Víkurfréttir - 13.01.2021, Blaðsíða 17

Vetrarvertíðin hafin
Þá er vetrarvertíðin 2021 hafin og þó nokkur fjöldi af bátum hefur verið við veiðar utan við
Sandgerði og líka nokkrir utan við Grindavík.
Stóru línubátarnir í Grindavík hafa
verið að koma til Grindavíkur með
afla og er það ánægjulegt að vita að
bátarnir landi í sinni heimahöfn. Páll
Jónsson GK kom t.d. með 130 tonn
í land til Grindavíkur sem fékkst í
fjórar lagnir. Það eru um 168 þúsund
krókar og ef það er reiknað niður í
bala. Þann mælikvarða nota ég við
alla línubáta til þess að sjá saman-
burð á milli báta en margir eru að
veiða með balalínu og best að reikna
alla í bala.
Miðað við 420 króka í bala þá eru
þetta 400 balar og það gerir 325 kíló
á bala, og það er nú ansi góð veiði.
Páll Jónsson GK var við veiðar fyrir
vestan. Hrafn GK kom til Grinda-
víkur með 33 tonn en hann var við
veiðar utan við Grindavík.
Trollbátarnir hafa ekki landað
í heimahöfn, Sturla GK og Pálína
Þórunn GK komu báðir með um
38 tonn til Ísafjarðar, og í næsta túr
þá kom Pálína Þórunn GK til Sand-
gerðis með afla.
Langanes GK og Grímsnes GK
eru áfram á ufsaveiðum við Suður-
ströndina og hefur Grímsnes GK
landað 9,7 tonnum í einni löndun og
Langanes GK 33 tonn í tveimur, þar
af 18,4 tonnum í einni.
Nokkuð margir netabátar eru á
veiðum frá Sandgerði en þeir eru
núna sjö bátarnir og á eftir að bætast
í þann hóp. Erling KE er kominn
með 39 tonn í sex og mest 10,3
tonn, Maron GK 12,9 tonn í fjórum,
Halldór Afi GK 4,1 tonn í tveimur og
Sunna Líf GK 3,1 tonn í einni. Hinir
bátarnir eru Hraunsvík GK sem
byrjaði í Grindavík og kom þangað
með 636 kíló í einni löndun, síðan
færði báturinn sig til Sandgerðis,
Guðrún GK sem kom með 3,5 tonn í
einni löndun í fjórar trossur og Birna
GK sem var í sinum fyrsta róðri á
netum, kom báturinn með eitt tonn
í þrjár trossur.
Sá bátur er með nokkuð merkilega
sögu og þá aðallega út af nafninu
sem var á bátnum, því báturinn hét
áður Íslandsbersi HF og var með því
nafni í um 24 ár.
Íslandsbersi á nefnilega tengingu
við Keflavíkurhöfn en hvaðan kemur
þetta nafn Íslandsbersi? Jú, Íslands-
bersi var viðurnefni sem að Óskar
Halldórsson hafði á sínum tíma.
Óskar Halldórsson var útgerðar-
maður og mikill framkvæmdamaður.
Óskar fæddist árið 1893 og dó árið
1953. Hann kom til Siglufjarðar árið
1917 og hóf þar að bræða síld, byrjaði
síðan árið 1919 að salta síld í miklu
magni á Siglufirði. Hann var einn
aðalhvatamaðurinn af því að stofna
Síldarverksmiðjur Ríkisins en þær
verksmiðjur voru með bræðslur víða
um landið, t.d á Siglufirði, Reyðar-
firði og Raufarhöfn.
Óskar var mjög stórhuga og gerði
sér lítið fyrir og keypti fjórtán risa-
stór steinker sem höfðu verið notuð
við innrásina í Normandí í júní árið
1944.
Höfnin í Keflavík var eitt af þeim
verkefnum sem Óskar tók sér fyrir
hendur en hann lét gera hafskipa-
höfn við Vatnsnes árið 1934 og hluti
af þessum kerjum sem hann keypti
í Normandi árið 1944 enduðu sem
bryggja í Keflavík. Lengsti bryggju-
hlutinn af Keflavíkurhöfn er t.d.
gerður að nokkur leyti úr þessum
risakerjum sem Óskar keypti.
Fleiri tengingar má finna við
þetta nafn, t.d. var bátur gerður út
frá Reykjavík í 33 ár og hét sá bátur
Óskar Halldórsson RE 157. Þessi
sami bátur endaði sögu sína í Sand-
gerði því að á árunum 2006 til 2009
réri báturinn frá Sandgerði og hét þá
Óskar RE 157. Skipstjóri á honum þá
var hinn mikli aflaskipstjóri Sævar
Ólafsson frá Sandgerði og má nefna
að vertíðina 2008 landaði báturinn
638 tonnum í 23 róðrum.
