Morgunblaðið - 14.01.2021, Side 28

SVIÐSLJÓS
Ágúst Ásgeirsson
agas@mbl.is
Stafræn útgáfa tæknineytendasýn-
ingarinnar árlegu (CES) hófst sl.
mánudag en hún er vettvangur
nýjunga á sviði rafmagns- og raf-
eindatækni. Segja aðstandendur
hennar að kórónuveirufaraldurinn
hafi haft í för með sér stóraukin
kaup á rafeindatækjum.
Þannig þykir útlit fyrir að velta
rafeindatæknivara í Bandaríkj-
unum muni nema um 461 milljarði
dollara í ár. Sem er 4,3% aukning
frá nýliðnu ári, 2020. Endurspeglar
það áframhaldandi hneigð fólks til
að leggja traust sitt á tæki og tól
til að sinna vinnu, námi og félags-
legum samskiptum.
Streyming sjónvarpsefnis, staf-
rænn heilsutæknibúnaður og of-
urhröð 5G-netþjónusta eru svið
sem talin eru munu skara fram úr
á sýningunni, að sögn bandarísku
neytendatæknisamtakanna (CTA)
sem standa fyrir CES-sýningunni.
„Veirufaraldurinn hefur ýtt við
fólki sem tekið hefur tæknina
kröftuglega í þjónustu sína á heim-
ilunum og í vinnunni,“ sagði forseti
CTA, Gary Shapiro, við AFP-
fréttastofuna. Sýnendur á CES eru
1.800 en sýningin er að jafnaði
haldin í höfuðstað veðmála og pen-
ingaspila, Las Vegas. Glæsibragur
mikill hefur verið yfir henni en í
hinum nýja búningi sínum er talið
að hún muni ekki njóta sama að-
dráttarafls og áður.
Sýningin var opnuð með streymi
kynningarmyndbanda frá fyrir-
tækjum, þar á meðal af stærri og
gæðameiri sjónvarpsskjám frá suð-
urkóresku fyrirtækjunum LG og
Samsung. Stafræni vettvangurinn
var nýttur til að tengja sýnendur
og neytendur saman í sýndar-
veruleika.
LG var meðal risafyrirtækja í
framleiðslu rafeindatækja sem
sýndu háskerpuskjái sem ætlað er
að mæta eftirspurn faraldurstím-
ans eftir auknu streymi skemmti-
efnis frá dreifiveitum á borð við
Netflix, Disney+ og Amazon
Prime. Meðal framúrstefnulegra
myndbrota frá LG var „sýndar-
áhrifavaldur“ í formi tölvuþróaðrar
konu sem ræddi mjög líflega um
nýtt vélmenni sem frumsýnt yrði
og „upprúllanlegan“ farsímaskjá
sem gæti tekið stærðarbreyt-
ingum.
Fleiri „bottar“
Þökk sé faraldrinum er svonefnd
heilsutækni í sviðsljósinu á CES í
ár. Sér í lagi til fjarlækninga, fjar-
eftirfylgni og fjargreininga. Einnig
tæki og tól til að greina sjúkdóma
á frumstigi. Einnig er til sýnis
mikið safn apparata til brúks á
vinnustað, allt frá snjallhitamælum
til lofthreinsitóla og sótthreins-
unarvélmenna.
Samsung kynnti „bot“ sem
styðst við gervigreind til að bera
kennsl á fólkið hans og safna gögn-
um um ávana og venjur þess til að
minna það á hlutina.
Verulega fer fyrir tækni til
greiningar á kórónuveirunni, Cov-
id-19, og mildunar smits af hennar
völdum. Fjölda sjálfsótthreinsivél-
menna er að finna á CES og önnur
hugvitssamleg tæki, þar á meðal
íveranleg tól sem fylgjast með
mikilvægri líkamsstarfsemi og
gætu greint kórónuveirusmit á
frumstigi.
Sala bandarískra framleiðenda
„tengdra heilsufarseftirlitstóla“
tvöfaldaðist næstum á nýliðnu ári
frá 2019 og nam 632 milljónum
dollara. Áætlað er að seldur verði
samsvarandi búnaður fyrir 845
milljónir dollara í ár, 2021, sam-
kvæmt greiningu CTA.
