Morgunblaðið - 10.04.2021, Blaðsíða 41

ÍÞRÓTTIR 41
MORGUNBLAÐIÐ LAUGARDAGUR 10. APRÍL 2021
Fátt veldur meiri deilum hjá
þeim sem fylgjast með fótbolta
en rangstaðan. Í frumbernsku
íþróttarinnar upp úr miðri 19.
öld varð rangstöðureglan til en
þá þótti nauðsynlegt að koma í
veg fyrir að sóknarmenn gætu
„hangið“ upp við mark mótherj-
anna og beðið eftir boltanum.
Rangstöðureglum hefur
síðan verið breytt nokkrum sinn-
um án teljandi vandræða en eftir
að myndbandsdómgæsla (VAR)
kom til sögunnar var komið að
nýjum kapítula í sögu hennar.
Nú hefur dómari í myndveri
tekið við af dómaranum á vell-
inum og reynir með aðstoð
tækninnar að úrskurða hvort
leikmaður sé rangstæður eða
ekki. Og virðist ekki hafa alltaf
rétt fyrir sér þótt öll þessi tækni
sé til staðar. Ný viðmið eins og
rangstæður handarkriki hafa
komið fram og endalausar tafir
á leiknum valda pirringi.
Mér líst vel á uppástungu
Marcos van Bastens, þess
magnaða markaskorara á árum
áður. Hann vill einfaldlega leggja
niður rangstöðuna. Afnema
þessa 158 ára gömlu reglu.
Þetta myndi að sjálfsögðu
breyta leiknum talsvert. Vænt-
anlega yrðu stærri svæði á vell-
inum opin og meira svigrúm fyr-
ir leikmenn. Kannski meira að
gerast í vítateigunum því þar
myndu sóknarmenn hreiðra um
sig.
Gæti þetta ekki einfaldlega
gert leikinn opnari og skemmti-
legri? Þjálfarar þyrftu að hugsa
upp nýjar leikaðferðir. Við gæt-
um losnað að mestu við VAR
(sem er stærsti kosturinn!)
KSÍ ætti að taka frumkvæði í
þessu og prófa að leika án rang-
stöðu í einhverju móti hér á
landi. Kannski mætti byrja á að
fella rangstöðuna úr gildi í fram-
lengingu leikja. Eða síðustu tíu
mínúturnar. Það yrði afar áhuga-
verð tilraun.
BAKVÖRÐUR
Víðir Sigurðsson
vs@mbl.is
ÍTALÍA
Víðir Sigurðsson
vs@mbl.is
Þorsteinn Halldórsson stýrir
kvennalandsliði Íslands í fyrsta
skipti í dag þegar það mætir Ítalíu i
vináttulandsleik í Flórens.
Þetta er fyrsti leikur liðsins frá
því það lagði Ungverja að velli 1.
desember og tryggði sér með því
sæti í lokakeppni Evrópumótsins
sem fram fer á Englandi sumarið
2022.
Þorsteinn var ráðinn í janúar, í
stað Jóns Þórs Haukssonar sem
hætti með liðið í desember. Til stóð
að hann færi með liðið á alþjóðlegt
mót í Frakklandi strax í febrúar þar
sem leika átti við Frakkland, Noreg
og Sviss, en því verkefni var aflýst
vegna útbreiðslu kórónuveirunnar.
Á sömu slóðum og Ísland
Ítalía verður á meðal mögulegra
andstæðinga Íslands á EM en
ítalska liðið komst þangað á ná-
kvæmlega sama hátt og það ís-
lenska. Ítalir höfnuðu í öðru sæti
síns undanriðils, á eftir Dönum, en
voru með bestan árangur allra liða í
öðru sæti riðlanna. Ísland var með
þann næstbesta.
Þá liggur fyrir að Ítalir verða í
öðrum styrkleikaflokki þegar dregið
verður í riðla lokakeppninnar, eru í
áttunda sæti á styrkleikalista af
þeim sextán þjóðum sem þar verða.
Ísland er í þrettánda sæti á þeim
lista og verður annaðhvort í þriðja
eða fjórða styrkleikaflokki þegar
dregið verður í riðla. Það ræðst í
næstu viku og veltur á því hvort
Sviss kemst í gegnum umspil og í
lokakeppnina eða ekki.
Komust auðveldlega á EM
Ítalska liðið fór auðveldlega í
gegnum undankeppni EM og vann
alla átta leikina gegn öðrum þjóðum
en Dönum. Ítalir töpuðu heima-
leiknum gegn Dönum 1:3 en gerðu
0:0 jafntefli í Danmörku. Ítalir unnu
síðan Bosníu, Möltu, Ísrael og
Georgíu í átta leikjum með sam-
anlagðri markatölu 36:2.
