Dagblaðið Vísir - DV - 01.04.2021, Side 2

Tenerife verður Hveragerði verður Verahvergi
A ð þreyja þorrann. Það er það sem við erum öll að gera þessa dagana.
Við erum að harka af okkur,
halda að okkur höndum og bíða
betri tíma. Bara aðeins lengur
kæra þjóð, segja yfirvöldin.
Þetta tekur enda. Þetta fer að
verða búið. Bara smá eftir. Við
erum öll barnið á leið í Tívolíið
í Hveragerði sem er „rétt hjá“.
Það er ekki fokking rétt hjá!
Svarthöfði telur þó mikil-
vægt að við leyfum okkur
að sjá og viðurkenna hvað
við höfum misst, hverju við
höfum glatað og hverju við
höfum fórnað á altari farald-
ursins. Fyrir okkur sem eldri
erum þá er rétt rúmt ár ekki
svo langur tími í stóra sam-
henginu. Aðeins fleiri grá hár,
nokkrar fleiri hrukkur í safnið
og enn eitt afmælið. Ekki svo
mikið mál. Þetta reddast, venst
og allt það heila stef.
Svo er það unga fólkið, ung-
mennin og börnin. Þau hafa
aðra sögu að segja. Frá því að
Svarthöfði man eftir sér pre-
dikuðu foreldrar hans yfir
honum að muna að njóta þess
að vera unglingur, njóta þess
að vera í framhaldsskóla því
það væru bestu ár lífs hans og
hann fengi þau aldrei til baka.
Þeir framhaldsskólanemar
sem hófu skólagöngu sína
haustið 2019 eru nú á þriðju
önninni þar sem þeir eru með
litla sem enga viðveru í skól-
anum og félagslífið heldur fá-
tæklegt. Þrjár annir er nú bara
helmingurinn af framhalds-
skólagöngunni. Helmingurinn
af því sem þeim hefur mörgum
verið sagt að hefðu átt að vera
bestu ár lífs þeirra. Það er ansi
þung fórn.
Svo eru það fermingar-
börnin sem áttu að fermast
í fyrra og eru að horfa fram
á að þessum stóra degi verði
aftur frestað í ár. Nauðsyn-
legt í þessu ástandi en alveg
þess virði að við stöldrum við
og sýnum vonbrigðum ferm-
ingarbarna skilning.
Útskriftarferðir sem aldr-
ei urðu, brúðkaupsferðir
sem aldrei urðu, stórafmæli
sem ekki var hægt að fagna,
jarðarfarir þar sem færri
komust að en vildu, ástvinir
sem ekki mátti heimsækja í
banalegunni, börn sem fengu
ekki að halda upp á árshátíðir,
afmæli, skírnir, útskriftir
og þar fram eftir götum.
Og fokking Tene! Hvað með
páskaferðina til Tenerife?
Þegar ljóst var að fjölskyldan
færi ekki þangað var bókað
herbergi á Hótel Örk. Sund-
laug og biljarð í kjallaranum.
Pylsa og sögur af Tívolíinu.
Nú er sú ferð líka afbókuð.
Svarthöfði er lagstur í dimm-
an dal. Hvernig kemst ég til
Verahvergi?
Við erum öll að gera okkar
besta og við erum að þreyja
þorrann þótt það sé erfitt og
hundfúlt. En við þurfum ekki
að bera harm okkar í hljóði
og harka af okkur erfiðið. Við
megum vera vonsvikin, fúl og
langþreytt.
Það virðist stundum sem
við gleymum því að sýna
samkennd og umburðarlyndi.
Einhver barmar sér yfir því
á samfélagsmiðli að þetta sé
hundfúlt og fær yfir sig hol-
skeflu af athugasemdum þar
sem viðkomandi er nánast
kennt um COVID faraldur-
inn eins og hann leggur sig.
Svarthöfði sendir öllum þeim
sem hugsa svona skammir í
hattinn og segir fokk. n
SVART HÖFÐI
Aðalnúmer: 550 5060
Auglýsingar: 550 5070
Ritstjórn: 550 5070
FRÉTTA SKOT
550 5070
abending@dv.is
Pressukarlarnir
É
g rakst á áhugaverða umræðu um karl-
menn sem pressa á konur til þess að
stunda kynlíf. Ég tala hér um konur og
karlmenn en auðvitað getur þetta átt
við um öll kyn á alla kanta.
Þetta hefur löngum verið gruggugt
svæði og það kannast örugglega of margir við að hafa
átt samneyti sem skilur eftir sig óþægilegar tilfinn-
ingar og tómleika á þann hátt sem erfitt er að orða.
