Morgunblaðið - 11.06.2021, Side 13

FRÉTTIR 13Erlent
MORGUNBLAÐIÐ FÖSTUDAGUR 11. JÚNÍ 2021
Ágúst Ásgeirsson
agas@mbl.is
Joe Biden, forseti Bandaríkjanna, lagði á það
áherslu í viðræðum sínum við Boris Johnson,
forsætisráðherra Bretlands, í gær að láta deilur
við Evrópusambandið (ESB) um stöðu Norður-
Írlands gagnvart Brexit-samningnum ekki bitna
á friðarferlinu þar í landi. Johnson sagði eftir
fundinn að Bretar, ESB og Bandaríkjamenn
væru sammála um að varðveita friðarferlið á
sama tíma og spenna kraumar undir í kjölfar
Brexit.
Biden hóf sína fyrstu utanför eftir kosningar á
því að vara Rússa við því að þeir kalli yfir sig
„kraftmiklar og merkingarfullar“ afleiðingar
leggi þeir fyrir sig „skaðlegar aðgerðir“.
Biden og Johnson funduðu í baðstrandarbæn-
um Carbis Bay á Cornwall-skaga en þar funda
einnig leiðtogar sjö helstu iðnríkja heims í dag
og á morgun. Er þetta í fyrsta sinn sem þeir
koma saman eftir að kórónuveiran tók flugið fyr-
ir hálfu öðru ári. Lagði Biden þunga áherslu á
það við Johnson að staðið yrði við friðarsamning-
inn á Norður-Írlandi.
Johnson og Biden settust niður til viðræðna
klukkan tvö að íslenskum tíma en þetta var
fyrsti fundur þeirra eftir kjör Bidens sem for-
seta Bandaríkjanna. Ræddu þeir um bólusetn-
ingar vegna kórónuveirunnar og um nýjan „Atl-
antshafsáttmála“ um sérstök bönd Banda-
ríkjanna og Bretlands. Verður hann uppfærsla
til nútímans á sáttmálanum sem Winston Churc-
hill og Franklin Roosevelt sömdu árið 1941.
Í hinum nýja sáttmála verður áhersla á ýmsar
áskoranir, þ. á m. loftslagsmál og öryggismál.
Þeir urðu og sammála um að koma flugsam-
göngum yfir Atlantshafið aftur í eðlilegt horf en
veirufaraldurinn hefur lamað þær. Munu leið-
togarnir hafa orðið sammála um skipan starfs-
hóps til að gera tillögur um hvernig koma megi
alþjóðaflugi aftur í gang á öruggan hátt, en eft-
irspurn eftir flugferðum hrundi í faraldrinum.
Fyrir faraldurinn var flugleiðin yfir Atlantshafið
ein sú fjölfarnasta í heimi en rúmlega fimm
milljónir manna hafa farið árlega frá Bretlandi
til Bandaríkjanna og 4,5 milljónir frá vestri til
austurs.
Deila Bretlands og ESB um Norður-Írland
og eftirlit með vörum á leið til Norður-Írlands
frá Bretlandi mun að líkindum verða áberandi í
Cornwall um helgina en erfiðlega hefur gengið
að ná málamiðlun í þeirri þrætu í viðræðum
diplómata síðustu vikur og daga. Forfeður Bi-
dens voru frá Írlandi, sem skýrir áhuga hans á
héraðinu. Sagði hann í gær að ekki mætti stofna
friðarsamkomulaginu fyrir Norður-Írland, sem
kennt er við föstudaginn langa, í óvissu út af
viðskiptaþrætu.
Norður-Írland fékk sérstaka stöðu í útgöngu-
samkomulagi Brexit-viðræðnanna. Þó að reglur
ESB gildi ekki lengur í Englandi, Skotlandi og
Wales er því öðruvísi farið í Norður-Írlandi þar
sem héraðið deilir landamærum við Írland sem
er aðili að ESB.
Til að komast hjá efnislegum landamærum
milli landanna tveggja – og þar með bjarga frið-
arsamkomulaginu – sömdu fulltrúar ESB og
Bretlands um að tollskoðun varnings á leið til
Norður-Írlands færi fram annars staðar í kon-
ungdæminu. Norðurírskir sambandssinnar
sögðu það í raun færa landamærin út í Írlands-
haf, sem þeir væru andvígir. Hefur flutninga-
keðjan flækst vegna deilnanna og raskanir orðið
á vörusendingum.
Um helgina bíður þeirra Johnsons og Bidens
fundur sjö helstu iðnvelda heims en fundarstað-
urinn er í Cornwall, sýslu yst á skaganum á suð-
vesturhorni Englands, en þar var keltneskt ríki
til forna.
