Morgunblaðið - 29.04.2021, Qupperneq 22

SKÁK
Helgi Ólafsson
helol@simnet.is
Baráttan um titilinn Skákmeistari
Íslands 2021 virðist ætla að verða á
milli Jóhanns Hjartarsonar og
Hjörvar Steins Grétarssonar. Jó-
hann, sem varð Íslandsmeistari í
fyrsta sinn árið 1980, þá 17 ára
gamall, stefnir að sínum sjöunda
titli en Hjörvar hefur aldrei sigrað
á Íslandsþinginu þótt oft hafi litlu
mátt muna. Hann byrjaði fremur
illa á mótinu en hefur nú unnið
þrjár skákir í röð. Jóhann vann Sig-
urbjörn Björnsson í gær og Hjörv-
ar vann Alexander Oliver Mai. Ekki
lágu öll úrslit fyrir en staðan í skák
Guðmundar Kjartanssonar og
Braga Þorfinnssonar var jafn-
teflisleg og einnig staðan í skák
Helga Áss Grétarssonar og Hann-
esar Hlífars Stefánssonar.
Staðan fyrir tvær síðustu umferð-
irnar var þessi: 1. Jóhann Hjart-
arson 5½ v. (af 7) 2. Hjörvar Steinn
Grétarsson 5 v. 3. Vignir Vatnar
Stefánsson 4½ v. 4.-7. Helgi Áss
Grétarsson, Bragi Þorfinnsson,
Guðmundur Kjartansson og Hann-
es Hlífar Stefánsson 3½ vinning
hver og skák ólokið þegar blaðið fór
í prentun. 8. Björn Þorfinnsson 2 v.
9. Sigurbjörn Björnsson 1 v. 10. Al-
exander Oliver Mai ½ v.
Í áttundu og næstsíðustu umferð,
sem tefld verður í dag, mun Jóhann
tefla við Braga Þorfinnsson og hef-
ur hvítt en Hjörvar teflir við Helga
Áss Grétarsson og hefur svart. Í
lokaumferðinni á föstudaginn teflir
Jóhann svo við Hannes Hlífar Stef-
ánsson en Hjörvar mætir Sig-
urbirni Björnssyni.
Hinn átján ára gamli Vignir
Vatnar Stefánsson hefur náð góðum
árangri í mótinu og í gær vann
hann Björn Þorfinnsson næsta auð-
veldlega. Björn setti sér það mark-
mið að verða ofar bróður sínum á
þessu Íslandsmóti, virtist á góðri
leið að því marki er hann sneri töp-
uðu tafli í vinning gegn Jóhanni
Hjartarsyni en hefur ekki náð að
fylgja því eftir. Skák hans í gær
gegn Vigni Vatnari gekk þannig
fyrir sig:
Skákþing Íslands 2021; 7. um-
ferð:
Björn Þorfinnsson – Vignir
Vatnar Stefánsson
Tarrasch-vörn 1. d4 e6 2. c4 Rf6
3. Rf3 d5 4. e3 a6 5. b3 c5 6. cxd5
Rxd5 7. Be2 cxd4 8. Rxd4 Bb4+ 9.
Bd2 Bc5 10. Rc3 Bxd4 11. exd4
Re7 12. Be3 Bd7 13. f3 Bc6 14.
Dd2 Rd5 15. Bf2 Rxc3 16. Dxc3
Bd5 17. 0-0 Rc6 18. Dc5 De7 19.
Hab1 0-0 20. a3 Hfc8 21. Hfc1 Dd8
Svartur hefur fengið heldur betri
stöðu eftir byrjunina og hótar máti.
22. … Ra5. Björn hugðist koma í
veg fyrir þann leik …
22. Bg3?
22. … Bxb3!
Með hugmyndinni 23. Hxb3 Ra5!
og vinnur.
23. Bf2 Bd5 24. Db6 Dxb6 25.
Hxb6 Ra5 26. Hc5 Rb3! 27. Hxd5
Hc1+!
Sterkur millileikur sem tryggir
sigurinn.
28. Be1 exd5
– og hvítur gafst upp.
Jóhann Hjartarson
efstur á Íslandsmótinu
- Hjörvar Steinn
ekki langt undan
Morgunblaðið/Kristinn Magnússon
Efstu menn Jóhann Hjartarson t.h. við taflið í gær. Helsti keppinautur
hans, Hjörvar Steinn Grétarsson, fylgist með.
