Fréttablaðið - 09.03.2021, Side 52

rækjuterta, túnfiskterta og skinku-
terta í þessari röð að sögn Ásdísar.
„Fólk er oft með heita rétti
með skinku í og er þá ekki með
skinkubrauðtertu. En ég geri líka
hangikjötstertu og roast beef og
laxatertu. Ég geri aðeins öðruvísi
salöt en margir aðrir. Ég nota til
dæmis mjög mikið af rækjum í
rækjubrauðtertuna mína en ekki
mikið af eggjum. Eins nota ég
ekki mikið af majónesi, ég vil ekki
hafa terturnar löðrandi í majó-
nesi og nota þess vegna meira af
öðru hráefni. Eins þá nota ég alltaf
sýrðan rjóma með majónesinu.
Sýrði rjóminn hindrar að terturnar
gulni,“ útskýrir Ásdís.
Brauðterturnar hennar Ásdísar
eru alltaf listilega vel skreyttar.
Hún býr yfirleitt til rósir úr tómöt-
um eða plómum sem hún skreytir
terturnar með. En hún segir
aðspurð að það taki svolítinn tíma
að ná leikni í að búa til rósirnar.
„Ég er með aðstoðarkonu sem
hefur verið að hjálpa mér að gera
brauðtertur, hún hefur eytt ansi
mörgum kílóum af tómötum bara
til að prufa,“ segir Ásdís og hlær.
„Þetta er bara tilfinning og leikni.
Það er erfitt að kenna þetta, þetta
kemur bara allt í einu. Það þarf
að skræla tómatinn eða plómuna
þunnt. Þú skerð alltaf bara í
hring og vefur þessu svo öfugt
upp, þá kemur rós. Þetta er ekki
flóknara en það. En það er leikni að
ná þessu nógu þunnu,“ segir hún.
Auk þess að gera girnilegar
brauðtertur býr Ásdís einnig til
fleiri tertur sem eru vinsælar í
fermingarveislum. Marensbomban
hennar með kókosbollunum er til
dæmis alveg sérstaklega gómsæt og
líka falleg á fermingarborðið. Ásdís
deilir hér uppskriftinni að marens-
bombunni.
Marensbomba
Þessi uppskrift er fyrir 40 manns,
þannig að hún hentar vel á
fermingarborðið.
Botnar :
10 eggjahvítur
500 g sykur
2 bollar rice crispies
Stífþeytið eggjahvíturnar, bætið
síðan sykrinum saman við í smá
skömmtum, þeytið áfram þar til
massinn er mjög stífur, þá er rice
crispiesinu blandað saman við með
sleikju þar til þetta er vel samlagað.
Breiðið smjörpappír á bökunar-
plötu og setjið helming af mass-
anum á pappírinn og dreifið úr eins
og hægt er. Síðan er gert alveg eins á
aðra plötu. Bakað með blæstri á 110
˚C í 3 klst.
Á milli eru settir 2 lítrar af
þeyttum rjóma, fyrst helmingurinn
á neðri botninn og 1 kg af frosnum
hindberjum, 7 pakkar af kókos-
bollum og yfir kókosbollurnar
kemur restin af þeytta rjómanum
og svo efri botninn þar ofan á.
Ofan á sprautar Ásdís súkkulaði-
ísingu frá Kjörís í línur og leyfir því
að leka niður eftir kökunni. Síðan
setur hún alls konar ferska ávexti,
t.d. vínber, græn og rauð, jarðarber,
bláber, blæjuber og granatepla-
kjarna.
Rækjutertan
er vinsælust
en þar á eftir
koma túnfisk-
og skinkuterta.
MYND/AÐSEND
Sandra Guðrún
Guðmundsdóttir
sandragudrun@
frettabladid.is
Ásdís Hjálmtýsdóttir er sérlegur
snillingur í brauðtertugerð enda
hefur hún samhliða starfi sínu
sem matráður á leikskóla búið til
og skreytt brauðtertur og fleiri
klassískar kökur fyrir fjöldann
allan af veislum.
Ásdís segir að brauðtertur séu
alltaf vinsælar í fermingarveislum
en vinsældirnar hafi þó tekið
skyndilegan kipp fyrir tveimur
árum síðan. Hún hefur þó engar
skýringar á þeim skyndilegu vin-
sældum.
„Það varð bara rosaleg sprenging.
Allir vildu fá snittur og brauðtertur
í fermingarveislurnar. Það varð
sérstaklega mikill áhugi hjá unga
fólkinu og þeim sem eru að ferma,“
segir Ásdís.
„Þegar maður er með veislu þá
þarf hún að vera fjölbreytt. Það eru
ekkert allir sem borða gamaldags
rjómatertur. Það er kannski helst
eldra fólkið.“
Ásdís hefur búið til brauðtertur
fyrir veislur í um það bil 30 ár
og segir að uppskriftin af brauð-
tertunum hennar hafi ekki breyst
mikið á þeim tíma.
„Fólk vill alltaf fá eins tertu,
hvort sem það er fimmtugsafmæli
hjá mömmunni eða ferming hjá
syninum. Þó fólk haldi veislu með
margra ára millibili þá vill það fá
sömu uppskriftina. Það er alltaf
verið að reyna að finna upp hjólið
og búa til eitthvað nýtt, en þetta
gamla er samt alltaf best,“ segir
Ásdís.
Vinsælustu brauðterturnar eru
Leikni að skreyta fallega
Brauðtertudrottningin Ásdís Hjálmtýsdóttir hefur búið til og skreytt
brauðtertur fyrir veislur í 30 ár. FRÉTTABLAÐIÐ/ANTON BRINK
Ásdís notar sýrðan rjóma á móti majónesinu svo brauð-
tertan verði fallega hvít. MYND/AÐSEND
Rjómabollumarengstertan hennar Ásdísar er alveg
dísæt og girnileg. FRÉTTABLAÐIÐ/ANTON BRINK
Ásdís leggur
metnað í
að skreyta
marenstertuna
rétt eins og
brauðterturnar.
FRÉTTABLAÐIÐ/ANT-
ON BRINK
Fólk vill alltaf fá
eins tertu, hvort
sem það er fimmtugsaf-
mæli hjá mömmunni
eða ferming hjá syn-
inum.
FERMINGARTILBOÐ
YFIR 20
MYNDABOX
Í BOÐI
EKKI GLEYMA AÐ PANTA MYNDASBOXIÐ
Myndabox að eigin vali
Bakgrunnur
Props / leikmunir
Uppsetning / frágangur
TILBOÐ
(Yfir 100
bakgrunnar í boði)

Kr. 34.900,-
(Fullt verð kr. 46.900,-)
Innifalið í tilboði:
28 kynningarblað 9. mars 2021 ÞRIÐJUDAGUR FERMINGAR