Fréttablaðið - 14.08.2021, Qupperneq 80

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
n Bakþankar
Þátttaka Íslands í nýafstöðnum
Ólympíuleikum var vandræða­
leg. Keppendur þjóðarinnar luku
eiginlegri keppni áður en hún hófst.
Reyndar eru Íslendingar vanir illu
gengi á Ólympíuleikum. Vilhjálmur
Einarsson hirti silfurverðlaun árið
1956 og síðan hafa verðlaunapen­
ingar verið jafn sjaldséðir á Íslandi
og villtir páfuglar. Grannþjóðirnar
Svíþjóð, Danmörk og Noregur
komu heim með 24 verðlaunapen­
inga meðan keppendur Íslands sátu
enn í rásholunum. Smáþjóðin San
Marínó (35 þús. íbúar) fékk þrenn
verðlaun á þessum leikum.
Íslensku fjölmiðlamennirnir í
Tókýó skemmtu sér við að taka við­
töl hver við annan. Út úr leiðindum
tóku þeir ástfóstri við handboltalið
frá Barein af því þjálfarinn var úr
Hafnarfirði.
Ástandið hefur aldrei verið von­
lausara en nú. Líkamleg hreyfing og
íþróttaiðkun eru á engan hátt hluti
af daglegu lífi barna og unglinga.
Nýlegar rannsóknir sýna að íslensk
börn hafa aldrei verið kvíðnari eða
þyngri en á þessum tæknivæddu
velferðartímum. Það er ekki gott
veganesti á Ólympíuleika.
Hvað er þá til ráða? Þjóðin verður
að fá viðurkenndar séríslenskar
keppnisgreinar eins og rafskutlu­
rallý og maraþontölvuleiki eða
flytja inn íþróttamenn sem eru
óhamingjusamir í heimalandinu.
Kúbanskur flóttamaður vann
til gullverðlauna fyrir Portúgal í
Tókýó. Ísland gæti sent erindreka
til vansælla þjóða eins og Kúbu,
Afganistan eða Norður­Kóreu og
reynt að tæla hingað íþróttafólk
með boði um íbúð og bíl og ókeypis
áskrift að Stöð 2 til æviloka.
Það er útséð með að þjóðinni
takist að vinna einhver Ólympíu­
gull. Á hinn bóginn mætti vinna
til verðlauna með flóttaíþrótta­
mönnum undir íslenskum fána.
Það mundi vekja upp þjóðar­
stoltið og aftur væri hægt að taka
upp hið gleymda víkingaklapp. n
Ólympíuleikar
Á matseðli í ágúst
SUMARFRÍ
26 kr.
4 VIKUR
AFSLÁTTUR
Skráðu þig á orkan.is
SKRÁÐU ÞIG Á
PÓSTLISTANN