Fiskifréttir - 28.09.1990, Blaðsíða 9

föstudagur 28. september
9
íslenska sjávarútvegssýningin
R. Sigmundsson hf:
Sodena Turbo 2000
— plotter og veiðitölva með ýmsum tengingarmöguleikum
Norfo-stykkjaskurðarvélin.
Ný stykkjaskurðarvél
— frá danska fyrirtækinu Norfo
— Við lögðum mest upp úr því
að sýna tæki fyrir stærri skip og
þótt það sé ailtaf erfitt að gera upp
á milli tækja, held ég að það fari
ekki á milli mála að franski Sodena
Turbo 2000 plotterinn og veiðitölv-
an vöktu mesta athygli. Það var
einnig mikið spurt um GPS —
gervitunglastaðsetningartækin frá
Navstar og það er greinilegt að ís-
lenskir skipstjórnarmenn eru að
búa sig undir GPS — byltinguna,
sagði Trausti Ríkarðsson, fram-
kvæmdastjóri R. Sigmundssonar
hf., í samtali við Fiskifréttir.
Sodena Turbo 2000 plotterinn
og veiðitölvan er nýjung hjá R.
Sigmundssyni hf. en þetta nýja
tæki er hægt að tengja ýmsum bún-
aði um borð í skipum, auk þess
sem það er hægt að nota sem
venjulega tölvu, tölvuplotter og
veiðidagbók. Meðal tengingar-
möguleika eru t.a.m. tenging við
fleiri en eitt leiðsögutæki, ARPA
radar, Loran C og GPS — stað-
setningarkerfi, sjálfstýringu og
fjarskiptatæki.
— GPS — tækin vöktu einnig
mikla athygli en GPS mun þegar til
lengri tíma er litið leysa Loran C
kerfið af hólmi. Það er mun ná-
kvæmara en Loran C en reyndar er
það enn ekki fullkomnað. Það er
núna virkt alls 23 klukkutíma á sól-
arhring en innan tíðar, þegar búið
verður að koma fleiri gervitungl-
um á braut, mun það virka allan
sólarhringinn. Þetta kerfi er í eigu
bandarískra heryfirvalda og von-
andi verða sem mest not af því í
framtíðinni, sagði Trausti en af
öðrum tækjum sem vöktu athygli
sýningargesta, nefndi hann sér-
staklega nýjan Kaijo Denki sónar
og höfuðlínumæli, sem leysa eldri
gerðir af hólmi, og eins nýjan
Kelvin Hughes radar.
Danska fyrirtækið Norfo hefur
ekki verið mikið þekkt hér á landi
en framleiðsluvörur þess vöktu
talsverða athygli á íslensku sjávar-
útvegssýningunni. Fyrirtækið
framleiðir m.a. vélar sem skera
fiskstykki, 20 til 300 grömm að
þyngd, myndgreiningartæki sem
stærðarflokka saltfisk og flæðilín-
ur fyrir frystihús.
Að sögn Sigmars Ólafssonar,
umboðsmanns Norfo hér á landi,
er um eitt ár síðan stykkjaskurðar-
vélin var sett á markað. Nú er
komin ný og endurbætt gerð sem
er frábrugðin eldri vélinni að því
leyti að hún flokkar hnakkastykki
á eitt færiband en sporðstykki á
annað. Afskurðinum er skilað á
þriðja færibandið. Afkastageta
vélarinnar er um 120 skurðir á mín-
útu og eru flökin skorin með hníf.
Flakið er „skannað" með leysi-
geisla í vélinni og tölva reiknar út
hagstæðasta skurðinn út frá stærð
og lögun flaksins. Að sögn Sigmars
kostar þessi vél um 4 milljónir
króna. Hún er mjög einföld að
gerð og á hvaða rafvirki eða vél-
smiður sem er að geta séð um við-
hald.
Ný gerð slægingarvélar
keypt um borð í Arnar HU
— skemmir ekki hrogn og lifur við slægingu
Macsea-stjórntölvan.
Radíómiðun hf:
Macsea stjórn-
tölvan vakti athygli
Eitt af þeim tækjum, sem vöktu
hvað mesta athygli á sjávarútvegs-
sýningunni, var slægingarvél frá
danska fyrirtækinu Iras, en hún
blóðgar og slægir fískinn án þess að
skemma hrogn og lifur. Skag-
strendingur hf. keypti sýningarvél-
ina á básnum hjá Iras og verður
hún sett um borð í togarann Arnar
HU. Ætlunin er að Aflanýtingar-
nefnd fylgist með því hvernig vélin
reynist í togaranum.
Vélin er mötuð þannig, að fisk-
urinn er settur í hana lóðréttur,
vélin blóðgar fiskinn, síðan gengur
eins konar fingur niður í kviðinn
og um leið ristir hjólhnífur á kvið-
inn alveg niður í gotrauf, án þess
að skemma innyflin. Á eftir kemur
eins konar skrapa sem hreinsar
innyflin út án þess að kremja þau.
Þegar vélin sleppir fiskinum á
hann að vera hreinn og þveginn
jafnt innan sem utan. Vélin er sögð
geta slægt allt að 40 fiska á mínútu
og vinni á við fjóra menn. Aðeins
þurfi einn mann til þess að mata
hana og annan til þess að flokka
hrogn og lifur frá öðrum innyflum.
Þessi nýja slægingarvél hefur
verið í þróun í nokkur ár í sam-
vinnu við rannsóknastofnun fisk-
iðnaðarins í Danmörku. Telja
framleiðendurnir að hún sé nú til-
búin til markaðssetningar. Vélin
hefur verið um borð í dönskum
báti frá áramótum og Börge Ras-
mussen framkvæmdastjóri Iras
tjáði Fiskifréttum, að báturinn
hefði hirti hrogn fyrir 250 þús.
danskra króna eða jafnvirði 2,4
milljónir króna. Vélin sjálf kostar
290 þús. d. kr. (2,8 m.ísl.kr.),
þannig að hún borgaði sig næstum
upp á fjórum mánuðum.
Vélin mötuð.
— Ég er virkilega ánægður með
þessa sýningu og það er greinilegt
að allir þeir sem láta sig sjávar-
útveg einhverju varða hér á landi,
komu á sýninguna. Menn sýndu
tækjum okkar mikinn áhuga og
þar standa Macsea stjórntölvan og
GPS — staðsetningartækin upp
úr, sagði Kristján Gíslason hjá
Radíómiðun hf. er við inntum
hann eftir gangi mála á sjávarút-
vegssýningunni.
Að sögn Kristjáns vakti Macsea
stjórntölvan mikla athygli. Macsea
stjórntölvan er ekki aðeins venju-
legur tölvuplotter heldur er hægt
að nota tölvuna til þess að safna
ýmsum upplýsingum frá öðrum
tækjum í skipinu s.s. siglingar- og
fiskileitartækjum og staðsetning-
artækjum. Að sögn Kristjáns voru
teknar niður pantanir í Macsea
stjórntölvuna á sýningunni og
áhugi manna gæfi góðar vonir um
framhaldið.
— Annað sem vakti mikla at-
hygli voru GPS — staðsetningar-
tækin og við seldum mikið af þeim
á sýningunni. Utgerðarmenn voru
hins vegar hrifnastir af Dancall
kortasímunum enda er símakostn-
aðar víða mjög hár um borð í skip-
unum, sagði Kristján Gíslason.