Heilsuvernd - 01.03.1950, Side 28

HEILSUVERND
Höfuðverkur
Nýlega birtist í heilbrigðissíðu dagblaðsins Vísis þýdd
grein um höfuðverk. Er þar getið um ýmsar orsakir höfuð-
verkjar, en ekki eina þá algengustu, sem er myndun eitur-
efna í meltingarfærunum vegna rangrar fæðu og tregrar
meltingar. Höf. gefur ýms ráð, sem aðallega eru í því fólg-
in að leita læknis og nota meðul. En það er tvennt, sem
vekur sérstaka athygli í greininni, og fyrir það er hún gerð
að umtalsefni hér.
Talað er um ýms lyf við höfuðverk. En „beztu lyfin eru
aðallega slík, að þau lina kvalir, en verka ekki á sjálfa
orsök verkjanna.“ (Leturbr. hér.)
Hitt atriðið er, að í þeim hluta greinarinnar, sem fjallar
um ráð við höfuðverk, stendur þetta: „Notaðu tóbak og
áfengi, ef þii þai'ft, en í hófi“ (leturbr. hér). En á sjúkling-
urinn þá að ákveða sjálfur, hvort hann „þarf“ tóbak og
áfengi og hvar takmörkin eru milli hófs og óhófs?
Á sömu síðu eru þessi orð höfð eftir frönskum lækni
um vínið: „Það bætir næringuna og styður að festu í
skaygerð mannaí (leturbr. hér). Hafa menn heyrt fyndn-
ara, að áfengi styðji að festu í skapgerð manna?
Það mun vera læknir, sem annast þessa síðu í Vísi. Og
hér boðar hann óspart trúna á eitrið og lyfin, „trúna á
lygina“, eins og tveir merkir íslenzkir læknar hafa kallað
það (sjá 3. hefti 1947). Að gefa lyf, sem deyfa þrautir en
verka ekki á orsökina, er blekking. Sjúklingurinn trúir því,
að lyfið hafi læknað sig, og hann fer að trúa á lyfið, trúa
á „lygina“. — I 1.—2. hefti HEILSUVERNDAR 1946 er
ágæt grein um höfuðverk eftir amerískan lækni. Þá grein
ættu allir, sem eiga vanda til höfuðverkjar, að lesa.