Rit Mógilsár - jun. 2002, Qupperneq 11

11
5 NIÐURSTÖÐUR
Niðurstöður eru birtar á myndrænan hátt með punkta- og ferilritum og
í töflum. Fjallað er um hverja tegund fyrir sig og í lokin eru
upplýsingar um þær dregnar saman. Teiknaðir eru á gröfin
meðalgildisferlar fyrir breytingar á yfirhæð og rúmmáli/ha með
hækkandi aldri. Hafa verður í huga að fylgnistuðlar (r2) þeirra eru afar
breytilegir og í sumum tilvikum mjög lágir. Ferlarnir eru því aðeins
birtir til stuðnings en ekki sem niðurstaða mælinga fyrir
landsfjórðunginn.
Gerð er grein fyrir hvort mælingar voru gerðar í görðum, skjólbeltum
eða skógarreitum. Mælifletirnir eru einnig flokkaðir eftir stærð. Eins
og áður hefur verið getið voru einnig gerðar mælingar á stökum trjám
án þess að mæla flatarmál. Þeim mælingum eru gerð skil undir
flokknum “Stök tré”. Fjöldi trjáa í hverri slíkri mælingu var afar
misjafn, frá 1 tré til 30 trjáa.

Eftirfarandi skal haft í huga: Þessar niðurstöður eru ekki endanlegar
og geta breyst töluvert við nánari skoðun og úrvinnslu.