Ítalir voru ein af stórþjóðum
kvennafótboltans fram að aldamót-
um, fengu m.a. silfur á EM 1993 og
1997 og voru í átta liða úrslitum á
fyrsta heimsmeistaramótinu árið
1991. Eftir aldamót hefur Ítalía að-
eins einu sinni komist á HM, árið
2019 þegar liðið komst í átta liða úr-
slit, og tvisvar komist í átta liða úr-
slit EM, 2009 og 2013.
Dagný sett í einangrun
Ísland verður ekki með sitt sterk-
asta lið í leiknum í dag. Sara Björk
Gunnarsdóttir og Dagný Brynj-
arsdóttir, tveir burðarása liðsins,
verða ekki með. Sara er meidd og
Dagný greindist með kórónuveiruna
í fyrstu skimun þegar hún hugðist
halda til Ítalíu frá London þar sem
hún leikur með West Ham. Hún var
neikvæð í seinni skimun en þurfti
samt að fara í einangrun og hætta
við Ítalíuferðina.
Ítalir hafa hins vegar úr nær öll-
um sínum bestu leikmönnum að
velja. Framherjinn Barbara Bon-
ansea, sem leikur með Juventus og
hefur skorað 20 mörk í 48 lands-
leikjum, dró sig út úr hópnum og þá
þurftu þrír leikmenn Sassuolo að
sitja heima vegna einangrunar en
enginn þeirra hefur gert sig gildandi
með landsliðinu til þessa.
Leika með stórliðunum
Allir leikmenn Ítalíu leika með lið-
um í heimalandinu og spila með stór-
liðum á borð við Juventus, AC Mil-
an, Inter Mílanó, Fiorentina og
Roma. Reyndasti leikmaður liðsins
er Sara Gama, varnarmaður frá Ju-
ventus, sem á 102 landsleiki að baki.
Helsti markaskorarinn er Cristiana
Girelli frá Juventus sem hefur skor-
að 34 mörk í 53 landsleikjum.
Ísland og Ítalía hafa ekki mæst í
fjórtán ár og fjórir af fimm leikjum
þjóðanna til þessa fóru fram um síð-
ustu aldamót, frá 1999 til 2002, og
voru liðir í undankeppnum EM og
HM. Mikið jafnræði var með þjóð-
unum, Í undankeppni EM gerðu lið-
in 0:0 jafntefli á Laugardalsvelli og
Ítalir unnu 1:0 í Urbino. Dæmið
snerist við í undankeppni HM þar-
sem Ísland vann 2:1 á Laugardals-
velli með tveimur mörkum frá Olgu
Færseth en seinni leikurinn á eyj-
unni Sardiníu endaði 0:0.
Fimmti leikurinn var síðan leikinn
í Portúgal árið 2007, í Algarve-
bikarnum. Ítalir unnu 2:1 þar sem
Margrét Lára Viðarsdóttir skoraði
mark Íslands. Engin sem nú er í ís-
lenska landsliðinu tók þátt í þeim
leik en þrír leikmannanna spila enn
með sínum liðum, þær Sif Atladóttir,
Katrín Ómarsdóttir og Dóra María
Lárusdóttir.
Hallbera er leikjahæst
Í núverandi landsliðshópi sem
Þorsteinn valdi til ferðarinnar er
Hallbera Guðný Gísladóttir reynd-
ust með 117 landsleiki og Glódís
Perla Viggósdóttir er orðin næst-
leikjahæst með 89 leiki. Þrjár geta
spilað sinn fyrsta A-landsleik í ferð-
inni, allt leikmenn Breiðabliks, en
það eru Karitas Tómasdóttir, Haf-
rún Rakel Halldórsdóttir og mark-
vörðurinn Telma Ívarsdóttir.
Þorsteinn sagði á fréttamanna-
fundi í gær að hann myndi nota allan
hópinn vel í leikjunum tveimur við
Ítali og allir útileikmenn liðsins
myndu koma við sögu. Hann myndi
gera margar breytingar á liðinu á
milli leikjanna. „Við erum að skoða
leikmenn og munum því gera tölu-
vert miklar breytingar,“ sagði Þor-
steinn.
„Við munum reyna að halda í bolt-
ann eins mikið og við getum og
reyna að vera skapandi í okkar leik.
við verðum að vera taktísk og öguð
og förum með ákveðna hug-
myndafræði, varnar- og sóknarlega,
í leikinn,“ sagði þjálfarinn enn frem-
ur.
