Morgunblaðið - 11.03.2021, Blaðsíða 54

54 MINNINGAR
MORGUNBLAÐIÐ FIMMTUDAGUR 11. MARS 2021
Katla Þorsteinsdóttir
eða London sem hún að sjálf-
sögðu lauk með glæsibrag.
Minningin lifir um yndislega
konu sem var falleg yst sem
innst og sanna vináttu sem aldrei
bar skugga á. Katla var alltaf
lífsins megin. Við vottum fjöl-
skyldu Kötlu og Ellu vinkonu,
sem stóð eins og klettur með
henni í veikindum hennar, okkar
dýpstu samúð.
Auður, Karen og Lilja.
Mjög er tregt tungu að hræra
kvað Egill þegar sorgin var of
þungbær. Sorgin er mikil, en líka
þakklæti fyrir þann tíma sem við
áttum með henni. Minningarnar
um Kötlu eru margar, því hún
var svo stór í öllu, umhyggju og
ást á lífinu.
Þú ert svo frá á fæti
og falleg augun þín,
þú iðar öll af kæti
elsku stúlkan mín.
(Ó.R.G.)
Hún elskaði að hafa fólkið sitt
nálægt sér og umhyggjan fyrir
því var mikil. Hún elskaði Ítalíu
og fór þangað með hópinn sinn
síðasta sumar, því hún vildi að
þau upplifðu landið eins og hún.
Þar nutu þau samvista og ég veit
að þær minningar eiga eftir að
ylja þeim um ókomin ár. Katla
var elsta barnabarn foreldra
minna og ólst upp við ástríki for-
eldra sinna og fallegt var náið
samband systkinanna sem ásamt
börnum hennar stóðu eins og
klettur við hlið hennar í veikind-
unum.
Ómetanleg var vinátta Elínar
Maríu og vinkvenna hennar þeg-
ar þær fóru með henni í síðustu
utanlandsferðina hennar, því það
að ferðast var hennar lífsnautn.
Það verða stórir faðmar sem
taka á móti henni; Óli, Palli stóra
ástin hennar og mamma hennar.
Þótt missir okkar allra sem
þekktum hana og elskuðum sé
mikill er hugur minn hjá börnum
hennar, föður og systkinum,
þeirra missir er mikill. Ég bið
Guð að vernda þau og gefa þeim
líkn.
Birna Ketilsdóttir.
Síðasti brandarinn hefur verið
sagður, síðasta hláturskastið er
hljóðnað og gleðitárin varla orðin
þurr. Allar samverustundirnar í
gegnum síðastliðin 50 ár verða
nú að minningum. Eitt af því
dýrmætasta sem góður vinur
gefur eru minningar í gegnum
sameiginlegar upplifanir og þar
er af nógu að taka hjá okkur
Kötlu. Katla var mjög rík af
reynslu og við sem vorum svo
gæfusöm að fá að taka þátt í
hennar lífi fórum ekki varhluta af
því. Hún átti skemmtilegt og við-
burðaríkt líf, þó svo að það hafi
ekki alltaf verið dans á rósum, og
bjó hún yfir þeim einstaka hæfi-
leika að dvelja ekki of lengi við
og horfa fram á veginn. Stundum
á hraða sem ekki allir gátu haldið
í við.
Þegar maður horfir yfir henn-
ar allt of stutta lífshlaup er
stundum eins og það hafi verið
margar Kötlur á ferð. Það æv-
intýri sem hennar líf hefur verið
er efni í spennandi og langa bók.
Hún hefur kennt mér svo margt í
gegnum okkar vináttu, þar á
meðal að vera sterk og ekki
leggja árar í bát þótt á móti blási.
Viljasterka ferðaflugan Katla
dreif sig auðvitað í sína hinstu
ferð með okkur vinkonunum nú í
febrúar.
Ég á aldrei eftir að gleyma
þeirri fallegu sjón á Leifsstöð
þar sem hún gekk til innritunar,
glæsileg með sitt fallega dökka
hár í gullskóm með hælum. Það
er ekki hægt að minnast Kötlu
án þess að minnast á háa hæla,
enda datt henni ekki annað í hug
en að vera á hælum, líka við ótrú-
legustu aðstæður.
Það var fyrst þegar hún byrj-
aði að hlaupa að hún kom niður á
lágbotna skó.
Katla verður alltaf í mínu
hjarta, ég sé fyrir mér fallega
brosið hennar sem hún sparaði
aldrei, það er mér ljóslifandi.
