Ásgarður : blað starfsmanna ríkis og bæja - 15.07.1963, Blaðsíða 7

Séu kennslustundir lengri eða skemmri
en hér greinir, breytist vikuleg kennslu-
skylda sem því nemur.
Kf starfstími kennara er ekki samfelldur,
skal reikna biðtíma sem vinnutíma.
Kennsluskylda skólastjóra haldist óbreytt
frá því sem nú er.
Kennsluskylda söngkennara í barna- og
gagnfræðaskólum og kennara afbrigðilegra
barna sé 4á af kennsluskyldu almennra
kennara.
5. gr.
Vinnutími skal haldast óbreyttur hjá þeim,
sem nú kunna að hafa skemmri vikulegan vinnu-
tíma en hér er tiltekinn að framan.
Vinnutími starfsmanns skal vera samfelldur.
Breytingar og frávik frá vinnutíma þeim, er
samningur þessi ákveður, er því aðeins heimilt
að gera, að til komi samþykki viðkomandi starfs-
mannafélags.
6. gr.
Dagvinna telst á tímabilinu kl. 8—17 alla virka
daga nema laugardaga, þá telst hún kl. 8—12.
Á öðrum tímum telst yfirvinna, sem skiptist í
eftirvinnu, næturvinnu og helgidagavinnu.
Eftirvinna telst kl. 17—19 eða fyrstu tvær
vinnustundirnar eftir að fastri dagvinnu eða
vinnuvöku lýkur á virkum dögum öðrum en
laugardögum.
Næturvinna telst kl. 19—8 alla daga.
Helgidagavinna telst frá kl. 13 á laugardögum,
alla helgidaga íslenzku þjóðkirkjunnar, laugar-
dag fyrir páska, fyrsta sumardag, 1. maí, 17.
júní og á frídegi verzlunarmanna. Enn fremur
telst helgidagavinna frá kl. 13 aðfangadag jóla,
gamlársdag og 1. desember beri þá upp á virka
daga.
7. gr.
Matartímar skulu vera sem hér segir: Kl. 12—
13, kl. 19—20 og kl. 3—4, og teljast þeir ekki til
hins daglega vinnutíma.
Kaffitímar teljast til vinnutíma og skulu hjá
þeim, sem hafa 40 stunda vinnuviku eða hafa
lengri vinnuvöku en 6 klst. í senn, vera tvisvar
í hinum daglega starfstíma, 20 mínútur í hvort
sinn. Hjá þeim, er hafa skemmri vinnuviku, sé í
hinum daglega starfstíma einn kaffitími, 20 mín-
útur.
Sé unnin yfirvinna, skal vera kaffitími, 15
mín., þegar dagvinnu lýkur, en að öðru leyti séu
kaffitímar í yfirvinnu í sama hlutfalli og í hin-
um daglega vinnutíma.
Heimilt er að fella niður kaffitíma og stytta
matartíma með samkomulagi forstöðumanns og
starfsfólks á vinnustaðnum, staðfestu af við-
komandi starfsmannafélagi. Lýkur þá daglegum
starfstíma þeim mun fyrr (sbr. þó 8. gr.).
8. gr.
Yfirvinnu skal greiða með álagi á dagvinnu-
tímakaup þannig: að á eftirvinnutíma greiðist
60% álag, en unnir nætur- og helgidagatímar
svo og matartímar greiðist með 100% álagi.
Dagvinnutímakaup starfsmanns skal fundið
með því að deila með tölunni 1800 í hæsta árs-
kaup viðkomandi launaflokks.
Dagvinnutímakaup kennara skal finna á sama
hátt, með því að deila í hæsta árskaup hans með
árlegum kennslustundafjölda.
Yfirvinna skal greidd í einu lagi eftir á fyrir
hvern mánuð.
Greiða skal 6% orlofsfé af öllu yfirvinnukaupi.
9. gr.
Þegar starfsmaður er kallaður til vinnu, sem
er ekki í beinu framhaldi af daglegum vinnu-
tíma hans, skal greitt yfirvinnukaup fyrir a. m.
k. 4. klst. (Þó greiðist aðeins fyrir 2 klst. ef
vinnukvaðning reynist óþörf).
Hafi starfsmaður unnið að næturlagi og vinn-
ur síðan áfram aukavinnu, þá ber honum nætur-
vinnukaup.
Nú hefur maður unnið næturvinnu, en heldur
áfram vinnu á föstum dagvinnutíma sínum og
ber honum þá næturvinnuálag fyrir þann tíma.
Yfirvinnukaup skal greitt kennurum, sem vinna
utan hins daglega starfstíma skóla, sem er ákveð-
inn í erindisbréfi fyrir kennara útg. 1. júní 1962,
og eins þótt þeir hafi ekki þá lokið vikulegri
kennsluskyldu sinni. Einnig fyrir þá tíma, sem
kennari vinnur umfram vikulega kennsluskyldu
sína, eins þótt unnið sé á daglegum starfstíma
skólans. Sama gildir um biðtíma utan daglegs
starfstíma skóla.
Skylt er starfsmönnum undir 55 ára aldri að
vinna yfirvinnu, sem yfirboðarar telja nauðsyn-
lega. Þó er engum starfsmönnum, öðrum en þeim,
sem gegna öryggisþjónustu, skylt að vinna meiri
yfirvinnu á mánuði hverjum en 25 stundir, og
ekki meira en 250 stundir yfir árið. (Yfirvinnu-
skylda póstmanna haldist þó óbreytt frá því, sem
verið hefur).
ÁSGARÐUR 7