Fréttablaðið - 09.11.2021, Page 12

Nú eru hverfi að verða
ansi einsleit, blokkir á
blokkir ofan, litlir og
stórir kassar þétt hver
ofan í öðrum.
Húsnæðismál í Reykjavík eru í
brennidepli vegna þess hve hinn
alvarlegi skortur á íbúðarhúsnæði
kemur sífellt betur í ljós. Flokkur
fólksins styður þéttingarstefnu
byggðar upp að skynsamlegu marki
en ekki þegar hún fer að taka á sig
mynd trúarlegrar sannfæringar eins
og hjá núverandi borgarstjórnar-
meirihluta. Einhliða framkvæmd
þéttingarstefnu í Reykjavík, án
ódýrari valkosta fjær miðborginni,
hefur leitt til spennu á fasteigna-
markaði. Ekki hefur verið léð máls
á að gera annað en að þétta. Ört
hækkandi húsnæðisverð speglar
ónógt framboð.
Nú eru 1.900 íbúðir í byggingu
í borginni eða 30% færri en fyrir
tveimur árum samkvæmt SI. Raun-
veruleikinn er skýr, það er slegist
um hverja eign. Litlar íbúðir á þétt-
ingarsvæðum eru svo dýrar að þær
eru ofviða námsfólki, fyrstu kaup-
endum og efnalitlu fólki.
Reynt að kenna öðrum um
vandann
Borgarstjóri og fleiri hafa reynt að
kenna bönkunum um ástandið en
þeir sverja af sér að vilja ekki lána.
Þá hefur verið reynt að kenna verk-
tökum um, en heyrst hefur að marg-
ir verktakar hafi einfaldlega gefist
upp á að eiga viðskipti við Reykja-
víkurborg og farið annað. Flækju-
stig byggingarferlis og kvaðir eru
sagðar allt of miklar og íþyngjandi
hjá borginni. Hins vegar vantar þá
kvöð sem telja mætti langmikil-
vægasta. Hún er sú að þeim sem fær
lóð beri að byggja á henni innan
tilskilins tíma. Í Úlfarsárdal eru t.d.
lóðir sem á er byggingarúrgangur
en engin bygging hefur risið árum
saman. Eftir hverju er lóðareigand-
inn að bíða eða eru verktakar enn að
glíma við borgarkerfið?
Gleymd kosningaloforð
Nú eru hverfi að verða ansi einsleit,
blokkir á blokkir ofan, litlir og stórir
kassar þétt hver ofan í öðrum. Hvað
varð um hugmyndina að blandaðri
byggð, sjálf bærum hverfum með
atvinnutækifærum innan hverfis?
Var þetta ekki kosningaloforð
núverandi meirihluta? Og hvað
varð um þau umhverfissjónarmið
að taka skuli tillit til birtuskilyrða
og hávaða sem skiptir miklu fyrir
svefn og líðan íbúa? Sá var tíminn
að einstaklingar gátu fengið lóðir og
byggt sjálfir og samhliða því byggt
upp félagslega samstöðu og myndað
hverfismenningu. Þessi hugsun
virðist með öllu fjarri nú.
Vandinn er sá að það er tak-
markað framboð af lóðum fyrir
allar gerðir fasteigna. Núna hefði
t.d. verið unnt að skipuleggja svæði
utan við borgina, og utan þéttingar-
svæða, þar sem þeir sem það vilja
hefðu getað byggt í stað þess að
kaupa hús í Þorlákshöfn eða Hvera-
gerði. Með því að víkka hverfin út
og þá innviði sem fyrir eru skapast
f leiri íbúðarmöguleikar. Skoða
mætti t.d. suðurhlíðar Úlfarsfells og
svæði austur af núverandi Úlfarsár-
dal sem tengjast því hverfi. Hér þarf
öfgalausa víðsýni í stað blindrar
trúar. n
Blind trú á þéttingu
byggðar í Reykjavík
Kolbrún
Baldursdóttir
oddviti Flokks
fólksins í borgar-
stjórn Reykjavíkur
Í síðustu viku náðist mikilvægur
áfangi í sjálfbærnivegferð heimsins.
IFRS Foundation, sem er sú ein-
ing sem stendur að International
Account ing Standards Board (IASB)
sem gefur út Alþjóðlega reiknings-
skilastaðla (IFRS), tilkynnti í síðustu
viku á Loftslagsráðstefnu Samein-
uðu þjóðanna í Glasgow um form-
lega stofnun alþjóðlegs staðlaráðs,
International Sustainability Stand-
ards Board (ISSB). Hið nýja staðla-
ráð hefur það hlutverk að gefa út
viðurkennda staðla um sjálfbærni-
upplýsingagjöf fyrirtækja. ISSB mun
starfa við hlið hins reikningshalds-
lega staðlaráðs. IASB og þeir staðlar
sem ráðið gefur út, IRFS, njóta nú
þegar alþjóðlegrar virðingar og eru
staðlarnir útbreiddir um allan heim.
Þetta skref er viðurkenning á mikil-
vægi sjálfbærniupplýsinga í rekstri
fyrirtækja fyrir fjárfesta og aðra
hagsmunaaðila.