Blessuð sé minning elsku
Kötlu sem skilur eftir sig stórt
skarð hjá svo mörgum. Fjöl-
skyldu Kötlu, börnum, barna-
börnum, föður og systkinum
sendi ég mínar dýpstu samúðar-
kveðjur. Huggunar eigum við
eftir að leita í allar yndislegu
minningarnar.
Þín vinkona,
Hjördís Sigurðardóttir.
Að skrifa þessi fátæklegu orð
til þín elsku Katla er þyngra en
tárum taki. Ég man daginn sem
þú komst inn í líf mitt. Ég var 7
ára, þú 23 ára. Síðan eru liðin 33
ár.
Mig langar fyrst og fremst að
þakka þér fyrir allt sem þú hefur
verið mér í þessu lífi. Þakka þér
fyrir að taka á móti mér sem lít-
illi 7 ára stúlku, flétta á mér hár-
ið og sauma á mig föt. Þakka þér
fyrir þolinmæðina þegar ég var
14 ára óþekkur unglingur. Þakka
þér fyrir öll ferðalögin okkar
saman. Þakka þér fyrir að vera
áfram stór hluti af mínu lífi eftir
að pabbi lést þegar ég var 20 ára.
Þakka þér fyrir að hlusta og vera
til staðar þegar ég var 31 árs í
sálarangist. Þakka þér fyrir að
vera amma barnanna minna.
Þakka þér fyrir að vera stjúp-
mamma mín.
Líf mitt hefði verið svo miklu
fátækara hefði þín ekki notið við.
Þú varst mín fyrirmynd á svo
marga vegu, en það sem mér
þótti það allra besta við þig var
þessi óbilandi ást á lífinu; „dass“
af kæruleysi sem ég vildi óska að
ég gæti tileinkað mér betur. Ég
hugsa oft til þess og hlæ innra
með mér þegar ég rifja upp tví-
tuga sjálfa mig að biðja þig um
uppskrift að sósunni þinni. Það
gerði enginn sósur eins og þú og
ég ætlaði aldeilis að standa mig.
Þegar símtölin voru orðin fjöl-
mörg en sósan aldrei eins og hún
átti að vera spurðir þú mig loks:
„Settirðu ekki örugglega ást í
sósuna?“ Kassalaga konan sem
ég er skildi ekki hvernig maður
setti ást í mat og það var því
fyrsta og síðasta tilraunin mín
við þessa sósugerð. Ég naut
hennar bara hjá þér í staðinn.
Lífið færði þér svo sannarlega
erfið verkefni sem þú tókst á
móti af æðruleysi.
Vissulega reyndi oft á, en
þannig er lífið. Skin og skúrir.
Þrátt fyrir að ég hafi alltaf búið á
öðru heimili var tengingin okkar
sterk.
Það var auðvelt að leita til þín,
hvort sem maður vildi ráð, hug-
hreystingu eða bara spjalla og
hafa gaman. Það var alltaf gam-
an að vera í kringum þig. Öll
matarboðin, jólaboðin, hlátra-
sköllin. Þeim mun ég aldrei
gleyma.
Það er ekki hægt að ljúka
þessum texta án þess að minnast
á hversu glæsileg þú varst. Ég
man eftir stjörnunum í augunum
á mér þegar ég sá þig fyrst í 80‘s-
gallanum, með legghlífar og ax-
lapúða.
Hárið blásið. Það var eins og
þú hefðir verið klippt út úr tísku-
tímariti og það breyttist ekkert á
þessum 33 árum sem við áttum
saman.
Ég elska þig og mun sakna þín
svo lengi sem ég lifi. Ég veit að
stór hópur bíður eftir þér og tek-
ur vel á móti þér. Ég trúi því og
treysti að þú munir vaka yfir
okkur öllum. Ég skal gera mitt
allra besta til að passa upp á
systkini mín fyrir ykkur pabba.
Þín
Lilja.
Í dag kveðjum við með sökn-
uði yndislega vinkonu, nú vantar
eina í hópinn okkar. Við vissum
hvert stefndi en kallið kom fyrr
en búist var við og höggið var
sárt.
Við kynntumst í gegnum
Rauða krossinn, kölluðum okkur
Aðalritarana en allar höfðum við
starfað sem framkvæmdastjórar
deilda félagsins. Við vorum ólík-
ar að mörgu leyti og vógum hvor
aðra upp á góðan hátt. Það sem
tengdi okkar var ástríðan fyrir
að gera heiminn betri og njóta
lífsins. Katla gerði heiminn svo
sannarlega betri á marga vegu,
ekki bara í gegnum störf sín.
