Morgunblaðið - 11.03.2021, Síða 22

22 FRÉTTIRInnlent
MORGUNBLAÐIÐ FIMMTUDAGUR 11. MARS 2021
NÝSKÖPUNARMÓT
ÁLKLASANS
í beinu streymi þriðjudaginn 16. mars kl. 14.00–15.30
Dagskrá
Ágúst Valfells
deildarforseti verkfræðideildar Háskólans í Reykjavík
Rúnar Unnþórsson
deildarforseti iðnaðarverkfræði-, vélaverkfræði- og
tölvunarfræðideildar Háskóla Íslands
Lilja Alfreðsdóttir
mennta- og menningarmálaráðherra
Afhending nýsköpunarviðurkenninga
Sigurður Hannesson
formaður Samtaka iðnaðarins
Rannveig Rist
forstjóri Rio Tinto á Íslandi
Diego Areces
framkvæmdastjóri viðskiptaþróunar hjá DTE
Joaquin J. Chacon
forstjóri Albufera Energy Storage
Kristján Friðrik Alexandersson
framkvæmdastjóri Álvit
Guðrún Arnbjörg Sævarsdóttir
dósent við verkfræðideild Háskólans í Reykjavík
Kynning á verkefnum handhafa nýsköpunarviðurkenninga
Fundarstjóri verður Steinunn Dögg Steinsen,
framkvæmdastjóri öryggis- og umhverfissviðs hjá Norðuráli
Sonja Ýr Þorbergsdóttir formaður
BSRB segir að aðalforsendur kerf-
isbreytinganna, sem unnið er að við
styttingu vinnutíma vaktavinnu-
fólks, séu að launþegahóparnir lækki
ekki í launum vegna kerfisbreyting-
anna. Markmiðið er jafnframt aukið
öryggi, betri heilsa og betra jafn-
vægi á milli vinnu og einkalífs.
„Það þarf að sníða kerfið út frá því
og svo þarf auðvitað að horfa á starf-
semina sjálfa og starfsmannahópinn
og einstaklingana en þetta eru þau
sjónarmið sem þurfa að mætast til
þess að þetta gangi upp,“ segir hún.
Fram kom í gær að tollverðir á
Keflavíkurflugvelli gagnrýna fyrir-
hugaðar breytingar á vaktavinnu og
segja þær fela í
sér kjaraskerð-
ingu.
Sonja bendir á
að ekki er búið að
leiða þetta til
lykta. „Við höfum
heyrt af óánægj-
unni og það er
nefnd að störfum
um vinnutíma
innan embættis-
ins, sem er ekki búin að skila sínu
þannig að það er ekki alveg komið í
ljós hvernig þetta verður. Fyrsta
skrefið er að leysa þetta innan vinnu-
staðarins og ef það tekst ekki, þá er
stýrikerfi í kringum kerfisbreyting-
arnar og þá myndi þetta fara til
samningsaðilanna í svokölluðum inn-
leiðingarhópi,“ segir hún.
Stytting vinnutíma dagvinnufólks
hjá hinu opinbera tók gildi um ára-
mót en stytting í vaktavinnu á að
taka gildi 1. maí. Sonja segir þessar
útfærslur flóknar. Ekki sé hægt að
gefa eina línu fyrir alla vegna þess að
starfsemin sé svo fjölbreytt á milli
vinnustaða. Þess vegna þurfi þetta
samtal um breytingar fyrst og
fremst að eiga sér stað inni á vinnu-
stöðunum sjálfum þar sem fundnar
eru leiðir til að styttingin gangi upp.
Hún er bjartsýn á að takast muni að
innleiða styttingu vinnuvikunnar hjá
vaktavinnufólki fyrir 1. maí.
Hópar lækki ekki í launum
Sonja Ýr
Þorbergsdóttir
Guðni Einarsson
gudni@mbl.is
Alþjóðleg frímúrararegla karla og
kvenna, LE DROIT HUMAIN,
fagnar á morgun 100 ára starfs-
afmæli á Íslandi. Af því tilefni er al-
menningi boðið í opin hús í húsa-
kynnum reglunnar að Kirkjustétt
2-6 í Reykjavík, Óseyri 2 á Akureyri
og Tjarnarási 6 á Egilsstöðum milli
kl. 17 og 19 á morgun. Þar verður
starfið kynnt. Fylgt verður sótt-
varnareglum og er fólk hvatt til að
nota sóttvarnagrímu og gæta að
fjarlægðartakmörkunum.
Magnús M. Norðdahl hæstarétt-
arlögmaður er Voldugur stjórnandi
Íslandssambands Alþjóðlegrar frí-
múrarareglu karla og kvenna, LE
DROIT HUMAIN og æðsti stjórn-
andi reglunnar hér á landi. Hann
gekk í regluna árið 1991.