Íveranlegir félagar
Önnur tæki hafa að markmiði að
létta fólki dvölina í heimalokun
vegna kórónuveirufaraldursins.
Þar á meðal eru fylgdarvélmenni
og eftirlitstól fyrir eldri borgara
sem einir búa.
Á dagskrá sýningarinnar eru 300
ræðumenn vegna kynningarstarfs.
Þar er vaxandi fókus á málefni á
borð við friðhelgi einkalífs og 5G-
internetið. Meðal ræðumanna eru
Mary Barra, forstjóri General
Motors, Hans Vestberg frá Veri-
zon og Corie Barry frá Best Buy.
Þegar sýndarveruleikasalurinn
var opnaður í fyrradag gátu gestir
tengt sig við netsýningarbása til að
skoða kynningar og viðeigandi
spjall. Sumar frumsýningar sem
venjulega hafa dregið mikinn
fjölda til Los Angeles hugðust í ár
notast við sýndarveruleika í stað
hefðbundinna aðferða.
Audi ætlar til að mynda að halda
ótrautt áfram og frumsýna nýjan
rafsportbíl. Á dagskrá annarra fyr-
irtækja var að afhjúpa tól sem
sérþróuð eru fyrir hið ofurhraða
og þráðlausa 5G-net sem er að
styrkja sig í sessi um grundir víða.
Greinendur segja sumir að
skortur á viðburðum með þátttöku
fólks á CES-sýningunni hafi dæmt
margt fyrirtækið úr leik. Aðstand-
endur sýningarinnar gera sér vonir
um að hafa boðið upp á nýja
reynslu sem ætti eftir að gagnast
hinum 100.000 eða fleiri netgest-
um. „CES er ein mesta prófunar-
sýning veraldar þar sem gestir
geta séð og snert á markverðum
nýjungum,“ segir talsmaður CTA,
Jean Foster.
„Og þar sem við getum ekki
endurskapað töfrana sem spretta
fram á sýningunni í Las Vegas
munum við færa gestum okkar
nýja og einstaka stafræna upplifun
í staðinn.“
Tæknisýning í miðju faraldurs
 Stafræn útgáfa tæknineytendasýningarinnar árlegu (CES) hófst sl. mánudag í sýndarveruleika
vegna kórónuveirunnar  Sýningin er vettvangur nýjunga á sviði rafmagns- og rafeindatækni
AFP
Sýndarveruleiki Consumer Technology Association-sýningin (CES) fer að þessu sinni fram í sýndarveruleika
vegna kórónuveirunnar. Hér er skyggnst að tjaldabaki og svo sem sjá má er þar ekki mannmargt eins og venjulega.
Fylgist með Vökul augu vélmennisins frá Misty Robotics. Nytsemi þess er
kynnt á CES-sýningunni eins og margra annarra vélmenna sem hafa m.a.
haft ofan af fyrir fólki innilokuðu vegna kórónuveirufaraldursins.
28 FRÉTTIRInnlent
MORGUNBLAÐIÐ FIMMTUDAGUR 14. JANÚAR 2021
ATVINNUHÚSNÆÐI
SKRIFSTOFUR – IÐNAÐARBIL
Davíð Ólafsson,
löggiltur fasteignasali,
leigumiðlari og
viðskiptafræðingur
BERG Fasteignasala | Háholt 14 | Mosfellsbæ
Sími 588 5530 | berg@berg.is | berg.is
Hafðu samband við okkur og við aðstoðum og finnum
rétta aðilann fyrir þig eða réttu eignina.
Þarftu að selja, kaupa, leigja út
eða taka á leigu?
Til leigu Sunnukriki 3 – 100 fm
Sími 766 6630
Til leigu Ármúli 19 – 190 fm
Netverslun
www.skornir.is
ÚTSALAN ER HAFIN!
30-60%AFSLÁTTUR
SMÁRALIND
www.skornir.is
Útsöluverð
4.998
Verð áður 9.995
Stærðir 36-41
Your shoes leðursandali