Eins og þú hafir vitað allan tímann að þú og við-
komandi vilduð sitt hvorn hlutinn, en hann pressaði
svo mikið og jafnvel við aðstæður sem voru erfiðar
og hugsanlega var áfengi haft um hönd.
Kvöldið líður og síðar meir virðist einhvern veginn
auðveldara að láta undan og mögulega er þetta það
sem þú vilt? Þetta hljómar kannski skringilega en ein-
hvern veginn verða þessar aðstæður til og trúðu mér,
Pressukarlinn veit hvað hann er að gera. Hann er að
gera það sem hann gerir best. Pressa og bíða
færis.
Af hverju í fjandanum sækjast menn
– og almennt fólk – eftir uppgjafarkyn-
lífi sem svo augljóslega er að fara að
skilja eftir sig vondar tilfinningar?
Þegar Pressukarlarnir komu til
tals hjá okkur vinkonunum kveiktu
flestar strax og voru jafnvel nefnd
nöfn á þekktum Pressukörlum. Ég
veit í raun ekki af hverju ég hafði
aldrei kveikt á þessu áður. Ég
skildi aðstæðurnar og tilfinn-
inguna sem þær lýstu en gat á
einhvern hátt ekki orðað það
fyrr.
Einn helsti Pressukarlinn
stundaði það til dæmis að
láta eins og hann ætlaði að
heilsa konum á skemmti-
stað með því að kyssa
þær á vangann, en náði
á einhvern undraverðan
hátt að enda í slímugum
sleik við grunlausa konuna, sem
hélt að hún væri að heilsa honum
snyrtilega en missti alla stjórn á
aðstæðum og það innan um fullt
af fólki.
Þetta er eitt dæmi um hvernig hann byrjar og
vinnur svo í sektarkenndinni og ónotunum sem hann
hefur komið af stað. Á einhvern ruglaðan hátt getur
Pressukarlinn búið til aðstæður þar sem konan er
farin að upplifa að hún skuldi honum eitthvað.
Pressukarlinn tekur ekki mark á stuttum svörum
og skilaboðum um að hann sé ekki að gera gott
mót og þykist ekki ná þeim. Þykist ekki skilja að
kurteisis legar tilfærslur undan nálægð eru ekki
tilviljun. Hann bíður færis. Stundum hittir hann á
augnablik þar sem hann sér að varnargarðar konunn-
ar liggja niðri af einhverjum ástæðum og þá er rétti
tíminn til að brosa breitt – og pressa.
Þegar manneskja færir hönd af rassinum á sér er
það ekki leikur. Það þýðir ekki að Pressukarlinn eigi
að reyna að koma henni í stuð eða ná henni þegar hún
er ekki á varðbergi.
Pressukarlinn er ofbeldismaður. Hann er ekki að
misskilja. Hann skilur mjög vel. n
UPPÁHALDS
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Þorbjörg Marinósdóttir, tobba@dv.is
AÐSTOÐARRITSTJÓRI: Erla Hlynsdóttir, erlahlyns@dv.is FRÉTTASTJÓRI: Ágúst Borgþór Sverrisson, agustb@dv.is AUGLÝSINGAUMSJÓN: Hrafn Norðdahl, hrafn@dv.is
PRENTUN: Torg prentfélag DREIFING: Póstdreifing. DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð. Notkun á efni blaðsins er óheimil án samþykkis. DV, Kalkofnsvegi 2, 101 Reykjavík Sími: 550 7000.
MYND/GETTY
Sjónvarpskonan Eva Laufey
Kjaran deilir hér sínum
uppáhaldssjónvarpsþáttum
fyrir þá sem ætla að bregða
sér í sófann í páskafríinu.
1 The Office
Þessir þættir eru einstaklega
skemmtilegir og ég get horft
aftur og aftur, vel skrif-
aðar persónur og kaldhæðni
saman í eitt. Fæ ekki nóg!
2 Succession
Ég sit límd við þessa þætti og
þeir halda manni frá fyrstu
mínútu. Plott og valdabarátta
innan fjölskyldunnar.
3 The Crown
Stórkostlegir þættir sem allir
ættu að sjá!
4 Masterchef
Ég elska mat og keppni,
þessir eru klassískir og alltaf
góðir. Bæði fullorðins- og
barnaútgáfan.
5 The Good Wife
Ég hef mjög gaman af lög-
fræðiþáttum, Suits eru líka
fínir en hún Alicia mín ber af.
SJÓNVARPSÞÆTTIR
2 LEIÐARI 1. APRÍL 2021 DV