Hún var með eindæmum hug-
rökk, jákvæð, lífsglöð og hrókur
alls fagnaðar. Þessir fallegu eig-
inleikar smituðu þá sem um-
gengust hana og hún var fyrir-
mynd að svo mörgu leyti. Við
höfðum alltaf áform um að
ferðast saman, Katla vildi fara til
London og kynna okkur fyrir
borginni eins og hún þekkti
hana, nú eða skella okkur á suð-
rænar slóðir og njóta lífsins.
Þar sem ekki varð af ferða-
áformum okkar varðveitum við
samverustundirnar í hjörtum
okkar. Það var aldrei lognmolla
þegar við hittumst, allt var rætt,
mikið hlegið, grátið, borðað og
skálað. Ferðaflugan er nú farin í
ferðalagið langa og farin að
kanna nýjar slóðir í æðri veröld.
Við sendum elsku fjölskyldu
og ástvinum Kötlu innilegar sam-
úðarkveðjur og hlýtt faðmlag.
Blessuð sé minning Kötlu okkar.
Linda Ósk, Áshildur, Þóra
Kristín og Hildur.
Í dag kveðjum við einstaka
hæfileikakonu sem er sárt sakn-
að. Ég var svo lánsöm að ráða
Kötlu til Útfararstofu Kirkju-
garðanna þegar unnið var að
endurskipulagningu fyrirtækis-
ins og stofnuð var lögfræðideild.
Umsækjendahópurinn var stór
en Katla glansaði, bar af og var
því ráðin til starfa. Það var mikið
lán fyrir fyrirtækið og okkur
samstarfsmenn.
Á vinnustað þar sem sorgin er
viðfangsefni alla daga var lífslán
að njóta lífskrafta Kötlu. Það var
aldrei ládeyða á skrifstofunni eft-
ir að hún kom til starfa. Hún
sagði sögur sem voru kraftmikl-
ar, litríkar og skemmtilegar.
Hún var lífskúnstner og sagna-
meistari.
Katla vann að margvíslegum
verkefnum á sviði lögfræði. Ég
tel að allir bestu eiginleikar
hennar hafi notið sín í störfum
hennar varðandi flutning látinna
ferðamanna til síns heima. Hún
bjó yfir ríkri mannúð og henni
var allt mögulegt. Hún taldi ekki
eftir sér, hvorki að nóttu né degi,
að svara símtölum frá Indlandi,
Japan eða Kína. Tímamunur var
engin hindrun. Hún skipulagði
einnig flug ástvina til Íslands,
reddaði þeim hóteli, bókaði fyrir
þá veitingastaði og skutlaði um
alla borg. Gjafir og þakkir sem
henni bárust vegna starfa henn-
ar vermdu okkur samstarfsfólk.
Katla var heimsborgari og skildi
þá þrá fólks að ferðast erlendis.
Reyndar var hún mesta ferða-
fluga sem ég hef kynnst. Hún
sagði eitt sinn: „Mér líður bara
illa ef ég á ekki farseðil, helst vil
ég eiga nokkra í skúffunni.“ Þeg-
ar við hittumst í hinsta sinn sagði
hún okkur, vinkonum sínum, frá
óvissuferð fyrir ástvin, sem hún
var búin að skipuleggja um miðj-
an mars. Hún geislaði af gleði
þegar hún sagði frá.
Við samstarfskonur hennar á
útfararstofunni nutum ekki að-
eins að hlusta á ferðasögur
Kötlu. Við fórum í reisur með
henni, bæði innanlands og utan.
Með dags fyrirvara skipulagði
hún ógleymanlega helgarferð
okkar til Parísar. Þar var hlegið,
búbblað og glaðst. Katla var far-
arstjóri og veislustjóri ferðarinn-
ar. Hún handmálaði handa okkur
ferðakampavínsglös, tryggði að
það væri til kampavín í fluginu,
pantaði hótel, aðgang að listsýn-
ingum og bauð okkur í margrétta
lúxussiglingu á Signu. Kraft-
mikla ferðaflugan er flogin í sína
hinstu ferð.
Hún er farin á vit nýrra æv-
intýra með fólkinu sem hún
syrgði svo sárt, bróður, mömmu
og eiginmanni.
Í djúpri þökk og virðingu kveð
ég einstaka vinkonu sem var
ekkert ómögulegt. Blessuð sé
minning elsku Kötlu. Ég bið góð-
Minningarkort á
hjartaheill.is
eða í síma 552 5744
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017
Elskulegur faðir okkar, tengdafaðir, afi
og langafi,
BRAGI VALDIMARSSON,
Kirkjuvegi 5, Keflavík,
lést á Heilbrigðisstofnun Suðurnesja
laugardaginn 20. febrúar.
