Morgunblaðið - 12.04.2021, Síða 13

FRÉTTIR 13Erlent
MORGUNBLAÐIÐ MÁNUDAGUR 12. APRÍL 2021
Missið ekki af áhugaverðum þætti um starfsemi Klíníkurinnar Ármúla þar sem rætt er við
Hjálmar Þorsteinsson sérfræðing í bæklunarskurðlækningum ummikilvægi liðskipta-
aðgerða og þá þjónustu sem Klíníkin býður einstaklingum sem eru tilbúnir til að greiða
úr eigin vasa.
Þátturinn var áður á dagskrá Hringbrautar í september 2019.
Hringbraut næst á rásum
7 (Síminn) og 25 (Vodafone)
ATVINNULÍFIÐ Á dagskráHringbrautar
í kvöld kl. 20.00
Einkarekin heilbrigðisþjónusta á tímum biðlista – fyrri hluti
Liðskiptaaðgerðir í Klíníkinni Ármúla í þættinum Atvinnulífið
sem er á dagskráHringbrautar kl. 20.00 í kvöld
• Klíníkin býður upp á liðskiptaaðgerðir sem uppfyllir kröfur embætti landlæknis um eðlilegan biðtíma.
• Skurðstofur eru af fullkomnustu gerð og þægindi á legudeild til fyrirmyndar.
• Sjúkratryggingar Íslands taka enn ekki þátt í kostnaði við þessar aðgerðir.
Stefán Gunnar Sveinsson
sgs@mbl.is
Rússnesk stjórnvöld lýstu því yfir í
gær að þau stefndu ekki að átökum
við Úkraínumenn, en mjög hefur
fjölgað í herliði Rússa við landamær-
in að Úkraínu á undanförnum dögum
og vikum. Antony Blinken, utanrík-
isráðherra Bandaríkjanna, varaði í
gær Rússa við „árásargirni“ gagn-
vart Úkraínumönnum, og sagði að
því myndu fylgja „alvarlegar afleið-
ingar“.
Blinken sagði í samtali við frétta-
stofu NBC að Bandaríkjastjórn
hefði þungar áhyggjur af hersöfnun
Rússa á landamærunum, en átök
milli rússneskumælandi aðskilnaðar-
sinna og stjórnarhers Úkraínu hafa
færst í aukana á undanförnum vik-
um. Sagði Blinken að Bandaríkja-
menn væru í nánum samskiptum við
bandamenn sína í Evrópu vegna
málsins, og að þeir deildu allir
áhyggjum sínum af ástandinu.
Munu ekki sitja hjá
Dímítrí Peskov, talsmaður Vla-
dimírs Pútín Rússlandsforseta, sagði
í gær að Rússar stefndu ekki að
átökum við Úkraínumenn, en að þeir
myndu heldur ekki sitja hjá ef örlög
rússneskumælandi fólks væru í húfi.
Sagði Peskov að enginn tæki í mál
þann möguleika að styrjöld brytist
út. Þá kæmi heldur ekki til greina að
borgarastyrjöld hæfist í Úkraínu.
Þá sagði Peskov að rússnesk
stjórnvöld væru að gera allt sem í
þeirra valdi stæði til þess að leysa
málin á friðsaman hátt.
Stjórnvöld í Úkraínu lýstu því yfir
í gær að þau hefðu engin áform um
að sækja að rússneskumælandi að-
skilnaðarsinnum, sem ráðið hafa
ríkjum í héruðum Donetsk og Luh-
ansk frá árinu 2014, þar sem slíkar
aðgerðir myndu óumflýjanlega hafa í
för með sér mikið mannfall meðal
hermanna og óbreyttra borgara.
Volodymyr Zelenskí, forseti
Úkraínu, heimsótti í gær Recep Ta-
yyip Erdogan Tyrklandsforseta, en
Tyrkir tilkynntu fyrir helgi að þeir
myndu hleypa tveimur bandarískum
herskipum inn í Svartahaf. Ríki sem
ekki eiga strandlínu að Svartahafi
verða að tilkynna með tveggja vikna
fyrirvara áður en þau senda herskip í
gegnum sundin sem aðskilja það frá
Miðjarðarhafi.
Sagði Erdogan á blaðamanna-
fundi eftir fund forsetanna að Tyrkir
vildu tryggja að Svartahaf yrði
áfram „haf friðar og samvinnu“ og að
deilur Rússa og Úkraínumanna yrði
að leysa með friðsömum hætti og
virðingu fyrir fullveldi Úkraínu.
Sagði Erdogan jafnframt að Tyrkir
væru reiðubúnir til að aðstoða við að
stilla til friðar, en um leið að þeir
myndu aldrei viðurkenna yfirtöku
Rússa á Krímskaga árið 2014.
Ætlunin að þrýsta á Úkraínu
Um 13.000 manns hafa fallið í
skærum og átökum í austurhluta
Úkraínu frá árinu 2014, en vopnahlé
hefur ríkt að nafninu til frá því í júlí
síðastliðnum. Engu að síður hafa nú
um fimmtíu manns látist beggja
vegna víglínunnar frá áramótum, og
er það svipað mannfall og í fyrra.
Vestrænir stjórnmálaskýrendur
telja markmið Rússa með herflutn-
ingum sínum ekki vera undirbúning
innrásar, heldur sé tilgangurinn að
beita Úkraínumenn þrýstingi til að
veita héruðunum tveimur sem að-
skilnaðarsinnar ráða yfir meiri rétt-
indi. Slíkar kröfur mælast hins vegar
illa fyrir í Úkraínu, en stjórnvöld þar
hafa heitið því að einn dag muni þau
endurheimta Krímskagann úr hönd-
um Rússa.
Segjast ekki stefna að átökum
- Aukin spenna við landamæri Rússlands og Úkraínu - Blinken varar Rússa við „árásargirni“ gagn-
vart nágrönnum sínum - Úkraínumenn útiloka hernaðaraðgerðir gegn aðskilnaðarsinnum í austri
„Þetta er alvarlegasta inngripið
sem við höfum séð frá innrás-
inni í Krímskaga árið 2014,“
segir Njáll Trausti Friðbertsson,
þingmaður Sjálfstæðisflokksins
og fulltrúi í Íslandsdeild NATO-
þingsins, í samtali við Morg-
unblaðið. Hann segir að ekki
hafi verið haldnir formlegir
fundir um málið, en að þingið
muni funda í dag og á morgun
og afar líklegt sé að málefni
Úkraínu verði rædd þar. „Það er
fylgst mjög náið með stöðunni
þarna,“ segir Njáll Trausti.
Fylgst náið
með stöðunni
ATLANTSHAFSBANDALAGIÐ
AFP
Á víglínunni Zelenskí Úkraínuforseti (annar frá vinstri) kannaði aðstæður við víglínuna á föstudaginn.