Heilsuvernd - 01.03.1950, Síða 40

32
HEILSUVERND
ari hluta vetrar 1949—50, enda hafði hún ekki fengið nýtt græn-
meti né ávexti frá því í byrjun desember.
„Anna litla er síánægð", segir móðir hennar í bréfi dags. 17. apr.
1950, „sama hvaða tíma dags er. Hún hefir verið svo róleg, að allir
dást að, sem til þekkja. Síðan hún fæddist, hefir hún sofið allar
nætur sem fullorðin væri. Hún sefur ennþá á daginn, oftast 2—3
tíma. Hún er nú 16 mánaða gömul og vegur 12% kg. og þykir stór
eftir aldri. Hún er fyrir löngu farin að hafa allt eftir, og er því farin
að tala talsvert.
Drengirnir hafa verið vel frískir, en það kemur alltaf öðru hvoru
fram lystarleysi hjá Eiriki, ef langt líður á milli þess, að við höfum
nýtt grænmeti. Nú undanfarna mánuði hefir gengið hér kvefpest.
Fengu drengirnir hana og voru með hita í viku, en þeir hafa aldrei
áður á þessum 6 árum fengið neina umferðaveiki. Þetta finnst mér
benda Ijóslega á, að hér hafi verið um að kenna skorti á nýju græn-
meti ......
Við hjónin erum allaf vel frísk og höfum sloppið við þessa um-
ferðaveiki. En óneitanlega finnst manni erfitt að lifa, þegar ekki
sést nýtt grænmeti nema í mesta lagi 2—3 mánuði á ári. Við vorum
líka svo óheppin að missa grænkál og rófur s.l. sumar, vegna þess
að kindur komust í garðinn. Annars hefi ég upp á síðkastið reynt
að bæta þetta upp með alfa-alfa, sem ég nota nú mun meira en áður.
Eins hefi ég notað meira af lauk, en nú er hann ekki fáanlegur."
TIL ÁSKRIFENDA
Frá því HEILSUVERND hóf göngu sína, hefir prentunarkostnaður
og annar kostnaður hækkað allmikið. Nýlega hafa orðið miklar
hækkanir á burðargjöldum o. fl., og framundan er mjög mikil verð-
hækkun á pappír. Það verður því ekki lengur hjá því komizt að
hækka verð á ritinu, og hefir áskriftarverðið verið ákveðið kr. 20.00,
en 6 krónur heftið í lausasölu. Vonandi skilja lesendur nauðsyn þess-
arar hækkunar og halda tryggð við ritið eftir sem áður.
Með þessu hefti er áskrifendum sent eyðublað undir póstávísun,
sem þeir eru vinsamlega beðnir að útfylla og senda um hæl, til þess
að spara fyrirhöfn og frekari kostnað við innheimtu áskriftargjald-
anna, sem er kostnaðarsöm og miklum erfiðleikum bundin, einkum
utan Reykjavíkur.
MuniÖ, aö ritiö á aö greiöast fyrirfram.
Á þessu ári verður lagt kapp á að vinna upp þá töf, sem fram að
þessu hefir orðið á útgáfu ritsins og lesendur eru beðnir velvirð-
ingar á.