Stórt skref stigið
í átt til samræmingar
Þessi atburður er risa skref í átt til
samræmingar og stöðlunar sjálf-
bærniupplýsinga sem kallað hefur
verið eftir af miklum krafti af fjár-
festum um heim allan. Fyrir les-
endur sem ekki þekkja vel til máls-
ins, þá eru í dag til ógrynni staðla,
leiðbeininga og reglna um fram-
setningu sjálf bærniupplýsinga í
heiminum, ástand sem stundum
hefur verið kallað stafrófssúpan.
Í sumum löndum hefur myndast
hefð um notkun á tilteknum staðli
umfram annan, þ.m.t. á Íslandi. Það
hefur ekki verið samræmi í notkun
staðla og hafa fyrirtæki frjálst val
um hvort þau nota einn tiltekinn
staðal eða blanda saman mörgum.
Eina núverandi skyldan á Íslandi
hefur verið að fara að kröfum í
lögum um ársreikninga varðandi
upplýsingar í skýrslu stjórnar.
Þessi skortur á samræmdum og
samanburðarhæfum upplýsingum
um sjálf bærni er og hefur verið
ótækur þar sem upplýsingar sem
fyrirtækin birta eru oft ekki saman-
burðarhæfar. Það hefur heldur ekki
verið auðvelt að ganga úr skugga um
hvort þær séu tæmandi, þ.e. að ekki
sé bara sagt frá því sem vel gengur á
kostnað þess sem verr gengur.
Mikilvægt er að fyrirtæki bíði
ekki eftir að allt gangi vel til að byrja
að skýra frá því hvað þau eru að gera
í sjálfbærnimálum. Um er að ræða
vegferð í sjálf bærniupplýsingagjöf
sem við erum öll að fóta okkur í.
Það skiptir öllu máli fyrir fyrirtæki
að byrja strax að greina frá sjálf-
bærnivegferð sinni en bæta svo í
eftir því sem þau efla þekkingu sína
og aðgerðir í málaflokknum. Engin
skömm er að því að vera ekki með
allt upp á tíu í dag en það er skömm
að því að hefja ekki sjálfbærniveg-
ferðina. Skýrsla um hvað fyrirtæki
eru að gera á sviði sjálf bærni er að
sjálfsögðu „einungis“ frásögn og
mestu máli skiptir að fyrirtæki
séu að grípa til aðgerða. Frásögnin
er samt mikilvæg og einnig að
hún byggi á réttum atriðum, sé að
góðum gæðum og samanburðarhæf.
Eftirspurn eftir saman-
burðarhæfum upplýsingum
Það er hægt að bera stöðuna í sjálf-
bærniupplýsingum saman við þá
stöðu sem við stæðum frammi
fyrir ef margar reglur giltu um
hvernig semja á ársreikninga og
ef félög gætu bara valið hvað þeim
hentar hvað slíkt varðar. Það sér
hver maður hve ótæk sú staða væri
fyrir hið opinbera, fjárfesta og aðra
hagsmunaaðila.
Lífeyrissjóðir hafa m.a. kallað á
úrbætur í sjálfbærniupplýsingagjöf
og nauðsynin eykst í kjölfar stefnu-
markandi ákvörðunar þeirra um að
skuldbinda sig til að fjárfesta 580
milljarða króna í grænum verkefn-
um sem tilkynnt var í síðustu viku.
Betri og áreiðanlegri upplýsingagjöf
um sjálf bærni mun gera þeim og
öðrum fjárfestum með markvissari
hætti kleift að beina fjármunum til
fyrirtækja sem standa sig á sjálf-
bærnivegferðinni. Launþegar geta
betur valið hvaða fyrirtækjum þeir
vilja ljá krafta sína og viðskiptavinir
hvert þeir vilja beina viðskiptum
sínum. Við getum öll haft áhrif til
góðs!
Björninn er ekki unninn. Nú
þurfa ríkjasambönd eins og ESB og
einstök ríki, líkt og Ísland, að taka
staðla ráðsins upp í innlenda löggjöf
eins f ljótt og hægt er eftir að þeir
verða gefnir út en til upplýsinga má
nefna að ESB hefur einnig unnið að
samræmingu innan Evrópu en það
er efni í annan pistil. n
Styrkari stoðum rennt undir
sjálfbærniupplýsingagjöf fyrirtækja
Margrét
Pétursdóttir
forstjóri EY
á Íslandi og
stjórnarmaður í
Alþjóðasamtökum
endurskoðenda
(IFAC)
Mikilvægt er að fyrir-
tæki bíði ekki eftir að
allt gangi vel til að
byrja að skýra frá því
hvað þau eru að gera í
sjálfbærnimálum.
HAFNARFJÖRÐUR
Hjallahraun 4
NJARÐVÍK
Fitjabraut 12
KÓPAVOGUR
Smiðjuvegur 34
REYKJAVÍK
Skútuvogur 2
ÞAÐ ER ÓÞARFI
AÐ NEGLA TÍMANN
FR
ÁBÆR VER
Ð
Á
DE K K J UM
10 Skoðun 9. nóvember 2021 ÞRIÐJUDAGURFRÉTTABLAÐIÐ