Víkurfréttir - 13.01.2021, Blaðsíða 2

HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS

FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
„Þið megið þá bara eiga hann.
Þetta er ykkar bæjarstjóri“
– sagði Margrét Sanders, oddviti Sjálfstæðisflokksins á bæjarstjórnarfundi í Reykjanesbæ.
Margrétarnar í bæjarstjórn ósáttar og fóru mikinn.
„Ég sagðist styðja Kjartan Má Kjartansson sem bæjarstjóra á sínum tíma.
Við studdum ráðningu hans, að hann yrði ráðinn yrði ópólitískur bæjarstjóri
og yrði hafinn yfir pólitískt karp sem framkvæmdastjóri okkar allra. Núna
er ég gersamlega miður mín yfir því að hafa verið höfð að fífli. Nú er hann
búinn að setja sig í gír með meirihlutanum en þið megið þá bara eiga hann.
Þetta er ykkar bæjarstjóri,“ sagði Margrét Sanders, oddviti Sjálfstæðis-
flokksins í Bæjarstjórn Reykjanesbæjar, á bæjarstjórnarfundi 5. janúar.
Þar gagnrýndi hún ummæli bæjar-
stjórans í Facebook-færslu á gaml-
ársdag og sagðist taka undir gagn-
rýni Margrétar Þórarinsdóttur,
bæjarfulltrúa Miðflokkins, á bæjar-
stjóra en hann svaraði spurningum
hennar á bæjarráðsfundi fyrr í
desember með því að senda henni
spurningar um hvernig hún teldi
rétt að forgangsraða í frekari hag-
ræðingum. Í færslu bæjarstjóra á
gamlársdag sem fylgdi með deilingu
fréttar af Víkurfréttum um umræður
frá bæjarstjórnarfundi við afgreiðslu
fjárhagsáætlunar 2021 sagði hann
að minnihlutinn hafi ekki komið
með neinar tillögur til hagræðingar.
Minnihlutinn sagði í þessum um-
ræðum á bæjarstjórnarfundinum
um fjárhagsáætlun að aðhald væri
ekki nógu mikið og um það var
fjallað í þessari frétt. Þessi ummæli
féllu í grýttan jarðveg hjá Margréti
Sanders og Margréti Þórarinsdóttur
sem sögðu þetta ekki rétt og svöruðu
þær bæjarstjóra á Facebook. Þær
fylgdu því eftir á bæjarstjórnarfundi
5. janúar 2021 og voru vægast sagt
ósáttar.
Á bæjarstjórnarfundi 5. janúar
sögðust sjálfstæðismenn ætla að
hafa sem flestar tillögur skrifaðar í
framtíðinni. Ekki þýddi að ræða neitt
við meirihlutann nema að það kæmi
fram skriflegt. Sjálfstæðismenn báru
upp nokkrar tillögur á fundinum,
m.a. um að leggja niður Framtíðar-
nefnd og að fresta ritun sögu Kefla-
víkur um eitt ár. Þær voru studdar af
minnihlutanum en felldar af meiri-
hlutanum. Fréttir um þessar tillögur
má sjá hér til hliðar.
Minnihlutinn vill leggja
niður framtíðarnefnd
Bæjarfulltrúar Sjálfstæðisflokksins lögðu fram tillögu á bæjarstjórnar-
fundi 5. janúar að framtíðarnefnd Reykjanesbæjar verði lögð niður.
„Þessari hugmynd hefur verið haldið á lofti allt frá því að þær skipu-
lagsbreytingar sem meirihlutinn stóð fyrir voru kynntar. Einnig var það
kynnt í ræðum undirritaðra bæjarfulltrúa við undirbúning fjárhagsá-
ætlunar. Með þessari bókun viljum við fylgja eftir okkar margræddu
tillögu með formlegum hætti,“ segir í bókun bæjarfulltrúa Sjálfstæðis-
flokksins á fundi bæjarstjórnar.
Tillagan var felld með sex atkvæðum Samfylkingar, Framsóknar-
flokks og Beinnar leiðar gegn fimm atkvæðum Sjálfstæðisflokks, Frjáls
afls og Miðflokks.
Framtíðarnefndin ásamt lýðheilsuráði er hluti af málefnasamningi
meirihlutans sem gerður var eftir síðustu bæjarstjórnarkosningar. Báðar
nefndir hafa starfað síðan þá og haldið fjölda funda.
