonast ég til að geta haft vorveislu
í maí. Veislan verður haldin í sal í
Gufunesi og þar er klifurturn og
útileiksvæði svo krakkarnir geta
vonandi leikið sér úti,“ segir Hildur
Eva bjartsýn.
Hún segir að vissulega sé sér­
stakt að upplifa heimsfaraldur.
„Þegar ég verð orðin gömul kona
get ég sagt börnunum mínum og
barnabörnum frá því hvernig það
var að lifa á þessum tímum og
hvaða áhrif það hafði á ferming­
una mína,“ segir Hildur Eva.
Eigulegar fermingargjafir
á frábæru verði
Vonast eftir vorveislu
Hildur Eva
segir að hún
sé vissulega
orðin þreytt á
því að fresta
fermingar-
veislunni hvað
eftir annað en
hún er bjartsýn
á að geta haldið
veislu í maí.
FRÉTTABLAÐIÐ/
ANTON BRINK
Hildur Eva segist vera þakklát fyrir að hafa fermst í
ágúst en veislunni var frestað. MYND/ KRISTJÁN MAACK
Þegar ég
verð orðin
gömul
kona get
ég sagt
börnunum
mínum
og barna-
börnum
frá því
hvernig
það var
að lifa á
þessum
tímum og
sagt þeim
hvaða
áhrif það
hafði á
ferming-
una mína.
4 kynningarblað 9. mars 2021 ÞRIÐJUDAGURFERMINGAR