Morgunblaðið - 18.03.2021, Blaðsíða 1

2 1"'/8 1/. 47:))! -9/.5%,95+0* %"&%#
$!%%
"6&$# -63 295+0(0/635++5
!,("!($
"#"!
#+&%)%*
#'&,&'
F I M M T U D A G U R 1 8. M A R S 2 0 2 1
.Stofnað 1913 . 65. tölublað . 109. árgangur .
ÍSLENSK
HÖNNUN OG
FRAMLEIÐSLA GERA ÞAÐ SEM ÞEIM SÝNIST
SAGA KLÓNAÐS HUNDS 60IÐNÞING 12 SÍÐUR
FRÁBÆR TILBOÐ Í NÆSTU NETTÓ!
Lægra verð - léttari innkaup Tilboðin gilda 18.— 21. mars
Hamborgarhryggur
Með beini
1.195KR/KG
ÁÐUR: 1.784 KR/KG
Lambalærissneiðar
Í grillsmjöri
1.789KR/KG
ÁÐUR: 2.559 KR/KG
Eggaldin
599KR/KG
ÁÐUR: 855 KR/KG
-30%-30%-33%
_ Ákveðið hefur verið að hefja á ný
innkaupaferli á tveimur nýjum
skíðalyftum fyrir Bláfjöll. Ekki feng-
ust nógu hagstæð tilboð í útboði sem
fram fór sl. sumar. Í framhaldinu
verður hafinn undirbúningur að
kaupum á fleiri lyftum þar og í
Skálafelli og að koma upp snjófram-
leiðslu á skíðasvæðinu.
Framkvæmdum á að ljúka á árinu
2026 og er áætlað að þær kosti í
heildina 5,2 milljarða króna. Jafn-
framt er verið að ræða möguleika á
að bæta aðstöðu fyrir gönguskíða-
fólk í Bláfjöllum og víðar á höfuð-
borgarsvæðinu.
„Sveitarfélögin vilja endurnýja
búnað og gera skíðasvæðin betri og
aðgengilegri en þau eru í dag,“ segir
Páll Björgvin Guðmundsson, fram-
kvæmdastjóri Samtaka sveitar-
félaga á höfuðborgarsvæðinu. »20
Morgunblaðið/Eggert
Bláfjöll Tvær stólalyftur verða endur-
nýjaðar á skíðasvæðinu á næstu árum.
Nýjar stólalyftur
keyptar fyrir Bláfjöll
_ Katrín Jak-
obsdóttir for-
sætisráðherra
skrifar grein í
Morgunblaðið í
dag, þar sem hún
hvetur Alþingi til
þess að nýta
tækifærið til þess
að sýna að það
geti gert raun-
verulegar breyt-
ingar á stjórnarskrá landsins og vís-
ar þar til þingmannafrumvarps síns
þar að lútandi. Hún víkur sér-
staklega að svokölluðu auðlinda-
ákvæði og vitnar til nokkurra um-
sagna, sem Alþingi hafa borist um
það, sem beri vott um hefðbundinn
skotgrafahernað. Í þeim sé ýmist
fundið að því að ákvæðið hygli „stór-
útgerðinni“ eða að það gangi þvert
gegn hagsmunum útgerðarinnar.
Forsætisráðherra kveðst vona að
sátt náist um annað en að „halda
rifrildinu áfram að eilífu“. »33
Katrín vill sátt um
annað en ósættið
Katrín
Jakobsdóttir
Jóhann Ólafsson
johann@mbl.is
„Við bjóðum bara ekki börnum upp á
þetta,“ sagði eitt þeirra foreldra sem
stigu í pontu á foreldrafundi sem
haldinn var í Fossvogsskóla í gær
vegna heilsuspillandi myglu sem
greinst hefur í skólanum í nokkur ár.
Skúli Helgason, formaður skóla- og
frístundaráðs Reykjavíkurborgar,
og Helgi Grímsson, sviðsstjóri skóla-
og frístundasviðs, sögðu að nýtt
framkvæmdateymi hefði verið skip-
að sem fara ætti yfir stöðuna vegna
mygluvandamálanna í skólanum.