Samhljómur um Norður-Írland
- Biden varar Rússa við afleiðingum þátttöku í skaðlegum aðgerðum - Hittir Pútín í Genf í næstu viku
AFP
Sérstaka sambandið Joe Biden og Boris Johnson fóru í stutta gönguferð með eiginkonum sín-
um, Jill (l.t.v.) og Carrie (l.t.h.), við Carbis Bay-hótelið í Cornwall fyrir fund þeirra í gær.
Dönsk yfirvöld tilkynntu í gær um
slökun á ýmsum reglum um andlits-
grímur sem gripið var til í stríðinu
gegn kórónuveirunni. Takmarkið er
að allar reglur um grímuburð renni út
1. október nk. Sama dag þurfa ferða-
menn ekki lengur að bera skilríki um
bólusetningu vegna kórónuveirunnar.
„Við munum þá geta gert allt sem
við höfum saknað því við vitum að við
höfum náð undirtökum í glímunni við
faraldurinn,“ sagði Magnus Heunicke
heilbrigðisráðherra á blaðamanna-
fundi í gær.
Grímur þarf ekki að bera fyrir vit-
um sér frá og með 14. júní nema
standandi farþegar og sitjandi á há-
annatíma í almenningssamgöngu-
tækjum. Þeim takmörkunum verður
síðan alfarið aflétt 1. september.
Börum og veitingahúsum verður
heimilt að hafa opið til miðnættis frá
og með deginum í dag, 11. júní. Frá
15. júlí lengist afgreiðslutími þeirra til
klukkan tvö að nóttu. Heimilt verður
að opna næturklúbba að nýju frá 1.
september en til 1. október þurfa
gestir þeirra að framvísa skírteini um
bólusetningu, svonefndum „kórón-
upassa.“.
Allt að 10.000 manns geta samtímis
sótt almenna viðburði frá 14. júní, þó
með þeirri undantekningu að 25.000
manns geta sótt hvern fjögurra leikja
í EM í fótbolta sem leiknir verða í
Danmörku. agas@mbl.is
Danir slaka á
grímureglum
- Áhorfendum á EM fjölgað í 25.000
AFP
Danmörk Magnus Heunicke sýnir
kórónupassa á Kastrup-flugvelli.
Vaxandi tilhneigingar gætir í
Bretlandi til að brúka bítandi
blótsyrði í daglegu lífi, samkvæmt
rannsókn breska kvikmyndaeftir-
litsins (BBFC).
Um þriðjungur íbúa blótar
harðar nú en fyrir fimm árum, að
sögn stofnunarinnar sem fæst við
flokkun kvikmynda.
Í rannsókninni kom fram að
foreldrar vilja ekki slaka á ald-
ursbundnu aðgangsbanni vegna
harðnandi blótsyrða í kvikmynda-
húsum og á DVD-diskum. Vilji
foreldrar verja börn sín fyrir blóti
eins lengi og frekast er unnt.
Í skýrslu um rannsóknina sem
náði til 1.000 einstaklinga segir
að sex af hverjum tíu brúki harð-
ari blótsyrði dags daglega.
Þriðjungur er líklegri til að
blóta en fyrir fimm árum en
áberandi kynslóðaskipti sjást því
18 til 34 aldurshópurinn er mun
líklegri til að brúka grófan
munnsöfnuð dags daglega og
vera ónæmur fyrir áhrifum
hans.
Í röðum aldraðra vex umburð-
arlyndi gagnvart blótsyrðum
ekki eins og hjá yngra fólki. Í
þeim hópi eru hörð blótsyrði enn
forboðin en 75% fólks 65 og
eldra segist ekki blóta sterkt á
almannafæri. agas@mbl.is
Bretar blóta býsnin öll
AFP
Orðhvass Boris Johnson á það til að
vera hvass í orðaskiptum.
SKVÍSAÐU ÞIG UPP
FYRIR SUMARIÐ
STÆRÐIR 1428
Sundkjóll
15.990 kr
Stærðir 42-56
Bikiní haldari
8.990 kr
C-H skálar
Bikiní haldari
8.990 kr
Stærðir 42-54
Verslunin CURVY | Fellsmúla 26 við Grensásveg, 108 RVK | Sími 581-1552 | www.curvy.is
Þú getur skoðað úrvalið og pantað í
netverslun www.curvy.is
Opið í verslun Curvy
alla virka daga frá kl. 11-18 &
laugardaga frá kl. 11-16
Verð
Verið velkomin
í sjónmælingu
Hamraborg 10, Kópavogi, sími 554 3200
Opið: Virka daga 9.30–18, laugardaga 11-14