Mosfellingur - 14.01.2021, Blaðsíða 14

- Fréttir úr bæjarlífinu14
Útskriftarhátíð Framhaldsskólans í Mosfellsbæ fór fram
föstudaginn 18. desember við hátíðlega athöfn í húsnæði
skólans við Háholt 35.
Útskriftarefnum var skipt í tvo hópa vegna sóttvarna og
fjöldatakmarkana og athöfninni streymt beint á vefnum.
Aðstandendur nemenda og kennarar skólans gátu því fylgst
með athöfninni í beinni útsendingu.
Að þessu sinni var þrjátíu og einn nemandi brautskráð-
ur. Af félags- og hugvísindabraut voru brautskráðir fimm
nemendur og tveir af náttúruvísindabraut. Af opinni stúd-
entsbraut voru brautskráðir tuttugu og fjórir nemendur,
þar af 15 af almennu kjörsviði, einn af hestakjörsviði og
einn af íþrótta- og lýðheilsukjörsviði.
Verðlaun frá Mosfellsbæ fyrir hæstu einkunn á stúd-
entsprófi fékk Emese Erzsebet Jozsa en hún fékk einnig
verðlaun fyrir besta árangur í ensku og spænsku. Verð-
laun fyrir góðan árangur í listgreinum fékk Alexandra Björg
Vilhjálmsdóttir og verðlaun fyrir góðan árangur í dönsku
hlaut Arna Haraldsdóttir. Birna Kristín Hilmarsdóttir fékk
verðlaun fyrir góðan árangur í umhverfisfræði og fyrir góð-
an árangur í kvikmyndafræði fékk Gunnar Helgi Björnsson
verðlaun.
Fyrir góðan árangur í íslensku og sögu fékk Margrét Rós
Vilhjálmsdóttir verðlaun og Sigurbjörg Sara Finnsdóttir
fékk verðlaun fyrir góðan árangur í uppeldisfræði. Ragna
Katrín Björgvinsdóttir hlaut verðlaun fyrir störf í þágu
nemendafélags.
Útskriftarhátíð Framhaldsskólans í Mosfellsbæ streymt beint • Emese Erzsebet Jozsa með hæstu einkunn
31 nemandi brautskráður frá FMOS