Hinsegin dagar í Reykjavík - ágú. 2016, Blaðsíða 49

RAGNAR ÓLASON

Hvenær og hvers vegna gerðist
þú fyrst sjálfboðaliði hjá
Hinsegin dögum?
Árið 2004 þegar Hulda Jóna sem
sá um fánaborgina í göngunni bað
mig um að bera með sér borða í
göngunni. Árið eftir var Hulda Jóna
flutt til útlanda og ég tók að mér
fánaborgina og hef gert það síðan.

Við hvaða verkefni hefurðu
unnið?
Ég hef séð um fánana fremst í
göngunni sem felst í því að fá
fólk til að bera þá, passa upp á
gönguhraða göngunnar, einnig
að flagga við opnunarhátíðina.
Hef líka séð um fánaborgir og
öryggisgrindur við sviðið við
Arnarhól.

Hver er uppáhaldsminningin þín
frá Hinsegin dögum?
Þegar gengið var niður
Laugaveginn í gegnum allt
mannhafið sem var alveg upp að
mér. Hefur alltaf fyllt mig gleði
og stolti að sjá fólk fjölmenna í
miðbæinn til að horfa og taka þátt,
allir brosandi og glaðir.
SJÁLFBOÐALIÐAR
Hinsegin dagar í Reykjavík þakka
Samtökunum ‘78 fyrir ómetanlegt starf í
þágu mannréttinda hinsegin fólks á Íslandi
síðastliðna áratugi.
49