Morgunblaðið - 06.04.2021, Blaðsíða 32

Efni í þætti kvöldsins:
Mats Wibe Lund segir frá lífsstarfi sínu sem ljós-
myndari á Íslandi um áratuga skeið. Átthaga-
myndir hans af Íslandi hafa sína sérstöðu.
Óskar Reykdalsson forstjóri segir frá
bólusetningnum Heilsugæslunnar á Höfuð-
borgarsvæðinu og hvað er framundan hjá
aldurshópnum 67 ára og eldri.
Elín Sigrún Jónsdóttir lögmaður rekur
Búum vel sem er sérhæfð þjónusta fyrir eldri
borgara sem eru að breyta um húsnæði
eða standa í eignatengdum aðgerðum.
Þorsteinn Pálsson rifjar upp viðburðar-
ríkan starfsferli síðan hann hóf störf sem
blaðamaður árið 1970.
Umsjónarmaður er
Sigurður K. Kolbeinsson
Dagskráin
á Hringbraut
Lífið er lag
Fréttir, fólk og menning
á Hringbraut og hringbraut.is
kl. 21.00 á Hringbraut
í kvöld
Þorsteinn Pálsson
Elín Sigrún Jónsdóttir
Ingveldur Ýr mezzósópran kemur ásamt Antoníu
Hevesi píanóleikara fram á hádegistónleikum í Hafnar-
borg í dag, þriðjudag, kl. 12. Yfirskrift tónleikanna er
„Ljós og skuggi“ og á efnisskránni eru aríur eftir Cacc-
ini, Menotti og Bizet. Vegna gildandi samkomutak-
markana verða tónleikarnir haldnir fyrir tómum sal en
streymt í beinni útsendingu á vef og Facebook-síðu
safnsins. Upptakan verður einnig aðgengileg áfram að
tónleikunum loknum.
Hádegistónleikar í Hafnarborg
í beinu streymi í dag kl. 12
ÞRIÐJUDAGUR 6. APRÍL 96. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Gylfi Þór Sigurðsson og liðsfélagar hans hjá Everton
misstu af góðu tækifæri til að sækja að liðunum fyrir
ofan þá í ensku úrvalsdeildinni í knattspyrnu er liðið
þurfti að sætta sig við 1:1-jafntefli gegn Crystal Palace
á heimavelli í gær. Stuðningsmenn Manchester City
geta farið að kæla kampavínið eftir 2:0-útisigur á Lei-
cester á laugardaginn. Leið liðsins að meistaratitlinum
virðist greið. Á íþróttasíðunum er einnig fjallað um
toppslagina sem fram fóru bæði í Þýskalandi og Frakk-
landi um páskana. »27
Everton lét gott tækifæri sér úr
greipum ganga gegn Palace
ÍÞRÓTTIR MENNING
Margrét Þóra Þórsdóttir
Akureyri
„Við áttum satt best að segja von á
meiri vilja bæjarins gagnvart þessu
móti, en kemur okkur kannski ekki
algjörlega á óvart því þetta er sama
niðurstaða og var árið 2016 þegar
síðast var haldið Íslandsmót á
Jaðarsvelli,“ segir Steindór Ragn-
arsson, framkvæmdastjóri Golf-
klúbbs Akureyrar, GA. Íslandsmótið
í golfi verður haldið á Jaðarsvelli á
komandi sumri, dagana 5. til 8.
ágúst. Þátttakendur, konur og karl-
ar, verða um 150 talsins.
Golfklúbbur Akureyrar sótti um
styrk að upphæð 2 milljónir króna til
Akureyrarbæjar í því skyni að gera
völlinn sem best úr garði áður en
blásið yrði til Íslandsmóts.
Íslandsmótið fór síðast fram á
golfvellinum á Jaðri fyrir fimm ár-
um, árið 2016 og hafði þá ekki verið
haldið slíkt mót þar frá árinu 2000.
Fjölmargir fylgdust með mótinu fyr-
ir fimm árum og var m.a. bein út-
sending í sjónvarpi frá seinni dögum
mótsins sem ríflega 35 þúsund
manns horfðu á.
„Við erum mjög spennt fyrir því
að halda mótið í sumar og vonum svo
sannarlega að ekkert komi í veg fyr-
ir það,“ segir Steindór og vísar þar
m.a. í kórónuveirufaraldur sem sett
hefur strik í margan reikninginn.