22 FRÉTTIRInnlent
MORGUNBLAÐIÐ FIMMTUDAGUR 29. APRÍL 2021
SÓLGLERAUGU
frá Aspinal of London
LAUGAVEGI 24 - REYKJAVÍK - S. 552
SKIPAGÖTU 7 - AKUREYRI - S. 462 4646
Laugavegi 178,105 Rvk. | Sími 551 3366 | www.misty.is
Opið virka daga: 12.00-18:00 Laugardagar 11:00-15:00
Endingagóðar og flottar
herra boxer buxur úr
micro-fiber og bómull
Stærðir: S-XXL
Verð 1.990,-
SKÁK
Helgi Ólafsson
helol@simnet.is
Rússneski stórmeistarinn Jan Nep-
omniachtchi verður áskorandi norska
heimsmeistarans Magnúsar Carlsen
en einvígi þeirra mun fara fram í
Dúbaí í Sameinuðu arabísku fursta-
dæmunum og hefst 26. nóvember nk.
og lýkur í síðasta lagi 16. desember.
Nepo hafði tryggt sér áskorunarrétt-
inn fyrir síðustu umferð áskorenda-
mótsins. Áskorendamótið hófst í
Yekaterinburg í Rússlandi fyrir
rösku ári, var frestað í miðjum klíð-
um vegna Covid-faraldursins og
hófst aftur upp úr miðjum apríl. Það
var greinilegt á taflmennsku Nepos í
síðustu umferð þegar hann tefldi við
Kínverjann Liren að spennufallið var
mikið og hann tapaði skákinni án
þess að sjá til sólar.
Á þeim tímapunkti gat Hollending-
urinn Anish Giri náð honum að vinn-
ingum en þar sem fyrir lá að Nepo
yrði alltaf hærri á Sonneborg-
Berger-stigum var eins og allur vind-
ur væri úr Giri og hann tapaði fyrir
Alekseenko sem þá var neðstur og
varð að láta sér lynda 3.-4. sætið.
Lokaniðurstaðan varð þessi: 1.
Nepomniachtchi 8½ v (af 14). 2.
Vachier-Lagrave 8 v. 3.-4. Giri og
Caruana 7½ v. 5.-7. Grischuk og Li-
ren Ding 7 v. 7. Alekseenko 5½ v. 8.
Wang Hao 5 v.
Nepo og Magnus Carlsen eru jafn-
aldrar, báðir fæddir árið 1990. Þeir
tefldu oft saman á barna- og ung-
lingamótum og hafði Rússinn þá oft-
ast betur. Þeir hafa teflt 11 skákir
með venjulegum umhugsunartíma og
staðan er 7:4 Nepo í vil. Talið er að
hann hafi aðstoðað Norðmanninn í
heimsmeistaraeinvíginu við Anand
sem fram fór í Sotsjí við Svartahaf
árið 2014. Nepo hefur átt fast sæti í
landsliði Rússa og tefldi hér á landi
fyrir Rússa á Evrópumóti landsliða í
Laugardalshöll 2015. Þar var til sýnis
einvígisborðið frá einvígi Fischers og
Spasskís og líkur eru á því að eftirlík-
ing þess verði smíðuð og notuð í ein-
víginu í Dúbaí.
Þessi þrítugi Rússi er viðkunnan-
legur náungi en um hans persónu-
legu hagi er ekki mikið vitað; hann er
gyðingur eins og margir af þekktustu
skákmönnum Rússa í gegnum tíðina,
hefur talsverðan áhuga á tölvu-
leikjum og gengur stundum í bol
merktum vinsælum leik sem ber
nafnið DOTA 2. Hann þakkaði sigur
sinn í Yekaterinburg mikilli vinnu-
semi á undanförnum árum og nefndi
alveg sérstaklega hvað sér hefði liðið
vel í grænum stól sem hann sat í í öll-
um skákum seinni hluta keppninnar.
Bæði hann og Magnús Carlsen eru
taldir gernýta sér hugbúnað Alpha
Zero við undirbúning fyrir mikil-
vægar keppnir.
Þó að skákin hafi, eins og aðrar
keppnisgreinar, mátt þola miklar
takmarkanir vegna Covid hefur
greinin samt verið í mikilli sókn,
beinar útsendingar frá skák-
viðburðum njóta vaxandi vinsælda og
fréttamiðlar á borð við Reuters, Wall
Street Journal, Telegraph, Guardian
og Financial Times fjölluðu reglulega
um áskorendamótið. Ekki verður
áhuginn minni í haust þegar heims-
meistaraeinvígið fer fram og bar-
áttan fer væntanlega fram á eftirlík-
ingu borðs sem notað var í
heimsmeistaraeinvíginu í Reykjavík
árið 1972.
Áskorandinn Jan Nepomniachtchi í græna stólnum í Yekaterinburg.
Nepomniachtchi
teflir við Carlsen
um titilinn
- Beinar útsendingar frá skákvið-
burðum njóta vaxandi vinsælda