Þannig að, já, þessi bátur Birna
GK á sér ansi merkilega sögu og
með þessum pistli fylgir með mynd-
band sem tekið var fyrir nokkrum
dögum síðan og sést meðal annars
Birna GK koma til lands í Sandgerði
bara nokkrum metrum á eftir öðrum
netabáti.
Smelltu á myndskeiðið
til að horfa og hlusta
MYNDSKEIÐIÐ ER AÐEINS
AÐGENGILEGT Í RAFRÆNNI
ÚTGÁFU VÍKURFRÉTTA
Gísli Reynisson
gisli@aflafrettir.is
Sveitarfélagið Vogar óskar eftir að ráða sviðsstjóra umhverfis- og skipulagssviðs.
Sviðsstjóri ber ábyrgð á daglegri starfsemi málaflokksins og gegnir jafnframt leiðandi
hlutverki við stefnumótun í umhverfis-, skipulags- og byggingarmálum í samráði
við viðeigandi nefndir. Sviðsstjóri sinnir jafnframt hlutverki byggingarfulltrúa og
skipulagsfulltrúa sveitarfélagsins.
SVIÐSSTJÓRI UMHVERFIS-
OG SKIPULAGSSVIÐS
Helstu verkefni og ábyrgð
• Ábyrgð á stjórnun og starfsmannamálum
sviðsins auk rekstri stofnana sviðsins
• Skipulagsgerð og önnur verkefni er lúta að
skipulagsmálum, lóðum og lendum
• Fjárhagsáætlunargerð og gerð
framkvæmdaáætlana
• Ábyrgð á rekstri og viðhaldi mannvirkja í eigu
bæjarins og verklegum framkvæmdum þeim
tengdum
• Umsjón með umhverfismálum, náttúruvernd,
fegrun bæjarins og umhirðu, opnum
svæðum, sorphirðu og sorpeyðingu, fráveitu
og vatnsveitu og starfsemi
þjónustumiðstöðvar
• Yfirumsjón með umferðar- og
samgöngumálum og ábyrgð á viðhaldi gatna
og stíga, lýsingum, snjómokstri,
hálkueyðingu og samskiptum við
Vegagerðina
• Skráning fasteigna og eftirlit með
byggingaframkvæmdum
• Undirbúningur funda sem tilheyra
málaflokknum og ábyrgð á eftirfylgni mála
• Stefnumótun, samhæfing og samþætting
ásamt mati á verkefnum og þjónustu
Menntunar- og hæfnikröfur
• Háskólamenntun sem nýtist í starfi
• Viðkomandi þarf að uppfylla menntunar- og
hæfnikröfur samkvæmt 7. gr. skipulagslaga nr.
123/2010 og 2.5. kafla skipulagsreglugerðar nr.
90/2013.
• Viðkomandi skal hafa löggildingu sem hönnuður
skv. 25. gr. mannvirkjalaga nr. 160/2010
• Þekking og reynsla af stefnumótun
í málaflokknum er kostur
• Reynsla af stjórnun starfsmanna og
verkefnastjórnun er æskileg
• Þekking á opinberri stjórnsýslu æskileg
• Rík þjónustulund og lipurð í mannlegum
samskiptum
• Nákvæmni, samviskusemi
og skipulagshæfileikar
• Góð almenn tölvukunnátta, ásamt kunnáttu
í teikniforritum
Sveitarfélagið Vogar er næst landstærsta
sveitarfélagið á Suðurnesjum með um
1.330 íbúa.
Sveitarfélagið Vogar er mjög vel staðsett
í nágrenni við þjónustu og vinnumarkað
höfuðborgarsvæðisins, en býður upp á
rólegt og vinalegt umhverfi þar sem stutt er
í náttúruna. Framundan er mikil uppbygging,
svo sem í tengslum við framkvæmdir við nýtt
hverfi sem fullbyggt mun að minnsta kosti
tvöfalda íbúafjölda sveitarfélagsins.
Umsóknarfrestur er til og með
25. janúar 2021. Umsóknir óskast fylltar út
á hagvangur.is. Nánari upplýsingar um
störfin veitir Geirlaug Jóhannsdóttir,
geirlaug@hagvangur.is.
aFlaFrÉttir á SuðurnESjuM Í 40 ár // 17