„Við höfum mikinn metnað til að
hafa umgjörð alla sem best verður á
kosið,“ bætir hann við og nefnir að
leitað hafi verið til bæjarins um
styrk til að vinna að endurbótum á
vellinum fyrir mótið.
Mikil lyftistöng fyrir íþróttina
Endurbyggja þarf þrjá teiga. Þá
stendur til að lengja þrjár brautir til
að gera þær meira krefjandi fyrir
bestu kylfingana. Eins þarf að betr-
umbæta vökvunarkerfi vallarins og
leggja þar rafmagn og setja upp raf-
magnskassa svo hægt sé að dreifa
rafmagni víðar um völlinn en nú er.
Horft er til þess að notast við raf-
magnssláttuþjóna á stórum slegnum
svæðum, m.a. vegna umhverfissjón-
armiða, minni launakostnaðar og
minni kostnaðar við rekstur véla og
viðhalds. Kostnaður við fyrirhug-
aðar framkvæmdir nemur um 5,5
milljónum króna.
Fram kemur í bókun frá frí-
stundaráði Akureyrarbæjar að það
fagni því að mótið verði haldið á
Akureyri en það geti ekki orðið við
erindinu því ekki sé gert ráð fyrir
slíkum styrkveitingum í fjárhags-
áætlun. Leggur ráðið áherslu á að
íþróttafélög sæki um styrki við gerð
fjárhagsáætlunar sem fram fer að
hausti.
„Auðvitað þykir okkur miður að
bærinn sjái sér ekki fært að styrkja
okkur, þetta er stærsta golfmótið
sem haldið er á hverju ári og þar
etja allir bestu kylfingar landsins
kappi. Það er mikil lyftistöng fyrir
íþróttina á Akureyri að fá mótið í
bæinn og er ákveðinn stimpill á gott
starf hjá Golfklúbbi Akureyrar. Það
ríkir mikill metnaður í okkar her-
búðum að bjóða gestum upp á góða
upplifun. Öll aðstaða er til fyrir-
myndar og kapp er lagt á að kylf-
ingar sem leggja leið sína á Jaðars-
völl fari með eftirminnilega upplifun
í farteskinu að leik loknum,“ segir
Steindór.
Aldrei fleiri hringir
spilaðir en í fyrra
Golfklúbburinn er á mikilli upp-
leið en golfiðkun á liðnu ári jókst
umtalsvert miðað við fyrri ár. Ís-
lendingar tóku tilmælum yfirvalda
og ferðuðust í ríkum mæli innan-
lands í fyrrasumar og var Akureyri
vinsæll áfangastaður. Steindór segir
Golfklúbbinn vel hafa orðið þess var-
an, umferð um völlinn var meiri en
vanalega. Alls voru spilaðir 26.982
hringir á vellinum sem er það mesta
frá árinu 2014, ríflega 5.000 hringj-
um meira en þá og um 25% aukning
frá síðasta metári.
Völlurinn var opinn 163 daga í
fyrra, en loka þurfti 1. nóvember
vegna hertra sóttvarnareglna. Að
meðaltali voru spilaðir 166 hringir á
dag á Jaðarsvelli en ef horft er til
sumarmánaðanna, júní, júlí og ágúst
voru spilaðir að meðaltal 212 hringir
á dag, 50 fleiri á dag en var árið
2019.
Stóru mótin á sínum stað
Steindór segir komandi sumar líta
vel út náist að halda kórónuveiru-
faraldri í skefjum. Golf sé þó þannig
íþrótt að það má leika án snertingar
og með því að fylgja sóttvarna-
reglum sé hægur vandi að leika golf.
„Stóru mótin okkar eru á sínum stað
í sumar, segir Steindór og nefndir
m.a. að skráning á miðnætursólar-
mótið Arctic Open 2021 fari vel af
stað. Þegar hafa 27 erlendir kylf-
ingar skráð sig til leiks og á hann
von á að sú tala fari vaxandi á næstu
vikum. „Erlendir kylfingar voru lítið
á ferðinni í fyrrasumar vegna að-
stæðna í samfélaginu, en við vonum
að staðan verði betri á komandi
sumri,“ segir Steindór að endingu.
Undirbúa sig á Jaðri
- Íslandsmótið í golfi verður haldið á Akureyri í sumar
Morgunblaðið/Margrét Þóra
Jaðarsvöllur Steindór Ragnarsson, framkvæmdastjóri GA, fyrir utan
æfingaaðstöðu klúbbsins, Klappir, sem senn verður tekin í notkun.