Fréttablaðið - 22.05.2021, Blaðsíða 88

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
n Bakþankar
Saga Alþingis er samofin þjóðar-
sögunni. Bestu synir og dætur
þjóðarinnar hafa setið í steinhúsinu
við Austurvöll og vélað um örlög og
afkomu fólksins í landinu.
Marga dreymir um að komast
á þing enda um þægilega inni-
vinnu að ræða. Góð laun og ágæt frí
einkenna þingmennskuna. Þegar
pólitískum ferli lýkur fá margir
sendiherrastöðu í sárabætur.
Um þessar mundir raða flokk-
arnir á lista sína vegna komandi
kosninga. Mig hefur alltaf dreymt
um að komast á þing. Ég fór í fram-
boð fyrir Alþýðuflokkinn sáluga
árið 1987 en komst ekki einu sinni í
fordyri þinghússins.
Í yfirstandandi uppstillingum og
prófkjörum er enginn áhugi fyrir
hressum ellilífeyrisþega. Sam-
fylking og VG leggja mesta áherslu
á framboð menntaðra og skeleggra
kvenna á góðum aldri. Einungis.
mjúkir karlmenn með hreint saka-
vottorð í ástamálum eiga mögu-
leika á sæti. Sjálfstæðisflokkur og
Framsókn leita bara eftir frambjóð-
endum meðal innmúraðra flokks-
manna. Sósíalistar eru eins manns
flokkur sem stendur og fellur með
facebook-færslum foringjans.
Flokkur fólksins stjórnast af tárum
formannsins. Framboðsmál Við-
reisnar eru jafn óljós og stefnuskrá
flokksins. Eini flokkurinn sem gerir
rúmlega miðaldra karlmönnum
hátt undir höfði er Miðflokkurinn.
Uppstillt mynd af þingflokknum
minnir á svartklæddan karlakór
með einum kvenpíanista. Öll þing-
sætin eru því frátekin fyrir löngu.
Ellilífeyrisþegi með þingmann í
maganum á enga möguleika. Hver
kýs roskinn mann sem lifir og
hrærist í heimi Sturlungu og kann
ekki að handleika golfkylfu?
Egil afa minn Skallagrímsson
langaði á þing í ellinni en komst
ekki frekar en ég. Dularfull öfl gera
það að verkum að vonir og þrár
okkar afa verða aldrei að raunveru-
leika. n
Þingdraumar
EUROVISION-tilboð!
Tilboðið gildir til
mánudagsins 24. maí
Verslun opin 11-20 – IKEA.is – Veitingasvið opið 10:30-20
©
Inter IKEA System
s B.V. 2021
GRILLTIDER
grillpensill 645,-
+
+
TILBOÐ
SUMARFRÍ
20 kr.
4 VIKUR
AFSLÁTTUR
Skráðu þig á orkan.is