Morgunblaðið - 11.03.2021, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 11. MARS 2021
það byrjar allt með fjórum fræjum
ENN HOLLARI OLÍA
OMEGA 3 & 6
+ D- & E-VÍTAMÍN
Sigurður Bogi Sævarsson
sbs@mbl.is
Jarðhræringar á Reykjanesskaga
að undanförnu réðu því að Birgir
Þórarinsson, þingmaður Miðflokks-
ins, sem býr að Minna-Knarrarnesi
á Vatnsleysuströnd, flýtti uppsetn-
ingu kross – hins heilaga tákns – á
kirkju sem hann hefur reist við
íbúðarhús sitt og stendur til að vígja
í sumar. Krossinn var settur upp sl.
laugardag.
„Þetta er ákall og bæn til Drott-
ins um að hemja náttúruöflin. Hér
skelfur og við höfum ekki náð heil-
um svefni lengi,“ segir Birgir sem
er guðfræðingur að mennt.
Vatnsleysuströnd getur verið í
hættu komi til eldgoss á Keilissvæð-
inu, segir Birgir. Gleymst hafi í um-
fjöllun að undanförnu að á strönd-
inni sé byggð í aðeins um tíu
kílómetra fjarlægð frá hugsanlegum
gosstað. Byggðin standi á hrauni
sem fyrir þúsundum ára rann frá
dyngjunni sem heitir Þráins-
skjöldur; óróasvæðinu sem oft hefur
verið nefnt í fréttum að undanförnu.
Þá tilheyrir Minna-Knarrarnesi
skák á hraununum við Keili, meðal
annars við fjallið Nyrðri-Keilis-
bróður en þar er talið að annar endi
kvikugangsins sé.
Framkvæmdir við kirkjubygg-
inguna á Minna-Knarrarnesi hófust
árið 2015 þegar Sigmundur Davíð
Gunnlaugsson, þáverandi forsætis-
ráðherra, tók fyrstu skóflustung-
una. Óli Jóhann Ásmundsson er
arkitekt kirkjunnar sem er 5 x 8
metrar að flatarmáli eða 40 fermetr-
ar og mun taka um 40 manns í sæti.
„Hlutföllin eru gullinsniðið fræga,
sem jafnvel er sagt vera grundvöll-
ur fagurfræði heimsins. Þó enginn
sé turninn er fyrirmyndin að
nokkru Búðakirkja á Snæfellsnesi,“
segir Birgir. Smiðirnir og hálfbræð-
urnir Ásgeir Þórisson og Arnar
Leifsson úr Reykjanesbæ reistu
kirkjuna og klæddu að innan. Senn
verða svo settir upp bekkir, altari,
handrið og fleira sem þjóðhaginn
Ólafur Sigurjónsson í Forsæti í Flóa
smíðar.
Úr óhöggnum steinum
„Ég hef eftir megni reynt að
vinna í þessu sjálfur. Það er mik-
ilvægur hluti af þessu. Finnst slíkt
vera hvíld frá erilsömum þing-
störfum. Meðal annars hlóð ég
grjótgarðinn sem er hér í kringum
kirkjuna, það tók tvö sumur. Fljót-
lega þarf svo að koma inn stórum
ferhyrndum 300 kílóa steini sem ég
fann hér niðri í fjöru og verður alt-
ari kirkjunnar,“ segir Birgir. Í
þessu sambandi vitnar hann til
fimmtu Mósebókar 27. kafla, hvar
segir: Úr óhöggnum steinum skaltu
reisa altari Drottins, Guðs þíns.
En getur máttur trúarinnar dug-
að til að stöðva náttúruöflin; jarð-
hræringar sem nú skekja Suður-
nesin og hafa skotið fólki þar skelk í
bringu? „Trúin er sterkt afl og get-
ur breytt miklu,“ segir Birgir og
minnir þar meðal annars á hina
frægu eldmessu sem Jón Stein-
grímsson, eldklerkur á Kirkjubæj-
arklaustri, flutti árið 1783. Trúarhiti
orða hans var talinn eiga þátt í því
að hraunelfurin frá Lakagígum
stöðvaðist áður en byggð eyddist.
Svo fór líka að í kjölfar messunnar
fór kraftur Skaftárelda að dvína.
Fleiri dæmi um að trúin flytji fjöll
megi vafalaust tiltaka.