Engin krafa gerð um trú
„Sérstaða reglunnar felst helst í
því að við viðurkennum bæði konur
og karla sem meðlimi. Við gerum
ekki heldur kröfu um að meðlimirnir
aðhyllist tiltekin trúarbrögð eða að
þeir séu trúaðir yfirhöfuð,“ sagði
Magnús. Enginn greinarmunur er
gerður á reglusystkinum eftir kyni
gagnvart framgangi í embætti.
Þannig hafa tvær konur og tveir
karlar gegnt embættinu á undan
honum. Voldugur stjórnandi er kjör-
inn til fimm ára í senn og má gegna
embætti samfellt í tvö kjörtímabil.
Hann á jafnframt sæti í aðalstjórn
reglunnar í París.
Tíu stúkur starfa á landinu
Fyrsta stúkan, Ýmir nr. 724, var
stofnuð í Reykjavík 12. mars 1921.
Nú starfa hér tíu stúkur. Sjö eru í
Reykjavík, tvær á Akureyri og ein á
Egilsstöðum. Fjölgunin hefur verið
hæg og sígandi í áranna rás. Í regl-
unni eru nú upp undir 400 manns á
Íslandi. Þorri reglusystkina er mið-
aldra eða eldri. Reglan starfar í um
60 þjóðlöndum og eru reglusystkini
alls um 32.000 talsins. Reglusystkini
hér geta sótt fundi reglunnar í öðr-
um löndum og eins er nokkuð al-
gengt að útlend reglusystkini komi á
fundi hér á landi.
Til að geta sótt um inngöngu þarf
viðkomandi að hafa hreint sakavott-
orð og að hafa náð 18 ára aldri. Ár-
gjaldið er 36.500 kr. og vígslugjald
18.250 kr. Óskað er eftir því að fund-
armenn séu dökkklæddir og snyrti-
legir til fara á fundum. Reglan
styrkir mannúðleg málefni um hver
áramót og safnar sérstaklega til
þess. Til dæmis hafa Pieta-samtökin
og Rauði krossinn notið styrkjanna.
„Við störfum eftir því sem heitir
Hið forna og viðurkennda skoska
siðakerfi. Það byggir á 33 stigum.
Fyrstu þrjú stigin, sem eru kjarninn
í starfinu, köllum við bláar stúkur og
eru þær tíu hér á landi. Þær funda
hálfsmánaðarlega frá hausti til vors.
Ekki er skyldumæting en ætlast er
til þess að ný systkini sæki fundi
reglulega fyrstu þrjú árin. Síðan er
unnið á níu öðrum stigum auk þess
33.,“ sagði Magnús. Stúkusystkini
þurfa að stoppa á hverju stigi og
kynna sér það áður en sótt er um að
fara áfram kjósi fólk að gera það en
þau þrjú síðustu eru boðin. En um
hvað snýst starfið?
Reyna að gera heiminn betri
„Tilgangurinn er að aga okkur
sjálf til þess að reyna að gera heim-
inn svolítið betri. Til þess beitum við
ákveðinni aðferðafræði. Við setjum á
svið tilteknar aðstæður sem eiga að
vekja skilning á ákveðnum þáttum í
innra lífi okkar. Þetta byggist allt á
táknfræði. Við erum að byggja and-
legt musteri, stórt hús, flókna bygg-
ingu þar sem taka þarf tillit til
margra hluta. Við erum hvert og eitt
litlir steinar í þessu musteri og við
þurfum að slípa af okkur kantana og
gera okkur slétt til að falla inn í þá
byggingu. Við notum regluna til að
byggja okkur sjálf upp og vonum að
þannig getum við orðið betri sam-
félagsþegnar og haft áhrif til góðs á
samfélagið,“ sagði Magnús.
Hann sagði að reglusystkini hafi
mikið frelsi til að ná þessu fram og
gerð sé krafa til þess að fólk hugsi
frjálst og að starfið sé vettvangur til
þess. „Einkunnarorð reglunnar eru
„Frelsi, jafnrétti og bræðralag“. Um
þessa þrjá þætti þarf fólk að vera vel
meðvitað til að geta byggt upp sam-
félag bræðralags og réttlætis, að
sögn Magnúsar.
Höfuðstöðvar í París
Reglan á Íslandi er hluti af hinni
Alþjóðlegu frímúrarareglu karla og
kvenna, LE DROIT HUMAIN. Hún
var stofnuð af Georges Martin og
Marie Deraisme í París 1893. Höf-
uðstöðvar reglunnar eru í París.
Reglan starfaði áður undir nafninu
Samfrímúrarareglan en nafni henn-
ar var breytt til samræmis við al-
þjóðlega nafnið.
Nánar er hægt að fræðast um
regluna á heimasíðu hennar, https://
ledroithumain.is/.
Ljósmynd/Aðsend
Núverandi og fyrrverandi stjórnendur F.v. Kristín Jónsdóttir, Njörður P.
Njarðvík, Magnús M. Norðdahl og Una Ásgeirsdóttir.
Frímúrarar af
báðum kynjum
 LE DROIT HUMAIN-reglan 100 ára