Morgunblaðið - 24.07.2021, Qupperneq 35

MENNING 35
MORGUNBLAÐIÐ LAUGARDAGUR 24. JÚLÍ 2021
Meira en hundrað teikningar í póst-
kortastærð eftir japanska lista-
manninn Katsushika Hokusai, sem
British Museum eignaðist 2019,
verða senn til sýnis í fyrsta sinn í um
200 ár. Þessu greinir The Guardian
frá. Þar er haft eftir Hartwig Fisc-
her, forstjóra safnsins, að teikning-
arnar séu „óvenjulegar og ein-
stakar“ og enduruppgötvun þeirra
„lygileg“.
Hokusai er þekktastur fyrir
myndina „Aldan mikla“ sem er eitt
þekktasta og mest endurnotaða
listaverk allra tíma, að því er segir í
grein The Guardian. Áhrif Hokusai
á 19. aldar evrópska impressjónista,
þeirra á meðal Vincent van Gogh,
voru geysimikil. Í kringum 1840,
þegar Hokusai var á níræðisaldri,
hóf listamaðurinn að vinna að nýju
verkefni sem nefnist Myndabókin
mikla um allt, þar sem hann gaf
ímyndunarafli sínu lausan taum.
Bókin kom aldrei út heldur enduðu
teikningarnar ofan í kassa og hafa
aldrei verið birtar almenningi í heild
sinni. Lítið er vitað um tilveru teikn-
inganna annað en að þær komust í
eigu Henri Vever, skartgripasala
sem safnaði japanskri list og lést
1942. Þær voru boðnar upp á upp-
boði í París 1948 og enduðu í einka-
eigu þar sem almenningur gleymdi
þeim.
Myndirnar birtust óvænt á upp-
boði í París 2019 þar sem British
Museum keypti þær fyrir hátt í 47
milljónir íslenskra króna. Fischer
bendir á að myndirnar hafi verið
teiknaðar á tímum þegar Japan var
lokað land. „Samskipti við umheim-
inn voru takmörkuð og undir
ströngu eftirliti,“ segir Fischer og
rifjar upp að Japanir hafi ekki mátt
ferðast innanlands nema með opin-
beru leyfi. „Þetta eru aðstæður sem
við könnumst mörg við í dag,“ segir
Fischer og bendir á að undir þessum
kringumstæðum hafi verið stór-
merkilegt að Hokusai hafi með
myndum sínum einsett sér að teikna
allt milli himins og jarðar. Á teikn-
ingunum má sjá trúarlegar og goð-
sagnalegar fígúrur sem og dýr og
blóm. Segir hann myndirnar búa yfir
„takmarkalausri hugvitssemi, hár-
fínum húmor og djúpri mennsku“.
Alfred Haft sýningarstjóri segir
allar 103 teikningarnar vera ger-
semar „þar sem hver og ein þeirra
sýnir okkur hvernig frjór hugur og
lífleg hönd vinna saman“. Segir hann
hendingu hafa ráðið því að teikning-
arnar varðveittust. Hefði bókin verið
gefin út hefðu teikningarnar eyði-
lagst í prentferli þess tíma. Mynd-
irnar eru allar aðgengilegar á vef
safnsins og verða til sýnis á sýningu
sem opnuð verður í september.
Ljósmynd fengin af vef British Museum
Vinsæll Aldan mikla er þekktasta verk japanska listamannsins Hokusai.
„Hugvitssemi“
- Yfir hundrað teikningar eftir
Hokusai loks fyrir sjónir almennings
Risamúmía við strönd Síle minnir á að þar í landi má
finna elstu múmíur heims. Umræddar múmíur eru að
minnsta kosti 7.000 ára gamlar. Nefnd Menningar-
stofnunar Sameinuðu þjóðanna um heimsminjar hefur
frá miðjum mánuði fundað í borginni Fuzhou í Kína og
mun þar taka afstöðu til þess hvaða minjar bæta skuli á
heimsminjaskrá Unesco. Meðal þeirra minja sem til
greina kemur að setja á skrána eru múmíurnar gömlu í
Síle. Samkvæmt frétt AFP ætti niðurstaða að liggja
fyrir undir lok júlímánaðar í seinasta lagi.
AFP
Múmíurnar minna á sig í Síle
Tíu ár voru í gær liðin frá andláti
bresku tónlistarkonunnar Amy
Winehouse sem lést langt fyrir aldur
fram aðeins 27 ára gömul. Þann
sama dag birti BBC frétt þess efnis
að mögulega standi til að gefa út áð-
ur óútgefið efni með söngkonunni.
Talið er að David Joseph, yfirmaður
útgáfunnar sem Winehouse starfaði
hjá, hafi viljandi eyðilagt flestallar
óútgefnar upptökur með Winehouse
eftir andlát hennar til að koma í veg
fyrir misnotkun þeirra.
Samkvæmt frétt BBC luma for-
eldrar Winehouse á upptökum af
söng dóttur sinnar. „Við höfum
fundið efni hér og þar. Diskarnir eru
illa farnir, en okkur hefur verið tjáð
að mögulega sé hægt að endur-
heimta hluta efnisins. Þetta verður
mögulega ekki eins gott og Back To
Black, en miðað við hljóðdæmin sem
ég hef heyrt er þetta engu að síður
gott,“ segir Mitch Winehouse, faðir
tónlistarkonunnar.
Um mun vera að ræða upptökur
af lögum sem Winehouse samdi áður
en hún varð fræg. Mitch Winehouse
segir upptökurnar geta veitt innsýn
í hvernig dóttir hans þróaðist sem
lagahöfundur.
Útgáfan er eitt af nokkrum verk-
efnum sem dánarbú söngkonunnar
vinnur að um þessar mundir, en
meðal annarra verkefna er leikin
mynd um ævi hennar og söngleikur
sem hugsaður er fyrir leiksvið. For-
eldrar tónlistarkonunnar viður-
kenna að eftir andlát dóttur þeirra
hafi þeim reynst mjög erfitt að
hlusta á upptökur með henni.
„Fyrstu fimm árin gat ég ekki horft
á myndbönd eða hlustað á tónlist-
ina,“ segir Mitch Winehouse. Janis
Winehouse, móðir Amy, segir það
hjálpa sér í sorginni að halda minn-
ingu dóttur sinnar á lofti.
Gæti nýtt efni verið á leiðinni?
AFP
Farin Amy Winehouse árið 2007 á
tónleikum á tónlistarhátíð í Belfort.
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
SCARLETT
JOHANSSON
FLORENCE
PUGH
DAVID
HARBOUR
O–T
FAGBENLE
RAY
WITHWINSTONE
RACHEL
ANDWEISZ
SÝND MEÐ ÍSLENSKU
OG ENSKU TALI