Blessun og bæjarprýði
Kirkjan í Minna-Knarrarnesi er
svokölluð bændakirkja og verður
fyrst og fremst til einkanota. „Þessi
kirkja er reist með það fyrir augum
að vera þakklætisvottur fyrir bless-
un í lífinu, vitnisburður um trú og
vera bæjarprýði. Þarna gætu verið
athafnir svo sem skírnir og gift-
ingar. Sjálfur ætla ég svo að koma
mér upp vinnuaðstöðu á kirkjuloft-
inu. Guðfræðin fellur vel að starfi
stjórnmálamanns, er mikilvæg leið-
sögn,“ segir Birgir að síðustu.
Morgunblaðið/Sigurður Bogi
Vatnleysuströnd Birgir Þórarinsson þingmaður við kirkjuna sem hann hefur látið reisa. Keilir til hægri á myndinni.
Setti kross á kirkju
í miðri skjálftahrinu
 Drottinn hemji náttúruöflin  Þingmaður reisir guðshús
Ómar Friðriksson
omfr@mbl.is
Almennt atvinnuleysi minnkaði lít-
illega í seinasta mánuði frá mán-
uðinum á undan og var 11,4% sam-
anborið við 11,6% almennt
atvinnuleysi í janúar. Er þetta í
fyrsta skipti frá í maí á seinasta ári
sem dregur úr almennu atvinnuleysi
á milli mánaða. Vinnumálastofnun
(VMST) spáir því nú að almennt at-
vinnuleysi minnki áfram í yfirstand-
andi mánuði og verði á bilinu 10,9%
til 11,3%.
Heildaratvinnuleysi á landinu í
febrúar, að meðtöldum þeim sem
eru í skertu starfshlutfalli og á
hlutabótum, mældist 12,5% skv. yf-
irliti Vinnumálastofnunar sem birt
var í gær. Fram kemur að alls voru
21.352 einstaklingar atvinnulausir í
almenna bótakerfinu í lok febrúar
og 4.331 í minnkaða starfshlutfall-
inu, eða samtals 25.683 manns. At-
vinnuleysi í minnkaða starfshlutfall-
inu í febrúar var 1,1%.
Fækkaði í flestum greinum
Atvinnulausum fækkaði í flestum
atvinnugreinum í febrúar, mest í
sjávarútvegi og greinum tengdum
veitingaþjónustu svo og í ferðaþjón-
ustu sem er talið tengjast nokkurri
afléttingu samkomubanns í febrúar.
Atvinnuleysi jókst hins vegar lítils-
háttar í verslun, upplýsingatækni og
útgáfu í seinasta mánuði.
Atvinnuleysið er sem fyrr lang-
mest á Suðurnesjum en þar minnk-
aði það þó lítillega á milli mánaða.
Þar mælist 25,4% atvinnuleysi í
febrúar en var 26% í janúarmánuði.
„Næstmest var atvinnuleysið á höf-
uðborgarsvæðinu þar sem það
minnkaði úr 12,4% í janúar í 12,1% í
febrúar, á Norðurlandi eystra úr
10,7% í janúar í 9,9% í febrúar og á
Vesturlandi úr 9,5% í janúar í 8,9% í
febrúar Minnsta atvinnuleysið var á
Norðurlandi vestra 5,6% og á Vest-
fjörðum 5,9%,“ segir í skýrslunni.
Í ljós kemur að alls höfðu 4.719 al-
mennir atvinnuleitendur verið án at-
vinnu í meira en tólf mánuði í lok
febrúar. Fjölgað hefur í þeim hópi
en langtímaatvinnulausir voru 4.508
í janúarlok. Til samanburðar þá
voru þeir sem höfðu verið í atvinnu-
leit í meira en tólf mánuði 1.893 tals-
ins í febrúarlok fyrir ári síðan. Hef-
ur þeim því fjölgað um 2.826 milli
ára. Þeim sem hafa verið atvinnu-
lausir í 6-12 mánuði fer einnig fjölg-
andi, voru 8.042 í lok febrúar en
7.233 í lok janúar.
8.671 einstaklingur af erlendum
uppruna var án atvinnu í lok febrúar
og fækkaði um 122 frá janúar.
Atvinnuleysi örlítið á niðurleið
 Almennt atvinnuleysi minnkaði milli mánaða í fyrsta sinn
frá maí í fyrra  Áfram fjölgar í hópi langtímaatvinnulausra Almennt atvinnuleysiÞróun eftir svæðum,
apríl '20 til feb. '21
Alls 11,6% 11,4%
Höfuð-
borgarsv. 11,1% 11,0%
Suðurnes 24,5% 24,0%
Vesturland 8,5% 8,0%
Vestfi rðir 5,1% 5,0%
Norðurl.
vestra 4,9% 4,7%
Norðurl.
eystra 9,5% 8,9%
Austur-
land 7,9% 7,9%
Suðurland 11,0% 10,7%
apríl september janúar febrúar
jan. feb.