Leikvangur Enzo Bearzot
Leikurinn fer fram í borginni
Flórens, nánar tiltekið í úthverfinu
Coverciano, í æfingamiðstöð ítalska
knattspyrnusambandsins. Leik-
vangurinn er lítill, rúmar eitt þús-
und áhorfendur (engir fá að vera við-
staddir vegna kórónuveirunnar), og
ber nafn Enzo Bearzot, þjálfarans
sem gerði Ítali að heimsmeisturum í
karlaflokki árið 1982.
Hægt verður að fylgjast með
leiknum á Youtube-rás KSÍ og í
beinni textalýsingu á mbl.is.
Frumraunin í Flórens
- Fyrsti leikur kvennalandsliðsins undir stjórn Þorsteins Halldórssonar er í dag
- Fyrsti leikurinn gegn Ítalíu í fjórtán ár - Þrír nýliðar gætu komið við sögu
Morgunblaðið/Ómar
Sigurleikurinn Margrét Rannveig Ólafsdóttir og Olga Færseth í eina sigurleik Íslands gegn Ítalíu til þessa, á Laug-
ardalsvellinum í undankeppni HM í september árið 2001. Olga skoraði þar bæði mörkin í íslenskum sigri, 2:1.
Danski knattspyrnumaðurinn
Magnus Anbo er á leið til Stjörn-
unnar og spilar með liðinu sem
lánsmaður frá danska úrvalsdeild-
arliðinu AGF til 30. ágúst. Anbo er
tvítugur bakvörður, sem einnig
getur leikið á miðjunni, en hann
hefur verið í röðum AGF frá 2015.
Hann hefur aðeins fengið tækifæri í
tíu leikjum með aðalliði AGF, sjö
þeirra í úrvalsdeildinni, en hefur nú
framlengt samning sinn við félagið
sem ætlar honum að fá meiri
reynslu með því að spila í nokkra
mánuði í íslensku úrvalsdeildinni.
Sendur frá AGF
til Stjörnunnar
Ljósmynd/AGF
AGF Magnus Anbo leikur með
Stjörnunni út ágústmánuð.
Knattspyrnumaðurinn Hákon Rafn
Valdimarsson, markvörður Gróttu,
er á leiðinni til sænska úrvalsdeild-
arfélagsins Elfsborg. Þetta herma
heimildir mbl.is. Viðræður milli fé-
laganna hafa staðið yfir að und-
anförnu og ganga vel og er búist
við því að Hákon Rafn skrifi undir
samning við Elfsborg á allra næstu
dögum. Hákon Rafn er aðeins 19
ára gamall en hefur þrátt fyrir það
verið aðalmarkvörður Gróttu und-
anfarin þrjú tímabil, þar sem hann
hefur leikið 55 deildarleiki í þrem-
ur efstu deildum Íslandsmótsins.
Hákon Rafn á
leið til Svíþjóðar
Morgunblaðið/Eggert
Elfsborg Hákon Rafn Valdimarsson
skrifar undir á næstu dögum.
Lilja Alfreðsdóttir, mennta- og
menningarmálaráðherra, segir það
vera forgangsmál hjá stjórnvöldum
að koma íþrótta- og æskulýðsstarfi
aftur af stað. Allt íþróttastarf ligg-
ur niðri til 15. apríl hið minnsta
vegna hertra reglna um sóttvarna-
ráðstafanir hér á landi. Lilja sagði á
Facebook-síðu sinni í gær að það
væri markmið yfirvalda að leyfa
íþróttastarfi að hefjast aftur sem
fyrst, forgangsmál að koma íþrótta-
og æskulýðsstarfi af stað, enda væri
um mikilvægt lýðheilsumál að
ræða.
„Nú er markmiðið að íþróttastarf
geti hafist samhliða sóttvarna-
ráðstöfunum. Fram hefur komið að
mikil þörf er á að fyrirsjáanleiki
aukist um hvernig skipulagi verði
háttað. Mikilvægt er að samræmi sé
í takmörkunum í skólastarfi og
íþrótta- og æskulýðsstarfi ásamt
því að tryggja að skipulag íþrótta-
starfs sé sambærilegt í alþjóðlegu
samhengi, eins og frekast er unnt.
Við í mennta- og menningarmála-
ráðuneytinu höfum í samstarfi við
heilbrigðisráðuneytið og sóttvarna-
lækni unnið að því að undirbúa að
umrædd starfsemi geti hafist við
fyrsta tækifæri,“ sagði Lilja.
Í forgangi að
koma íþrótt-
um af stað