Fréttablaðið - 26.06.2021, Page 10

Engar takmarkanir á sam-
komum eru í gildi á Íslandi
í fyrsta sinn síðan 16. mars
á síðasta ári. Breytingarnar
voru kynntar í gær.
Allar takmarkanir innanlands
vegna Covid-19 féllu úr gildi á mið-
nætti.
Frá því 16. mars árið 2020 hafa
verið í gildi einhvers konar tak-
markanir á samkomum hér á landi
vegna faraldursins.
Þann dag var lagt á bann við skipu-
lögðum viðburðum f leiri en 100
manna og tveggja metra reglan var
kynnt landsmönnum í fyrsta sinn.
Takmarkanir vegna faraldursins
hafa verið á ýmsan máta og þegar
mest var máttu einungis 10 manns
koma saman. Grímuskylda var víða,
heimsóknabann var á spítölum og
hjúkrunarheimilum og sundlaug-
um var lokað um tíma.
Með breytingunum sem tóku gildi
á miðnætti fellur meðal annars
grímuskylda niður, engar fjöldatak-
markanir eru við lýði og veitinga- og
skemmtistaðir lúta ekki lengur tak-
mörkunum er varða afgreiðslutíma.
Hér má sjá myndir ljósmyndara
Fréttablaðsins, Ernis, Sigtryggs Ara
og Valla, frá tíma samkomubanns. ■
Samkomubann og grímur
loks liðin tíð hér á landi
Hópur skemmtikrafta gladdi heimilisfólk Hrafnistu í mars á síðasta ári.
Starfsmaður Krónunnar telur inn og út úr verslun á Granda. Ekki máttu vera fleiri inni í versluninni en 100 manns.
Það var fámennt á leik KR-Fjölnis í júlí á síðasta ári, þá voru áhorfendur ekki leyfðir á íþróttaleikjum.
Það var afar fámennt í Kringlunni meðan á samkomubanni stóð.
Hárgreiðslustofur voru lokaðar vikum saman á síðasta ári á meðan faraldurinn geisaði hér á landi.
Götur borgarinnar voru að mestu auðar þegar takmarkanir voru sem mestar.
Ríkisstjórnin kynnti nýjar reglur um samkomutakmarkanir í Hörpu í mars.
10 Fréttir 26. júní 2021 LAUGARDAGURFRÉTTABLAÐIÐSAMKOMUBANNI LOKIÐ FRÉTTABLAÐIÐ 26. júní 2021 LAUGARDAGUR