Útförin hefur farið fram í kyrrþey að ósk hins látna.
Magnús Bragason Heidrun Bragason
Elfa Björk Bragadóttir Úlfar Hentze Pálsson
Valdimar Bragi Bragason Bianca Pinho
Nanna R. Vollmar Kr. George Michael Vollmar
Þór Reykfjörð Kristjánsson Elfa Guðbjartsdóttir
Vernharður Óskar Kristjáns. Renée Ahlberg
barnabörn og barnabarnabörn
Ástkær faðir okkar, tengdafaðir, afi
og langafi,
STURLA V. HÖGNASON,
Kópubraut 11, Reykjanesbæ,
lést á Heilbrigðisstofnun Suðurnesja
fimmtudaginn 4. mars.
Útförin fer fram frá Keflavíkurkirkju fimmtudaginn 18. mars
klukkan 11. Í ljósi aðstæðna verða einungis nánustu
aðstandendur viðstaddir athöfnina. Athöfninni verður streymt á
https://www.facebook.com/groups/sturlav
Högni Sturluson Svanhvít Erla Gunnarsdóttir
Svanberg Ingi Sturluson Sigríður Rós Þórisdóttir
barnabörn og barnabarnabörn
Elskulegur eiginmaður minn, faðir okkar,
stjúpfaðir, tengdafaðir, afi og langafi,
GUNNAR ÁRNI ÓLASON,
lést á líknardeild Landspítalans í Kópavogi
8. mars. Útförin fer fram frá Fossvogskirkju
þriðjudaginn 16. mars klukkan 13.
Ásta Árnadóttir
Stefán Gunnarsson Eyrún Björnsdóttir
Árni Gunnarsson Sigríður Bjarnadóttir
Guðmundur Óli Gunnarsson Magnea Magnúsdóttir
Árni Þór Jónsson
barnabörn og barnabarnabarn
Ástkær móðir okkar, stjúpmóðir, amma
og langamma,
LILJA HULD SÆVARS
Mánatúni 6
lést á líknardeild Landspítala 3. mars.
Útförin fer fram frá Áskirkju miðvikudaginn
17. mars klukkan 13.
Streymt verður frá athöfninni. https://youtu.be/d7p4ZdrqmdY
Ína Karlotta Árnadóttir Dagur Brynjólfsson
Svava Kristín Egilson
Gunnlaugur Magnússon
Jóhann Magnússon
Hólmfríður Díana Magnúsd.
barnabörn og barnabarnabörn
Mín yndislega og elskaða eiginkona, móðir,
tengdamóðir, amma og langamma,
SIGRÍÐUR GÍSLADÓTTIR
Sléttuvegi 31, Reykjavík,
lést á gjörgæsludeild Landspítalans við
Hringbraut þriðjudaginn 9. mars.
Jarðaför auglýst síðar.
Vilhjálmur Þór Ólafsson
Ólafur Vilhjálmsson Anna Erla Þorsteinsdóttir
Rúnar Þór Vilhjálmsson Jóna Rán Ingadóttir
Gísli Már Vilhjálmsson Þórdís Einarsdóttir
Eva Vilhjálmsdóttir
barnabörn og barnabarnabörn
Ástkær móðir mín, tengdamóðir, amma
og langamma,
ERLA WIGELUND
kaupmaður
í Verðlistanum við Laugalæk,
lést á Hrafnistu Laugarási mánudaginn
22. febrúar í faðmi ástvina. Útför fer fram frá Laugarneskirkju
föstudaginn 12. mars klukkan 15 og eru aðstandendur og vinir
velkomnir á meðan húsrúm leyfir. Hlekk á skráningu má finna á
andlátsvef Morgunblaðsins eða mæta með miða með nafni,
kennitölu og símanúmeri. Athöfninni verður streymt á
facebooksíðunni: Útför – Erla Wigelund.
Sigrún Júlía Kristjánsdóttir Jóhann Ásmundsson
Erla Sigurðardóttir
Elínborg Sigurðardóttir Geir Borgar Geirsson
Íris Wigelund Pétursdóttir Ástmar Ingvarsson
Kristján Karl Pétursson Lilja Bjarnadóttir
Gunnar Wigelund Lisa María Lognberg
Auður E. Jóhannsdóttir Johanis Borrero Arcieri
Ásmundur Jóhannsson Brynhildur Oddsdóttir
Ragnar Pétur Jóhannsson Valgerður Helgadóttir
og barnabarnabörn