Fréttablaðið - 27.05.2021, Blaðsíða 39

stod2.is
Andrými er yfirskrift sýn­
ingar í sýningarýminu Glettu
í Hafnarhúsinu á Borgarfirði
eystri. Þar sýna Anna Hallin,
Inga Þórey Jóhannsdóttir,
Kristín Reynisdóttir og Olga
Bergmann verk sín.
Andrými er önnur sýningin í
þriggja sýninga röðinni Super­
structure, sem ´uns skipuleggur á
Borgarfirði eystri. Guðrún Benón­
ýsdóttir, sýningarstjóri sýningar­
innar, er eigandi ´uns, sem byrjaði
sem bókverka útgáfa en í framhaldi
fór hún að þróa sýningarstefnu og
hefur skipulagt sýningar á ýmsum
stöðum, þar á meðal í Berlín þar
sem hún hefur búið og starfað sem
myndlistarmaður. „Þetta verkefni
mitt er á sífelldri hreyfingu og hefur
núna fundið sér stað á Borgarfirði
eystri og þar sem ég bý á meðan
sýningarnar standa yfir,“ segir hún.
Skúlptúr sem hugmynd
Fyrsta sýningin í Superstructure­
röðinni var Endaleysa, samsýning
listamannanna Elísabetar Bryn­
hildardóttur, Eyglóar Harðardótt­
ur og Guðrúnar Benónýsdóttur.
Seinasta sýningin í röðinni verður í
lok júlí, en þá sýna þau Geirþrúður
Finnbogadóttir Hjörvar og Esteban
Rivera.
Listamennirnir fjórir sem eiga
verk á sýningunni Andrými unnu
þau sérstaklega fyrir sýningarýmið.
Á sýningunni er að sjá skúlptúra og
teikningar.
„Sýningarstaðurinn, Hafnar­
húsið, er skúlptúr í sjálfu sér, mjög
nútímaleg, steinsteypt bygging
staðsett í fallegu sveitaumhverfi
og hefur verið tilnefnt til arki­
tektúrverðlauna,“ segir Guðrún.
„Þar má segja að form, ljós og efni
móti heildrænan strúktúr. Áhersla
þessarar sýningar er að skoða skúlp­
túrinn sem hugmynd um rými sem
geta verið bæði efniskennd eða
flöktandi, jafnvel andleg.“
Heimili og flug
Verk Ingu Þóreyjar Jóhannsdóttur,
Út fyrir efnið, er unnið út frá hug­
myndum um heimilið og þau efni
Form, ljós og efni
Hér sjást verk eftir Önnu Hallin, Ingu Þóreyju Jóhannsdóttur og Olgu Bergmann. MYND/AÐSEND
Verk Kristínar
Reynisdóttur er
samsetning sjö
hringforma.
Kolbrún
Bergþórsdóttir
kolbrunb
@frettabladid.is
kolbrunb@frettabladid.is
Óperetta valsakóngsins Johanns
Strauss, Nótt í Feneyjum, er verk­
efni óperudeildar Söngskóla Sig­
urðar Demetz í ár. Leiðbeinandi og
leikstjóri deildarinnar er Þorsteinn
Bachmann. Óperettan verður sýnd
tvisvar í Vonarsal SÁÁ, sunnu­
daginn 30. maí, klukkan 17.00 og
klukkan 19.30.
Verkið hefur verið aðlagað nútím­
anum og tekið er mið af þörfum
nemendanna. Leikurinn gerist nótt
eina í Feneyjum þar sem haldinn er
mikill grímudansleikur langt fram á
nótt. Allt gengur kaupum og sölum
og meira að segja ástin og helgustu
tilfinningar manna og kvenna virð­
ast falar fyrir rétta upphæð.
Antonía Hevesi er tónlistarstjóri
deildarinnar í vetur og leikur með
söngvurunum á píanóið á sýning­
unum næsta sunnudag. Hrafnhildur
Eva Guðmundsdóttir leiðbeinir í
dansatriðum og sviðshreyfingum.
Verkefnastjórn var í höndum skóla­
stjóra Söngskóla Sigurðar Demetz,
Gunnars Guðbjörnssonar. Miða­
pantanir fást með því að senda póst
á netfangið gunnar@songskoli.is. n
Nótt í Feneyjum
Óperudeild Söngskóla Sigurðar
Demetz flytur Nótt í Feneyjum.
kolbrunb@frettabladid.is
Stórsveit Reykjavíkur heldur tón­
leika í Flóa, Hörpu, á morgun, föstu­
daginn 28. maí, klukkan 20. Um er
að ræða árlega tónleika undir yfir­
skriftinni Ný íslensk tónlist. Níu
verk verða frumflutt. Höfundar í ár
eru: Ari Bragi Kárason, Elvar Bragi
Kristjónsson, Guðmundur Péturs­
son, Hafdís Bjarnadóttir, Kjartan
Valdemarsson, Samúel J. Samú­
elsson, Stefán S. Stefánsson, Úlfar
Ingi Haraldsson og Úlfur Eldjárn.
Samúel J. Samúelsson stjórnar. n
Ný íslensk tónlist
sem mikilvægt er að taka með sér
þegar flutt er á nýjan stað. Í skúlptúr
hennar sameinast frumefnin í formi
framandi borðspils á meðan þula
les breytingar á leikreglum aftur
og aftur í vídeói og hljóðverki. Loft­
myndir, verk Önnu Hallin, er röð
blekteikninga sem sækja innblástur
í loftmyndir af f lugmannvirkjum
og hinum ýmsu tengingum á milli
þeirra. Hún veltir fyrir sér brottflugi
og aðflugi í loftrýminu og vegakerf­
inu sem mótað er í svörðinn.
Olga Bergmann sýnir samsettan
skúlptúr úr einingum sem eru
unnar úr fundnu efni, aðallega trjá­
bolum sem hún hefur hirt í görðum
þar sem tré hafa verið felld, eða
fundið á haugunum eftir að trjánum
hefur verið fleygt. Verkið, sem nefn­
ist Paradox, fjallar um þá þversögn
sem felst í manngerðri náttúru og
skoðar skynjun okkar og skilning á
náttúrunni og hvernig sú upplifun
er klippt og skorin.
Verk Kristínar Reynisdóttur
Endurvarp er samsetning sjö hring­
forma sem mynda súlu. Hringurinn,
hin endalausa lína, mótar rými þar
sem efnið endurvarpar umhverfinu
til áhorfandans. Hugmyndin er frá
upplifun listamannsins frá göngu
sólríkan sumardag sumarið 2020
að Dyrfjöllum.
Sýningin stendur til 24. júní og
er opin alla daga vikunnar á milli
klukkan 12.00 og 16.00. n
Menning 23FIMMTUDAGUR 27. maí 2021