Vilja fresta ritun sögu Keflavíkur
Bæjarfulltrúar Sjálfstæðisflokksins í Reykjanesbæ lögðu fram tillögu
á fundi bæjarstjórnar 5. janúar að ritun sögu Keflavíkur verði slegið á
frest um eitt ár. Tillagan hlaut ekki brautargengi og var hún felld með
sex atkvæðum Samfylkingar, Framsóknarflokks og Beinnar leiðar
gegn fimm atkvæðum Sjálfstæðisflokks, Frjáls afls og Miðflokks.
Í bókun með tillögunni segir:
„Á fundi bæjarráðs þann 10. desember voru lagðar fram nokkrar við-
bætur við fjárhagsáætlun og þar á meðal var framlag í umrætt verkefni.
Fulltrúar minnihlutans ræddu þann möguleika að fresta ritverkinu og
fékk það ekki hljómgrunn meirihlutans. Þar sem meirihlutinn í Reykja-
nesbæ og nú síðast hinn ópólitíski bæjarstjóri hafa fullyrt það í ræðu
og riti að engar hagræðingartillögur hafi borist frá minnihlutanum í
fjárhagsáætlanagerðinni er tillaga um að fresta ritun sögu Keflavíkur
nú lögð fram.“
Í máli bæjarstjóra á fundinum kom fram að búið væri að ráða ritstjóra
í verkið og setja fram tímaáætlun. Bæjarstjórn samþykkti á 25 ára af-
mælisfundi hennar 2019 að fara í ritun sögu Keflavíkur.
Ragnheiður Elín ráðin fram-
kvæmdastjóri Alor ehf.
Ragnheiður Elín Árnadóttir, fyrrum
iðnaðar- og viðskiptaráðherra,
hefur verið ráðin framkvæmda-
stjóri nýsköpunarfyrirtækisins
Alor ehf.
Fyrirtækið var stofnað á síðasta ári
og vinnur að því að þróa og framleiða
umhverfisvænar raforkugeymslur
úr áli sem nýttar verða til þess að
safna og geyma umfram framleidda
raforku og stuðla að betri nýtingu
hennar. Hagnýtingarmöguleikar raf-
orkugeymslna úr áli eru fjölmargir
og má þar nefna; að stuðla að sam-
drætti losunar koltvísýrings í sjávar-
útvegi, landbúnaði og iðnaði auk
þess að tryggja raforku á afskekktum
svæðum og á hamfarasvæðum.
„Framundan hjá Alor eru spenn-
andi tímar við uppbyggingu fé-
lagsins. Það er mikill fengur að hafa
fengið Ragnheiði Elínu til liðs við
okkur enda býr hún yfir dýrmætri
reynslu og þekkingu sem mun nýtast
vel í verkefnum félagsins,“ segir Val-
geir Þorvaldsson, stjórnarformaður
og einn stofnenda Alor.
Fyrirtækið er nú þegar í sam-
starfi við Háskóla Íslands og Albu-
fera Energy Storage á Spáni sem
er leiðandi í þróun á álrafhlöðum í
Evrópu. Þessu til viðbótar er unnið
að samstarfssamningum við fleiri
aðila bæði hér á landi og erlendis.
Ragnheiður Elín telur framtíðar-
möguleikana mikla og hlakkar til að
takast á við þau verkefni sem bíða
hennar:
„Það er brýnna en nokkru sinni
fyrr að finna lausnir til þess að
draga megi úr losun gróðurhúsa-
lofttegunda og þannig stuðla að
því að markmið Parísarsamkomu-
lagsins náist, sem og Heimsmarkmið
Sameinuðu þjóðanna. Ísland hefur
tækifæri til þess að verða leiðandi
í baráttunni við loftslagsvandann
og skapa sér enn frekari sérstöðu
á þessu sviði. Með nýjum lausnum
má m.a. hraða brýnum orkuskiptum
skipaflotans og rafvæðingu hafna.
Alor ehf. gegnir þarna lykilhlutverki
og er ég full eftirvæntingar að leiða
félagið.“
Valgeir
Þorvaldsson
stjórnarformaður
og einn stofnenda
Alor býður
Ragnheiði Elínu
velkomna.
á timarit.is
ÖLL BLÖÐIN FRÁ 1980 OG TIL DAGSINS Í DAG
2 // vÍkurFrÉttir á SuðurnESjuM Í 40 ár