Enn greinist mygla í skólanum og
kenna börn sér meins vegna þess.
„Þetta mál hefur tekið langan
tíma og ýmislegt hefði mátt fara bet-
ur,“ sagði Skúli en við framkvæmdir
vegna myglu fyrir tveimur árum var
skólastarf Fossvogsskóla flutt í höf-
uðstöðvar KSÍ í Laugardal. Helgi
sagði slíkan flutning ekki mögulegan
núna en óvíst er hvort rýma þurfi all-
an skólann eða hluta hans; slíkt komi
í ljós eftir vinnu framkvæmdateym-
isins.
Foreldrar, bæði á staðnum og í
fjarfundabúnaði, lýstu óánægju sinni
með ræður og svör þeirra Helga og
Skúla en þeir sögðu meðal annars að
ákvörðun um mögulega lokun skól-
ans væri í höndum skóla- og frí-
stundasviðs í samráði við skólann.
Foreldrar spurðu meðal annars
hvort börnin ættu áfram að vera í
menguðu húsnæði á meðan unnið
væri að enn einni skýrslunni um
málið. 250 foreldrar höfðu safnað
undirskriftum til að þrýsta á um að-
gerðir vegna málsins og voru þær af-
hentar Skúla og Helga á fundinum. Í
áskorun sem fylgdi er þungum
áhyggjum af stöðu skólans lýst sem
og ótta við áhrif myglunnar á börnin
í skólanum. „Ástand skólans skerðir
lífsgæði barna og starfsfólks og
stofnar heilsu þeirra í hættu. Við
minnum á að myglumengun getur
haft varanleg og skaðleg áhrif á
heilsu,“ kemur meðal annars fram í
áskoruninni.
Starfsdagur á morgun
Ingibjörg Ýr Pálmadóttir, skóla-
stjóri Fossvogsskóla, sagði að ein-
hverjir starfsmenn hefðu fundið fyr-
ir einkennum sem rekja mætti til
myglu. Einn starfsmaður væri í árs-
leyfi og ætlaði ekki að snúa aftur
vegna óheilnæms lofts í skólanum.
Ingibjörg sagðist enn fremur ekki
geta svarað því hvort skólastarf yrði
með hefðbundnum hætti í dag en
starfsdagur er fyrirhugaður á morg-
un.
Vilji foreldra skýr
Örn Þórðarson, borgarfulltrúi
Sjálfstæðisflokksins og fulltrúi í
skóla- og frístundaráði Reykjavíkur,
segir málið hafa dregist um of á
langinn og það sé skýrt eftir fundinn
að foreldrar vilji láta rýma skólann.
Mikil reiði sé meðal foreldra og
starfsfólks vegna málsins og nú
þurfi að bretta upp ermar, vinna
hratt og gera það sem börnum og
starfsfólki er fyrir bestu. Sem í
þessu tilfelli er að láta rýma skólann,
sagði Örn. »8
Ekki börnum bjóðandi
- Framkvæmdateymi kannar mygluna í Fossvogsskóla - Starfsfólk finnur einnig
fyrir einkennum myglu - Einn starfsmaður í ársleyfi og snýr ekki aftur í skólann
Láti rýma skólann
» Börn og starfsfólk Foss-
vogsskóla finna fyrir einkenn-
um myglu og hefur Reykjavík-
urborg sett saman nýtt teymi
til að fara yfir stöðuna.
» Foreldrar krefjast þess að
skólinn verði rýmdur, líkt og
gert var árið 2019 þegar fyrst
var farið í framkvæmdir vegna
myglu í húsnæðinu.
Morgunblaðið/Eggert
Hitafundur Foreldrar og forráðamenn, bæði á staðnum sem og í netheimum, kvörtuðu yfir úrræðaleysi borgarinnar vegna myglunnar í Fossvogsskóla.