Dagblaðið Vísir - DV - 19.03.2021, Blaðsíða 27

D agurinn var 15. sept-ember árið 2006. Sá kærkomni tími dags
var runninn upp þar sem fólk
mátti loksins stimpla sig út
úr vinnu, grípa staf sinn og
hatt og hraða sér heim til að
verja þar frítíma sínum fram
að næstu vinnulotu. Taktur
þessa hversdagslega erils
var skyndilega rofinn þenn-
an dag skammt frá Buffalo
í New York ríki í Bandaríkj-
unum þegar þrír skothvellir
endurómuðu um göturnar.
Á bílastæði fyrir utan
verksmiðjuna þar sem hann
vann fannst karlmaður sitj-
andi í bíl sinum. Hann hafði
að venju stimplað sig út og
var við það að ná að drífa sig
heim þegar hann var þess í
stað skotinn til bana.
Rannsókn málsins átti
ekki eftir að kosta lögreglu
mikinn tíma og fyrirhöfn,
en baksaga þess var svo
óvenjuleg að málið mun
að líkindum aldrei renna
þeim lögreglumönnum sem
að rannsókninni komu úr
minni.
Stafræn ástin blómstrar
Ári áður naut leikjasíðan
Pogo mikilla vinsælda
meðal ungmenna. Þar gátu
ungmennin drepið hluta af
sínum mikla frítíma og þar
að auki bauð síðan upp á
eins konar stafrænan sam-
komustað, spjallrás þar sem
bæði var hægt að taka þátt í
opnum hópsamtölum sem og
nánari einkasamtölum.
Það var á þessu spjall-
svæði sem tveir notendur
kynntust og felldu saman
hugi. Notendurnir voru
Tallhotblond – 18 ára fram-
haldsskólaneminn og mjúk-
boltaspilarinn Jessi og
MarineSniper – 18 ára leyni-
skyttan Tommy sem var í
bandaríska hernum og beið
þess að vera sendur á átaka-
svæði í Írak.
Fyrst voru skilaboðin milli
notendanna tveggja saklaus
og vinaleg, en fljótlega fór
þar að bera á daðri og ekki
leið á löngu áður en ástar-
játningarnar fóru að ganga
á víxl. Bæði höfðu þau sent
hinu andlitsmynd af sér en
parið hafði þó aldrei sést
augliti til auglitis en það
hindraði Tommy samt ekki í
að biðja Jessi um hönd henn-
ar í hjónaband.
Úlfur í sauðargæru
Það einkennir gjarnan sam-
bönd ungmenna að ástin
ýtir þeim til skiptis upp í
hæstu hæðir og niður í hinar
dýpstu lægðir. Ungmennin
voru heltekin og stafræn
samskiptin voru orðin það
mikilvægasta í deginum.
Það var þó einn alvarlegur
hængur á málinu.
Erla Dóra
Magnúsdóttir
erladora@dv.is
Hinn 18 ára Tommy var í
raun hinn 46 ára gamli Tho-
mas „Tom“ Montgomery.
Vissulega hafði Tom verið í
hernum sem ungur maður,
en það hafði aðeins varað um
sex ára skeið og hann hafði
heldur aldrei verið þjálfaður
sem leyniskytta eða sendur
á nokkurt átakasvæði. Tom
var starfsmaður í verk-
smiðju á daginn og í lok dags
snéri hann heim til eiginkonu
sinnar og barna.
Myndirnar sem hann
hafði sent af sér voru alls
ekki falsaðar heldur komnar
nokkuð vel til ára sinna.
Einhvers staðar í undirmeð-
vitundinni vissi hann að það
væri rangt að villa á sér
heimildir með þessum hætti.
En hann var búinn að flækja
sig of fastan í lygavefinn og
auk þess veitti sambandið
honum svo mikla gleði að
hann gat ómögulega slitið sig
frá stafrænni hjákonu sinni.
Sannleikurinn kemur í ljós
En Tom gleymdi að gæta að
einu. Hann bjó ekki einn.
Dag einn fékk dóttir hans að
nota tölvu hans þegar hún
rak augun í spjallið hans
við Jessi. Forvitin opnaði
dóttirin gluggann og við
henni blöstu lygar föðurins
og ósvífin svikin við móður
hennar. Hún greindi móður
sinni frá því sem hún hafði
komist á snoðir um og móð-
irin ákvað að grípa til sinna
ráða til að vernda fjölskyldu
sína.
Þannig varð það að Jessi
fékk senda fjölskyldumynd
af Thomas ásamt þeim skila-
boðum að Tommy væri í
raun miðaldra heimilisfaðir
og harðgiftur.
