Bændablaðið - 12.05.2021, Qupperneq 15

Bændablaðið | Miðvikudagur 12. maí 2021 15
KLETTUR / SALA OG ÞJÓNUSTA / KLETTAGARÐAR 8-10
104 REYKJAVÍK / 590 5100 / klettur.is
LOFTPRESSUR
Í HÆSTA GÆÐAFLOKKI
Gerðu kröfur - hafðu samband við Gunnar
í síma 590 5135 og kynntu þér þína möguleika.
Við bjóðum upp á allar stærðir
og gerðir af Ingersoll Rand loftpressum.
Mjög hjóðlátar og einfaldar í viðhaldi.
Bjóðum upp á þjónustusamninga og leggjum mikla áherslu
á að veita góða viðgerðar- og varahlutaþjónustu.
Gedduhöfði á Grímstunguheiði:
Reisa nýjan 500 fermetra
gangnamannaskála
Nýr gangnamannaskáli verð-
ur reistur við Gedduhöfða á
Grímstunguheiði. Hann verður
allt að 500 fermetrar að stærð og
með gistiplássi fyrir 60 manns. Við
hann verður 300 fermetra stórt
hesthús og aðrar byggingar um
200 fermetrar að stærð.
Skálanum er ætlað að þjóna
gangnamönnum en gæti einnig nýst
öðrum, svo sem ferðamönnum. Sagt
er frá áformum um byggingu skálans
á vefsíðu Húnavatnshrepps.
Fram kemur í greinargerð
vegna verkefnisins að nýi skálinn
muni leysa tvo eldri af hólmi,
Öldumóðuskála og Álkuskála. Þeir
hafa verið í notkun í áratugi og eru
mjög illa farnir. Þeir verða lagðir
niður í kjölfarið.
Tengist vegakerfi
og reiðleiðum vel
Markmið aðalskipulagsbreytingar­
innar er að bæta aðstöðu og nýtingu
svæðisins en nýr gagnamannaskáli
þjónar gangnamönnum en gæti
nýst breiðari hópi svo sem ferða­
mönnum, eins og fram kemur í
greinargerðinni. Þar kemur enn
fremur fram að skálinn tengist
vel við núverandi vegakerfi og
reiðleiðum og staðsetningin sé
góð sé tekið tillit til annarra
skálasvæða. Húnavatnshreppur
og Sveitarfélagið Skagafjörður
eiga tvo gangnamannaskála
skammt frá, Galtarárskála og
Ströngukvíslarskála sem mikið eru
notaðir vegna hestaferða.
Um 500 manns gista
í skálanum á ári
Ekki er mikil umferð ferðamanna
um Grímstunguheiði um þessar
mundir og segir í greinargerðinni
að ný skálabygging sé fyrst og
fremst hugsuð til þess að koma
í stað gömlu skálanna tveggja.
Áætlaður heildarfjöldi þeirra sem
gista í skálanum yfir árið er undir
500 manns.
Breyta þarf aðalskipulagi
Húnavatnshrepps vegna þessa
verkefnis og hefur sú breyting
þegar verið auglýst. Hægt er að gera
athugasemdir við skipulagið fram til
4. júní næstkomandi. Tillögur liggja
frammi á skrifstofu Húnavatnshrepps
á Húnavöllum og á skrifstofu
skipulagsfulltrúa á Blönduósi.
/MÞÞ
Íslenska nýsköpunarfyrirtækið Algalíf framleiðir astaxanthín úr örþörungum:
Fær Alþjóðlegu líftækniverðlaunin 2021
Íslenska nýsköpunarfyrirtækið
Algalíf hlýtur Alþjóðlegu
líftækniverðlaunin 2021 sem
besti framleiðandi á afurðum úr
náttúrulegu astaxanthíni.
Verðlaunin eru veitt árlega í
nokkrum mismunandi flokkum af
fagtímaritinu Global Health and
Pharma. Algalíf er fyrsta íslenska
fyrirtækið til að vinna þau. Þetta
er í sjötta sinn sem Alþjóðlegu
líftækniverðlaunin eru veitt.
Algalíf framleiðir astaxanthín
úr örþörungum sem ræktaðir eru í
starfsstöð fyrirtækisins í Reykjanesbæ.
Algalíf er langstærsta örþör­
ungafyrirtæki á Íslandi og í fararbroddi
í Evrópu. Það hefur getið sér gott orð
á alþjóðavettvangi fyrir sjálfbærni,
gæði og afhendingaröryggi.
„Starfsemin hefur gengið mjög vel
að undanförnu og það er afskaplega
ánægjulegt að fá viðurkenningu í
formi þessara virtu verðlauna,“ segir
Orri Björnsson, forstjóri Algalífs, í
tilkynningu frá fyrirtækinu af þessu
tilefni.
Í lok síðasta árs var tilkynnt um
fyrirhugaða fjögurra milljarða króna
stækkun fyrirtækisins. Sérhæft
og vel menntað starfsfólk heldur
framleiðslukostnaði Algalífs í
skefjum með nýsköpun og nýtingu
hátæknilausna á öllum stigum. „Þessi
verðlaun eru fyrst og fremst rós í
hnappagatið fyrir starfsfólk Algalífs,“
segir Orri Björnsson forstjóri.
Nýlega kynnti Algalíf metnaðar­
fulla umhverfisstefnu, en öll fram­
leiðslan fer fram í stýrðu hátæknium­
hverfi innanhúss. „Það hjálpar okkur
mikið í markaðssetningu erlendis að
vera í fararbroddi í umhverfismálum
á alþjóðavísu,“ segir Orri Björnsson
forstjóri. /MÞÞ