Heimild: Vinnumálastofnun
Matvælastofnun hefur sent frá sér
aðvörun vegna hraðrar útbreiðslu í
Evrópu á alvarlegum smitsjúkdómi í
hrossum af völdum hestaherpes
(týpu 1) sem magnaðist upp á stóru
móti í hindrunarstökki í Valencia á
Spáni í síðasta mánuði. Strangar
reglur gilda hér á landi um varnir
gegn sjúkdómum af þessu tagi og
biður Sigríður Björnsdóttir, dýra-
læknir hrossasjúkdóma, hestafólk að
virða reglur og vera á varðbergi.
Veiran smitast helst með veikum
hrossum en getur einnig borist með
sæði og fósturvísum, fólki, fatnaði og
hvers kyns búnaði. Bannað er að
flytja til landsins hross, sæði, fóst-
urvísa og notaðan búnað. Einnig not-
aða reiðhanska. Eftir stendur þá fólk
og fatnaður. Notaður reiðfatnaður
skal þveginn í þvottavél og þurrk-
aður fyrir komuna til landsins.
Reiðskó, hjálma og annað sem ekki
getur farið í þvottavél skal sápuþvo,
þurrka og úða með sótthreinsiefni,
einnig fyrir komuna til landsins.
Sigríður biður hestamenn sem eru
að fara í vinnuferðir til útlanda að
vera sérstaklega á varðbergi við
komuna til landsins. Einnig fólk sem
kemur til að vinna við hesta hér á
landi eða tekur á móti hestafólki.
Sigríður segir að á netinu sé mikið
af sölusíðum með notaðan búnað.
Þetta sé alþjóðlegur markaður og
kaupandinn viti ekki alltaf frá hvaða
landi búnaðurinn kemur. Rifjar hún
upp að bannað sé að flytja notaðan
búnað til landsins. Telur hún líkleg-
ast að hrossasjúkdómar sem hér
hafa komið upp á undanförnum ára-
tugum hafi borist til landsins með
reiðtygjum eða öðrum búnaði.
Frelsið myndi skerðast
Ísland er líklega eina landið í
heiminum sem er laust við hestaher-
pes (týpu 1) og telur Sigríður mikil-
vægt að svo verði áfram. Hún segir
ekki gott að spá fyrir um hvað muni
gerast ef sjúkdómurinn berst í ís-
lenska hrossastofninn. Hugsanlega
myndi hann valda miklum veikind-
um. Allavega mætti búast við smit-
andi fósturláti og líklega kæmu fram
einkenni frá miðtaugakerfinu.
„Hér á landi höfum við haft full-
komið frelsi til að flytja hross á milli
landshluta og á mót og heim aftur.
Þann dag sem sjúkdómurinn berst
hingað verður þessi veruleiki úr sög-
unni og allt mun breytast. Setja
þyrfti upp miklu strangari heilbrigð-
isskoðanir inn á mót og út af mótum
og menn gætu ekki farið strax heim
með hestana. Það hefði í för með sér
skerðingu á frelsi og aukinn kostn-
að,“ segir Sigríður. helgi@mbl.is
Hestafólk beðið
að vera á verði
 Hestasjúkdómur breiðist um Evrópu
Ísland er ofarlega á lista OECD
sem birtur var í gær og sýnir at-
vinnuleysi í 37 aðildarlöndum í
janúar. Í sjö löndum mældist
meira atvinnuleysi en hér á
landi. Atvinnuleysi var 6,8% í
janúar að meðaltali í OECD-
löndunum. Hér á landi er at-
vinnuleysið samkvæmt útreikn-
ingum og viðmiðum sem OECD
notar sagt hafa verið 7,2%. Í
löndum ESB var atvinnuleysið
að meðaltali 7,3% og 8,1% á
evrusvæðinu. Atvinnuleysið var
6,1% í Danmörku og 8,9% í Sví-
þjóð. Það mældist 6,3% í
Bandaríkjunum, 7,9% í Frakk-
landi og 4,6% í Þýskalandi.
Ísland í átt-
unda sæti
ATVINNULEYSI Í OECD