Ástfangin aftur
Jessi var slegin af þessum
tíðindum. Hennar elskaði
Tommy? Hvernig gat þetta
staðist. Í örvinglan hafði
hún uppi á vinnufélaga Toms
til að staðfesta svikin. Sam-
starfsfélaginn hélt Brian
Barrett. Brian var 22 ára
og starfaði með Tom í verk-
smiðjunni.
Brian staðfesti svikin og
gerði gott betur, hann heillaði
Jessi upp úr skónum og veitti
henni öxl til að gráta á og
endurvakti trú hennar á ást-
inni. Brian og Jessi ákváðu að
koma upp um Tom á opnu hóp-
spjöllunum og flögguðu sam-
tímis ástarsambandinu sem
var að þróast á milli þeirra.
Þetta kunni Tom illa að
meta. Hann var enn ást-
fanginn af Jessi. Jessi sjálf
virtist vera á báðum áttum.
Hún hélt áfram að senda
Tom skilaboð þar sem hún
daðraði við hann, nú vitandi
fullvel hver hann var í raun
og veru.
Vonin vaknaði í brjósti
Toms að Jessi gæti tekið
honum eins og hann var.
Morðið á bílastæðinu
Hvort var það Tom eða Brian
sem sat látinn í bifreið sinni
fyrir utan verksmiðjuna?
Vildi Brian verja heiður nýju
kærustunnar og losna við
manninn sem særði hana?
Eða ákvað Tom að Brian væri
fyrirstaða fyrir endurfundum
hans við Jessi?
Aðkoman á bílastæðinu
benti til þess að morðinginn
hefði hlotið einhverja her-
þjálfun. Það tók lögreglu ekki
langan tíma að leggja saman
tvo og tvo. Hinn látni var
Brian Barrett og gerandinn
var Tom.
Á daginn kom að Brian
hafði ákveðið að ríða á vaðið
og hitta Jessi loks augliti til
auglitis. Tom hafði komist á
snoðir um þessi áform. Brian
var myndarlegur maður og
Tom var vitstola af afbrýði.
Það sem Tom vissi reyndar
ekki var að Jessi skaut niður
áætlanir Brians nokkru fyrr,
hún kærði sig ekki um að fá
hann í heimsókn. Tom ákvað
því að Brian þyrfti að deyja
svo hann gæti átt Jessi út af
fyrir sig.
Tom hafði flúið af vettvangi
eftir að hafa skotið Brian og
var hvergi finnanlegur. Lög-
reglu grunaði að hann myndi
næst snúa sér að Jessi og líf
hennar gæti verið í hættu. Því
voru lögreglumenn sendir að
heimili hennar til að tryggja
öryggi hennar.
Ótrúleg uppgötvun
Þegar lögreglu bar að garði
beið þeirra lygileg uppgötv-
un. Til dyra kom ekki Jessi
heldur móðir hennar, Mary
Shieler og þegar lögregla
bar upp erindi sitt brotnaði
Mary saman og viðurkenndi
að dóttir hennar hefði alls
ekkert með málið að gera.
Það var Mary sem Tom og
Brian höfðu átt í sambandi
við. Jessi vissi ekkert um
málið, hvað þá að móðir henn-
ar hafði bæði notað myndir af
henni sem og nafn til að eiga
í rómantískum samskiptum
við unga menn.
Tom var sakfelldur fyrir
morðið á Brian og þó svo
lögregla og ákæruvald vildu
ekkert frekar en að geta líka
ákært Mary fyrir hennar
hlut að málinu, þá hafði hún
ekki brotið nein lög.
Hún hafði þó brotið gegn
góðu siðferði og bæði eigin-
maður hennar og dóttir fóru
frá henni og slitu á öll sam-
skipti.
Þetta mál sýnir skýrt
hversu varasöm samskipti í
skjóli nafnleyndar á netinu
geta verið. Hefði Mary ekki
villt á sér heimildir þá væri
Brian líklega enn á lífi, en
í harmleiknum var það að-
eins Brian sem kom hreint
og beint fram, og það kostaði
hann lífið. n
SAKAMÁL HÁVAXIN, HEIT LJÓSKA
Internetið getur verið dásamlegur staður og getur auðveldað okkur að
kynnast nýju fólki, enda hefur heimurinn aldrei áður verið jafn tengdur
og hann er í dag. Það þarf þó að ganga hægt um hinar stafrænu dyr. Þú
veist nefnilega aldrei með vissu hver er hinum megin á ADSL-línunni.
Draumaprinsinn Tommy reyndist vera 46 ára verksmiðjustarfsmaðurinn Tom. MYND/SKJÁSKOT
MYND/THOMAS MONTGOMERY
BLEKKING
Myndin af
hinum „18
ára” Tommy
var í raun
e l d g ö m u l
mynd.
FÓKUS 27DV 19. MARS 2021